九巴72定位

castanopsis 發表於 2019-8-7 03:38
你要埔公四條變一條，我估新72班次都至少要落到大半日12
但喺272E進一步擴展服務時段既前提下，沙市西九 ...

青沙落太子，好簡單，跟41A行咪出到太子。

另外，大埔去長沙灣，鐵路根本毫無優勢可言，小巴轉272X轉286X已經比鐵轉轉轉少一次車，而且路面交通全程原站轉，點都好過由小巴總站行入火車站，再由九龍塘地面行落地底。

fatpear 發表於 2019-8-6 14:49
海麗同四小龍其實有咩得罪人，係都要被抽走所有線先得？
成日話青沙經四小龍出長沙灣道燈陣難頂，
其實由 ...

我係當區居民點會唔明，曾經同海麗個區議員講過呢個問題，況且碧海藍天個站只係得南行，根本要加番北行(好難度到一條正路由海麗同四小龍上青沙，無論行深旺道到美孚先定興華街轉入昂船洲上青沙，根本兩邊都唔著數：美孚塞車、昂船洲就行遠咗)。同我上個回覆話加強太子一帶兩者無衝突，依家係青沙路線太少，覆蓋面細，做唔到類似其他轉車站效果。

castanopsis 發表於 2019-8-7 02:28
明白你既出發點，但我覺得無必要咁做

填海區燈位麻煩

始終覺得深旺道一帶開始成熟，搵條線霸定先未償不可，而且西九法院一帶未來有政府寫字樓，唔一定要條條線行長沙灣道。

ykh 發表於 2019-8-7 09:49
我係當區居民點會唔明，曾經同海麗個區議員講過呢個問題，況且碧海藍天個站只係得南行，根本要加番北行( ...

我覺得海麗邨一帶的深旺道應該由286C做。我心目中的286C線是利安至長沙灣(循環線)，反正86C線會保留，便讓86C線主力做深水埗。286C過青沙後行至東京街西、深旺道、興華街西、興華街、左轉長沙灣道原線返利安。那麼深旺道一帶便可以坐286C出入新界東，擴大286C客源之餘，也可以與86C分工。

yclam 發表於 2019-8-7 11:30
我覺得海麗邨一帶的深旺道應該由286C做。我心目中的286C線是利安至長沙灣(循環線)，反正86C線會保留，便 ...

286C就經大角咀道落維港灣啦…
起碼馬鞍山會有人要去大角咀…

castanopsis 發表於 2019-8-7 03:38
你要埔公四條變一條，我估新72班次都至少要落到大半日12
但喺272E進一步擴展服務時段既前提下，沙市西九 ...

86系方面我有部分位未諗好
有兩個方案係腦海入面
不過主軸點都係86唔再過海
源禾路沙中<>西九全部畀晒72做
石硤尾既問題我心入面就係改81定係重開87既選擇題

272X既走線

所以其實我覺得如果老九aggressive少少既
272E亦可以全日剩係做林村河以北
反正埔公執剩一條線後其實釋放到唔少資源

至於南邊鄉郊只到火車站
本身都難搞
單係就算72變272E都未必搞到

ykh 發表於 2019-8-7 10:13
始終覺得深旺道一帶開始成熟，搵條線霸定先未償不可，而且西九法院一帶未來有政府寫字樓，唔一定要條條線 ...

旺區如工廠區、黃金商場等都挨近山邊，之所以大部分巴士行走長沙灣道都唔走荔枝角道。真係要睇未來點發展荔枝角道至南昌站那邊先可以講值唔值加條線落去

castanopsis 發表於 2019-8-7 03:54
九巴網站車程列曬俾你
你計一計就知272E就算深水埗都會快過72一截

剩係計塞車黑點 272E 輸一截
吐公 馬場 沙中
唔計興華街落葵交調頭，
其實兜落去調頭跑多咁多里數條數係返度，
所以老九先行返興華街

唔好唔記得 272E 係由廣福一路飛站先有你所講既時間
即係如果 72 部分飛站一樣做到靚時間

72 要做既係大埔道同大埔公路全飛站，
北裁起跑直插沙中已經好幫到手
以前 272P 有其他路唔跑一樣大埔道全飛站

大圍美林有 286X
大埔道全線有 81 轉乘迫爆佢

夾硬轉 272E 又要落返源禾路做返批客
得不償失

castanopsis 發表於 2019-8-7 03:54
九巴網站車程列曬俾你
你計一計就知272E就算深水埗都會快過72一截

首先,我認同272E就算深水埗都會快過72一截,最差情況亦只會打平,
而且272E站位比72更靚,尤其是深水埗北河街總站
272E不單搶72客,也甚有可能成功搶得鐵路轉車客,長遠值得栽培發展

不過,我始終覺得,唔可以單用速度衡量路線的價值,72和272E服務目標類似但功能有所不同

如果我要定位72和272E,
272E固然是點對點特快線,
72則是一條大埔往返沙田市中心+沙田去西九龍的流水線
正如港島區,電車/1,5B/5X,地鐵,基本上係各有各做,
並不是你死我亡的關係

我個人在272E收11.1元或以下並全日服務的前題下,並唔介意整慢72,
例如九龍段繞經南昌街(估計多5-10分鐘車程),換86離開市中心+源禾路
整慢72亦可突顯272E的速度優勢

另外,在有72的情況下,272E不一定要06:00-00:00服務,只需揀較多需求時段服務即可,
亦可發揮72的剩餘價值,尤其是在青沙公路路口設計比較奇怪的情況下,
272E善用獅隧私牌往返大埔西九龍有助提升經營效率

至於源和路出西九龍變慢的問題,我傾向用一條火炭西九龍的青沙線解決
至少長沙灣返沙田點都比現在的72快

castanopsis 發表於 2019-8-7 03:12
3000個新客，即係692客量
你望返我個方案，真係食生菜咁易

其實而家 73A 來往第一城到大埔，雖然係兜，但唔見得比起其他轉車選擇差，
或多或少已經反映到基本盤有幾大

往來北區，對比東鐵線轉車，情況又唔同

至於你話我「太過高估埔公既重要性」，我想講既係，
重點唔係呢段有幾多客，而係你既建議喺現實世界入面有無可能落實得到

至低限度，改 73A 同 72 既話，必然要牽一髮動全身，先可以換取區會放行，
搞到咁大陣象，巴士公司角度，隨時唔改好過改

而且有小巴前提下，我睇唔到運吉放行九巴做一城廣黃來往大埔特快既可能，往來北區都仲有得玩

呢兩點，上面已經提過了；
再加上面無提過既一點，埔公有至少兩三間中小學，
本來來往太和有三條線，變成一條不剩，係無可能過到


至於你話改 W3 有方法可以「原有乘客無大影響」，
問題係 W3 新界東流水客基本上全部有直接替代品，
你唔去亂搞 72 73A，唔係對原有乘客影響更少？
點解又唔將呢個諗法套落呢兩條流水程度更複雜、遠離鐵路既路線？

真係有車加，加落去拆 W3 做新界東區間特快，好過
加落去改 72 73A 堆埔公流水線，改到鬼五馬六，影響大量無直接替代品既乘客，
同時 W3 又未能全面發揮潛能

我暫時心入面係想將 W3 咁拆，全日各 30 分一班：

(1) 聯和墟 - 天平 - 上水站 - 太和站 - 大埔超級城 - 廣福 - 白石角 - 科學園 - 大學站 - 西九龍站

(2) 上水站 - 清河 - 百和路 - 石門 - 大涌橋路 - 沙田巿中心 - 西九龍站

反正除非小巴招標流產，運吉應該唔會放行九巴做一城大埔特快重疊，
做北區特快值搏率更高，改 W3 亦唔需要搞到 73A 既流水客


而兩條線都分別做到科學園同石門兩個返工位，
第一條某程度上填補埋大埔往來上水聯和墟既不足

做埋沙田區幾大酒店往來西九龍站，就係後話。
廣福來往沙田，有其他替代品，宜放棄