啱啱睇咗兩段片，都係西隧線去銅鑼灣有幾咁慢嘅

ATENU135 發表於 2019-7-6 13:43
967X下繁停中上環

梗係講緊港島方向啦.....

930X其實由頭到尾都無時間優勢，佢上公路，紅線計埋行路到葵興，佢轉上三幹，另一邊紅線荔景已經開車，東涌線到站
三幹橋上唔停站比橋下停站「分幾鐘」，快到大約1分多啲啦，但係過西隧因為走線問題，走入西消防街嗰陣東涌線已經到香港開埋門，五分多啲後930X先埋海港政府大樓 (仲未到交廣出面喎！)

962X時間優勢就係屯公直出，屯轉一站到西隧口得黎，西鐵屯門開行到錦上路都15分鐘，但呢個係西鐵兜路，先天不足，之後錦上路開去尖東，時間都係18分鐘，唔係962X慢，係西鐵快，用九龍段快補新界段兜

就算準巨你攞中上環黎比，結果都係一樣，930X公路段唔夠長，受道路網所限行小路多，頭站同快字係扯唔上，962X就好好多

比完一大輪，反而證明到嘅係Kay兄睇淡930X有佢嘅道理...
同樣亦證明到點解城巴肯揼一大堆車落962系仲有免費升級flyer，930系就成日都偏少車

荃葵呢邊相信出港島優勢比較大嘅公路距離要去到北角
以前搭紅藍去北角下下成個鐘，繞道巴士應該會穩定快10分鐘以上，將來亦無快方法去港島東

乜鬼灣北特快，當東鐵線去到金鐘嗰時，就收哂檔啦

962X VS MTR片段 點解唔係輕鐵507+西鐵+東涌線+港島線?
其實飛上環可以,但繁忙先夠客

琴日啱啱試過112轉234X再轉59M，車駁車唔駛等都要80分鐘，下次都係乖乖坐番962X。

有另一條片拍506同507，結果係506贏。另外西鐵轉鐵去金鐘以東最快一定係經尖東轉。如果俾我由銅鑼灣返碼頭，視乎時間，我會搭港島線去上環轉962X；或者索性搭地鐵，港島線轉荃灣線去長沙灣轉59X；入夜之後中環收晒工就962X一程過。

其實堆西隧車開左咁多年，要港島拆線有難度，一黎中上環加埋比例真係好大，拆線行車時間無短到但班次少左，當你拆到快車比灣仔銅鑼灣，班次疏左一加一減分別唔大，不過講到尾都要睇拆線目的，如果搶地鐵客，可以死左條心，要執意搭地鐵既人，就算巴士慢個少少，都唔會搭巴士，呢班人應該係覺得鐵路時間穩定，巴士要面對塞車風險

miklcct 發表於 2019-7-6 17:54
有另一條片拍506同507，結果係506贏。另外西鐵轉鐵去金鐘以東最快一定係經尖東轉。如果俾我由銅鑼灣返碼頭 ...

上次順燈,唔代表下次咁順,仲有506沒有優先過路權,停燈仲多過輕鐵507

kay 發表於 2019-7-6 18:16
其實堆西隧車開左咁多年，要港島拆線有難度，一黎中上環加埋比例真係好大，拆線行車時間無短到但班次少左， ...

如果睇九龍嗰邊做例子，唔計非全日路線，以前條條新界路線都由美孚碌起（唔計服務海麗邨嘅A21），最遠嗰啲甚至碌到尖沙咀，完全無善用西九龍走廊，就好比西隧線由上環碌到銅鑼灣一樣，無善用林士街天橋一樣，但係近年已經有幾條路線成功提速。
最早期嘅例子就有63X，因為有屯轉而成功提速，再之後就輪到41A因為同44重疊而提速，之後就到68X自體分拆提速。睇返港島嘅西隧線，其實有幾條線我相信已經有拆線／提速條件，例如968同969咁。968以而家嘅班次而言已經有條件繁忙時間及週末分拆，而969亦喺天水圍同967重疊，亦都有條件提速。甚至如果960或者961其中一條可以拉去銅鑼灣嘅話，亦都可以善用轉車站提速。

363330hx 發表於 2019-7-6 14:00
930X可行告士打道至維園，總站改天后25坑，25就skip天后站。930X 回程入大坑及摩頓台總站。。 ...

傳聞天后總站除左E線，其他城巴線係唔用得。
不過930X港島方向港島段簡直亂黎係事實，
偏偏揀告士打道又揀摩頓台總站呢種大錯配唔知為乜，
唔係未試過只係中環去維園附近半個鐘都搞唔掂：
https://www.youtube.com/watch?v=SrVSu9Bzm_o
https://www.youtube.com/watch?v=TR7IfvvD-Ck

用下告士打道冇得唔得，但請改上大坑道天橋轉番落去行禮頓道擺例如香港大球場好過。