荃灣線加設曹公潭站可行性

荃灣線盡頭離荃灣站約一公里，盡頭兩邊分別係照潭徑同曹公潭苗圃，附近又有愉景新城、荃景花園同荃灣中心等私人屋苑，遠少少係荃景圍，喺唔興建新路軌嘅情況下，只要將照潭徑同苗圃拆走並改成月台，係有條件加多一個站，由於嗰度本身位處曹公潭旁邊，新站不如叫曹公潭。
不過曹公潭同另一邊隔住條大明渠，如果曹公潭站個大堂起喺月台上面，再用天橋橫過條大明渠連接荃灣中心同荃景花園，另一邊就連接荃景圍體育館過愉景新城，唔知可唔可行

點解唔叫荃景圍/愉景新城站？

當年已經話無位起

有地起上蓋物業就乜都得

99MAN 發表於 2019-7-20 17:59
點解唔叫荃景圍/愉景新城站？

因為嗰個位係喺曹公潭，喺政府地圖打曹公潭，會指向苗圃附近嗰個位，以前嗰邊仲有條叫曹公潭村嘅木屋區。

荃景圍一般指喺明渠對面嘅半山住宅區，由體育館、荃景花園一直上到荃威花園都係叫荃景圍，荃灣線盡頭嗰個位點都同荃景圍有啲距離。

至於點解唔叫愉景或者其他屋苑名，因為嗰度根本冇一條邨或者屋苑係特別大規模，亦都冇話邊個屋苑離嗰個位特別近，叫曹公潭似乎係比較適合。
再者，荃景圍英文叫Tsuen King Circuit，有成16個字母，曹公潭就得10個英文字母，列車顯片屏一定會比較難顯示荃景圍個英文名，所以叫曹公潭肯定好過叫荃景圍

s3n370 發表於 2019-7-20 19:17
有地起上蓋物業就乜都得

不如玩政府想推行的公私營合作建屋? 將苗圃搬走, 平整附近土地, 平整後土地俾港鐵發展物業及興建新車站, 但要港鐵俾番若干樓面俾房署, 房協做公營房屋 (用來做福來邨的安置房, 俾福來邨同滿樂大廈重建, 兩者樓齡都超過 50)

louisL 發表於 2019-7-20 20:07
一定唔可行.

因為......

其實點解會係幾十年後先問

不如把南豐中心對面起樓先！