政府匯報九龍東環保連接系統進展

bam1a 發表於 2019-7-30 19:16
重慶同大阪個單軌系統其實可以展示出單軌個機動力，亦有較少天橋遮擋面積呢個優勢，亦好似雙層巴士咁比較 ...

膠輪APM系統個p-way面積大，遮擋陽光.......用單軌效果係最好，不佔用道路資源而且較吸引

喜鵲樓一帶花園大廈準備重建，起條中型鐵路系統連起郵輪碼頭、牛頭角、秀茂坪接駁東九龍線本質唔難。
如果起重鐵，根本唔好考慮駁觀塘九龍灣，而係索性係啟德拉條直線去偉業街、茶果嶺、油塘，再係牛頭角整條隧道就一了百了。

bombardier 發表於 2019-7-31 00:11
膠輪APM系統個p-way面積大，遮擋陽光.......用單軌效果係最好，不佔用道路資源而且較吸引
...

唔經開源道, 無必要考慮呢樣野, 啟德同九龍灣大把空間
要經開源道, 單軌都唔掂

可唔可以咁樣？透過擬建東大嶼走廊向港島北南部延伸，然後經第五條過海鐵路隧道，前往九龍灣，最後到啟德，取代此線？ https://drive.google.com/open?id=16h3Py1D1pj8QXVCpCmZdV1rypOXwVQH-&usp=sharing

Lyt_Kondisc 發表於 2019-7-31 22:56
可唔可以咁樣？透過擬建東大嶼走廊向港島北南部延伸，然後經第五條過海鐵路隧道，前往九龍灣，最後到啟德， ...

本身明日大嶼個計劃已經包埋直接連接港島去大嶼山嘅功能，有大力分薄港島車流來往青嶼幹線嘅功能，唔明仲想過海食再埋呢個概念爲乜
係我都唔會特登爲咗入本來就係中上層居民區嘅跑馬地而整個新嘅重鐵來往啦，電車都解決咗連接銅鑼灣嘅功能。
就算條鐵只會連接港島都係經港島綫轉車都搞掂曬大部分功能，北港島綫都俾咗唔少位分擔啦。
成個環保連接系統目標係爲咗區內有效連接東九CBD區域對內同聯絡啓德嘅作用，長遠諗就可以擴展去中九至觀塘山區一帶，所以大部分人諗都會係比較容易插針同敏捷嘅中型-輕型鐵路網絡而唔係重鐵，要重鐵而再大興土木郁成條觀塘道真係想未起動就癱瘓東九龍啦...
仲要唔走仲有唔少空間嘅宏/承字頭街道，觀塘繞道一帶嘅開發區域...
更加偏離咗疏導區內客羣嘅作用...
而且畫條綫入中環半山，你認真？

Toz 發表於 2019-7-31 22:22
唔經開源道, 無必要考慮呢樣野, 啟德同九龍灣大把空間
要經開源道, 單軌都唔掂

咁如果整個系統其他部分架空，跑道末端經開源道一帶到觀塘站一段落地底呢？

bam1a 發表於 2019-8-1 00:55
本身明日大嶼個計劃已經包埋直接連接港島去大嶼山嘅功能，有大力分薄港島車流來往青嶼幹線嘅功能，唔明仲 ...

首先，YAT-QUB已爆，但周邊唔似TST-ADM旁邊有多條隧道分流。
另外，當《策略2014》鐵路起哂後，中東九龍鐵路網會極度集中於DIH，相當脆弱；KAT-KOB可以減輕呢個問題。而且，九龍東係實實在在嘅第二個CBD，起多條重鐵連接區內有問題？而且CEN-ADM一帶都冇輕軌啦。喺繁忙市區裏面，快係好重要。
再者，第三條港島北走廊可以係快線，讓乘客超快穿梭各地，避過現有超繁忙路段，打蛇餅。呢條不同車站可以接駁番現有主線，新界西可免卻多從轉車嚟九龍東，振興第二個CBD。最後，東北九龍半山咁多人得慢吞吞兼載客量少嘅輕軌？佢仲係將軍澳出市區嘅第二走廊，一定唔夠！

qunow 發表於 2019-8-1 05:04
咁如果整個系統其他部分架空，跑道末端經開源道一帶到觀塘站一段落地底呢？ ...

但潛完又同觀塘嘅架空站轉乘，就只能重置消防局起大型嘅轉乘電梯塔。

如果都係要大興土木搞，不如將新線搬去公務員學院基座，經翠屏河出海，施工難度低好多之餘，月華街個????塔底可以加好闊嘅平台覆蓋觀塘道東行線做轉乘大堂同疏導人流。

如果進一步西延到觀塘重建地盤，一樣可以好近市中心。

Lyt_Kondisc 發表於 2019-8-1 10:23
首先，YAT-QUB已爆，但周邊唔似TST-ADM旁邊有多條隧道分流。
另外，當《策略2014》鐵路起哂後，中東九龍鐵 ...

咁新嘅系統如果同現有系統統一計費，又上到山，DIH-KWT一段都算有第二通道，經KAT轉新線去到KOB、NTK或者KWT已經幫到好多。

YAT-QUB嘅問題，我會建議諗下由小西灣經將軍澳137區、百勝角、科大、蠔涌谷、大水坑連返去新界東部，同時分流成個新界東去港島東嘅人流之餘，又唔駛個個由西面湧入東九/港島東返工。

bam1a 發表於 2019-7-30 19:16
重慶同大阪個單軌系統其實可以展示出單軌個機動力，亦有較少天橋遮擋面積呢個優勢，亦好似雙層巴士咁比較 ...

單軌列車比較少見呢個論點實在難以苟同，而家香港人大部分都成日去外國旅行，外國大把單軌列車啦，單係日本已經有東京羽田、東京老鼠樂園、沖繩、大阪、小倉、神奈川、湘南江之島、千葉呢幾個例子，個個都坐到厭，仲點會有新奇嘅感覺呢？
如果諗住用單軌火車吸引外國遊客就更加不設實際，好似啱啱咁講，外國大把單軌列車啦，使嚟你香港坐？
而且單軌火車其實係蒸汽火車年代嘅產物，大家唔好以為係咩新科技。
有版你睇，悉尼同姬路單軌唔夠客搞到廢線，唔通真係要為咗貪嗰一兩次新鮮，嘥咁多錢起單軌火車？
如果真係貪得意嘅，都係懸垂式單軌列車(倒吊)得意啲啦，政府提議嘅跨座式單軌，其實真係唔新奇囉～
倒不如實用啲起個電車系統啦，最多喺九龍灣同觀塘用高架囉
再唔係，又想貪新奇又想實用嘅，不如試下PRT系統吖
PRT之介紹：
https://zh.m.wikipedia.org/wiki/%E4%B8%AA%E4%BA%BA%E5%BF%AB%E9%80%9F%E8%BF%90%E8%BE%93%E7%B3%BB%E7%BB%9F