政府匯報九龍東環保連接系統進展

E3Tsubasa 發表於 2019-8-3 22:26
單軌列車比較少見呢個論點實在難以苟同，而家香港人大部分都成日去外國旅行，外國大把單軌列車啦，單係日 ...

但係日本以外真係唔多城市會會當作主要交通工具，大部分都係亞洲個面，美國都好多呀，但都係樂園運輸爲主，歐洲有呀，但除咗德國呢個老祖宗都好似美國唔係當真係公共交通工具咁看待，咁加加埋埋，單軌做真正嘅交通工具真係唔多
咁嘅話，成個單軌列車就好似雙層巴士咁，大部分地方唔係主流，但特定地方係主流級數嘅交通工具
吸引旅客唔係話唔係主流咁簡單，單軌擅長嘅係可以做到廣闊視覺，地形穿梭能力，都已經係一大長處，對於長遠伸延能力之前都講過啦，仲好過傳統鐵轆電車
但短處都明顯，都係因爲冇固定標準而搞廠方專有甚至特別規格而增加成本，導致冇乜地方政府肯俾錢玩，寧願用B型路權嘅低地台路面電車都唔搞強制A型嘅單軌，電車公司就梗係係食住呢個勢去提議，同埋佢係玩好多路面電車專營權嘅transdev

仲有點解悉尼單軌係笑話，搞到要拆，都係佢個定線太垃圾而成，自己明明一早有路面電車呢個基礎可以伸延，係好高穿梭力呀，見單軌走來走去捐窿捐罅好有未來感添，但無啦啦整個個只有單向環形而且過分專注旅客運輸，又包唔曬成個悉尼旅客常駐區域，尤其歌劇院同circular quay呢啲地方，幫唔到遊客，亦協調唔到其他交通工具，幫唔到通勤客，搞到13年要拋棄咗佢，但好笑嘅係替代到佢個路面電車系統整咗N世到下年先可以開通返CBD段，搞到CBD唐人街一帶個路面交通有時候仲衰過冇單軌

雙層巴士亦有啲喺唔係雙層巴士爲主嘅，都會用開頂巴咁解放車頂開揚度，變咗做城市觀光巴士利器，透風又包攬城市特色美觀，咁係改係單軌角度，只用呢個吸引旅客諗法攞過去做公共交通基建嘅話，就變咗悉尼單軌2.0，實裝費用高昂又回唔到水，更加唔係政治工程，所以呢個先係點解啲人鬧政府大白象嘅真正原因，唔係貴，唔係工程難，而係成個概念太旅客主導，整得嚟乜地方都方便唔到