馬鞍山人唔係鍾情286C，只係討厭86C

HS1588 發表於 2019-6-25 14:26
就係話九巴既然都無心機搞, 咁不如維持現狀
286C keep 住加班延長服務時間做通勤客就夠

87D兜極有限，重要係特快線，由尖沙咀出發只係兜旺角太子，之後就已經特快沙田第一城，直達馬鞍山市中心啦。

86C淨係快喺九龍塘至曾大屋呢一小段，而且重要兜九龍塘，兼由曾大屋碌到石門（以前重衰，由大圍碌到石們），同87D相比差太遠啦。

話說運輸署與九巴年初曾在沙田區議會上表示，
286C會在第一季尾至第二季頭開始全日服務。
宜家第三季都差不多到了，有無人知進度如果?

hon_son_wilson 發表於 2019-6-28 17:15
話說運輸署與九巴年初曾在沙田區議會上表示，
286C會在第一季尾至第二季頭開始全日服務。
宜家第三季都差不 ...

會唔會係班次和車務未搞掂先全日唔到？
既然區議會已經過左，
或者會唔會有個兩全其美既建議比巴士公司呢？

OT：我之前都係本版獻過醜：
1. 九龍方向做聯合班次。
2. 新界方向最好係九龍有一個位係同站同方向。(呢個我新想出來的)

再講返少少86C既歷史：
初開辦及在恆安做總站既時代就已經經大圍，除左方便去深長荔一帶既乘客，亦做埋大圍既學生客。
呢個安排一直經歷搬去利安和馬鐵通車，直到2014年改路。馬鐵通車前經大圍確實有其必要性。
因為條線初開辦時，馬鞍山只係發展初期，基建都未成熟，人口亦唔多，單靠馬鞍山客量係不足；
加上有唔少住馬鞍山既學生要在大圍返學(大圍一樣有唔少學生去馬鞍山返學)，唔好話86C，
當時81C都一樣做唔少呢類學生。
當然去到馬鐵通車後，絕大部分學生客都搭哂馬鐵，咁就顯得86C經大圍有點累贅。
(81C都仲有大圍人搭去油麻地至尖咀，287X唔到尖咀)

AVW28 發表於 2019-7-2 08:32
會唔會係班次和車務未搞掂先全日唔到？
既然區議會已經過左，
或者會唔會有個兩全其美既建議比巴士公司呢 ...

86A是甚麼？

paul2357paul 發表於 2019-7-2 08:43
86A是甚麼？

乜86A去到馬鞍山咩？
我一路都講緊馬鐵通車前馬鞍山和大圍之間的交通關係，
幾時有講埋大圍去深長荔呀？

既然閣下提到86A，我唔爭在講埋，只不過要講埋87A(287X前身)和86B(今286X)。
86C仲係大圍既年代，出深長荔基本上大圍人見車就上，
除左86A和86C，新翠仲可以去對面方向搭86B，
石硤尾返大圍仲有87A和87B揀添。
就係因為有86C和87A，86A在沙田段就基本上變左做可有可無(馬鐵通車都曾經話要取消)，
唯一特色只係平和因為少人搭而坐得舒適。

到2014年，87A變做287X和86C唔經大圍既措施先後實施，
大圍去深長荔如果唔搭286X和87B(此線做到深水埗邊陲既南昌街)，就只有搭86A；
87A取消後，86A就改派12米車做掛牌(之後用短車)，
不過而家個班次都同以前差唔多咁疏車，即係加大唔加班。

86a擺碩門？86c可以全日亞公角上路？

AVW28 發表於 2019-7-2 09:42
乜86A去到馬鞍山咩？
我一路都講緊馬鐵通車前馬鞍山和大圍之間的交通關係，
幾時有講埋大圍去深長荔呀？

其實86c而家個行法，根本馬鐵通車之後就要做，而家遲左十年！
如果早十年就咁行，可能而家已經第一城上公路

tszhinchan3 發表於 2019-7-2 11:29
其實86c而家個行法，根本馬鐵通車之後就要做，而家遲左十年！
如果早十年就咁行，可能而家已經第一城上公 ...

當時九巴就係想用收貴d既86C食埋86A，
當然九巴咁做，馬鞍山人又好，大圍人又好，都唔買帳。
馬鞍山人嫌慢(而家都係)，大圍人可能又覺得比咁貴我不如搭鐵。

86C其實係應該跟87D上公路，但而家個走線擺明係富豪無線補位既做法。
如果當初個改路建議係玩大d----第一城上公路，我估反對聲音會仲大，
除左大圍會嘈(改曾大屋上公路已經係咁)，富豪花園以致乙明都會嘈。

其實用86A做埋富豪係唔理想，一來條線要經大圍，
而家86C唔經大圍既，改快條86C跟87D走，
用條經大圍既86A做補償，你係富豪居民會受咩？
咁點解唔行去第一城搭車？
按：九龍方向既87D和281A尾站等車既，都有一部分係富豪人。
二來延長實有機會加價(雖然巴士公司可以選擇唔加)，86A而家個里數其實都掂邊咁滯，
延長去碩門或火炭都一樣過左某個里數等級(好似80和86個case咁)，
試問如果真係加價，本身86A既沿線居民會接受咩？
(除非比到一d甜頭搏佢地收貨，如好似99咁西貢至烏溪沙有雙向分段)
三來86A既客量在2014年年中開始已經比以前上升左不少，
這是受87A取消和86C改路所致，接收左部分該兩線既乘客。
如果86A延長，這會令中途站乘客帶來影響，例如尾站區既大圍會唔會比之前難左上車呢？
86C改路，大圍都已經嘈；86A延長，呢區應該都會嘈多次。