本帖最後由 HZ8186 於 2019-8-15 00:21 編輯
不經不覺間, 小弟已經係英國完成第三年學業。今趟旅程小弟會先搭 airBaltic 由英國前往里加, 再搭 Finnair 經赫爾辛基前往香港, 除了有機會遊覽 Latvia 既首都 Riga 之餘, 小弟亦會係芬蘭首都 Helsinki 留半日。
--- Flight Info ---
BT652 LGW-RIX YL-CSH
Airbus A220-300 (BCS3)
STD 0925 ATD 1047 (BST)
STA 1425 ATA 1450 (EEST)
--- London Gatwick (LGW) ---
小弟當日早上乘車到達 Gatwick - 快速辦妥登機手續後, 小弟就通過安全檢查進入機場 Airside。 Gatwick 既 Airside 係有少少特別 - 由於機場希望旅客盡量係機場內消費，Gatwick 係只會係登機前三十分鐘才顯示登機閘口，盡量令旅客留係有商舖客運大樓的中央部份。 當然，呢個設計係未必太 Passenger Friendly - 此舉令大量旅客留係 Airside 既中庭呆企之外，小弟亦見到唔少旅客一見到閘口 number 之後就拔腿狂奔。
Gatwick 入面既商舖都算幾多元化既 - 雖然佢唔會似 Charles de Gaulle CDG T2 咁係一個配跑道既商場, 不過佢既 Landside 同 Airside 都算有嘢行下既。 Landside 有 Marks & Spencer, Boots, Spoons 等比較平民商舖, 而 Airside 則有比較貴價既選擇 - 餐廳方面有間意大利餐廳同一間 Jamie's Deli, 而商舖方面就有幾間時裝品牌同免稅店。
今日呢班航班係小弟特意挑選既 - 事源 airBaltic 半年前宣佈會於 19年第三季把旗下 733 & 735 退役, 並用新交付既 Bombardier CS300 (Airbus A220-300) 取代。係歐洲搭到 737 Classic 飛定期航班既機會亦所剩無幾, 適逢 airBaltic 做復活節優惠, 小弟就買左呢張去里加既單程飛, 順便遊歷拉脫維亞既首府 - 里加。
airBaltic 係一間服務波羅的海三國既航空公司。 雖然佢總部係設於 Riga, 不過佢亦有唔少航班服務 Vilinius 及 Tallinn, 都算係 Estonia & Lithuania 既 de-facto flag carrier。 airBaltic 係歐洲入面少有既獨立中小型航空公司 - 係廉航同傳統航空快速擴展既情況下, 呢類 independents 係一個瀕危物種黎。 雖然 airBaltic 原則上係一間由 Latvia 擁有既國企, 不過係呢個競爭激烈及載客量過剩既時代下, 數簿唔見紅係一件好難得既事黎~~
airBaltic 既英國航線有三條, 唯定期用 733 執飛既則只有逢星期日既 LGW-RIX BT651/652, 以及 3x Weekly 既 ABZ-RIX BT659/660。 係小弟無意遠征蘇格蘭既情況下, 小弟就買左呢班星期日既 BT652, 希望可以搭到部 737 Classic。 可惜, 小弟既精心細算都敵唔過一個壞機同 "eqv" 呢三隻英文字 - 登機前半小時, 小弟發現今日既機已經轉左用一部 A220-300 (BCS3) 執飛。 雖然小弟係極為失望, 不過對同機既乘客黎講, 呢個係一個唔錯既升級黎。
今日既 Inbound Flight BT651 延誤左 90分鐘，而 BT652 亦延誤左一小時。航班於 0910 到達 Gatwick後，地勤人員隨即準備飛機回程， 0950 開始登機，並於 1020 pushback。 Gatwick 既登記程序係比較特別既 - 地勤人員會先為各乘客檢查登機證及證件，辦妥後乘客則可以係閘口內的候機室等候登機。候機室係有免費報紙提供， 唯進入閘口候機室後, 乘客係唔可以再出翻去客運大樓入面既。(由於英國係無 Exit Check，旅客離境時係唔駛經過 Passport Control，只要地勤人員確認你有有效既旅遊文件則可。) Pushback後，航班係跑道尾排隊起飛等咗二十分鐘，並於 1045 順利起飛，往里加進發。
一日之計在於晨, 而小弟當日之計則在於格域 - 當日小弟係用比較舊既 South Terminal 辦理登機手續, 唯 South Terminal 當時正進行翻新工程, 唔少地方都封左圍板。唔知大家有無印象今年 The Grand Tour 有集 Richard Hammond & Jeremy Clarkson 用電動滑板穿梭 Gatwick 既 Airside? 小弟第一次睇既時候就覺得個節目誇張左少少，不過親身經歷過之後又覺得好似真係有呢個需要...
pssst... Want some sunshine? 於 Gatwick 遇上一部西班牙的 Charter Airline Privilege Style B777-200ER - 呢部客機正為 Norwegian 執飛倫敦－邁阿密航線，以解決 Norwegian 因為有旗下 787 被停飛而出現的飛機荒
Gatwick 既 South Terminal 原於 1958年落成 - 雖然多年黎 Gatwick 係做過多次翻新， 不過佢有唔少地方出賣佢既真實年齡
Gatwick 既航線以渡假勝地為主 - BA, EasyJet, TUI & Norwegian 係格域既航線以西班牙，法國南部，以及美洲的目的地為主
今日既 Airbus A220-300 (Bombardier CS300) 係採用一個 2+3 既座位排位, 而一個標準既座位係有 30" 座距既。 airBaltic 同傳統既歐洲航空公司一樣, 機艙係無專屬既商務艙座椅既 - 兩者之間既唯一分別就係航空公司係會把商務艙既 B 同 E 位禁售, 變相每位 Business 既乘客係有 1.5 張 Economy Seat。 呢個設計亦代表航空公司可以輕易地按需求把商務艙加大或縮小 - 可以增加篇配航機既彈性之外亦可以 (原則上) 賣無限張商務艙既飛。 airBaltic 既 A220-300 係機艙配置上同之前小弟搭既 Swiss 既 A220-100 基本上係一模一樣 - 兩者都係用 ZIM 既仿真皮櫈, 兩者既椅背都係有兩個啱啱擺唔落手機既 Mesh Pocket。瑞士航空係用頭頂既螢幕仔黎播安全示範同 Flight Map, 而 airBaltic 則善用呢個顯示屏去宣傳佢既 Inflight Menu。 飛機接近里加時, 呢個 mini IFE 亦顯示出轉機安排同登機閘口 - 可見呢個顯示屏係得到各航空公司既善用。
airBaltic 係機上提供一份叫 Baltic Outlook 的雜誌, 內文有介紹唔少波羅的海城市以及其旅遊景點，而刊物背頁亦有提供 airBaltic 既版圖, 機隊, 餐牌, 以及於里加轉機的安排等有用資訊。 順帶一提, airBaltic 當日係非常強調機上禁煙既 - 佢係播放 Safety Video 既時候講左兩次, 而雜誌前後同機艙內亦有多個提示。
到達巡航高度後，機組人員隨即開始 inflight service - airBaltic 既經濟艙服務同英航既歐洲經濟艙係一樣既 i.e. 無服務 - 乘客係要係機上另行購買小食或飲品，或於網站預訂套餐。 airBaltic 既 inflight menu 定價都算合理既，一杯咖啡要 €3，而三文治，小食及飲品各一既套餐則盛惠 €8。 小弟係預先係網上預訂咗份 €9 既餐，有份 Grilled Pork Fillet，Brownie & Juice。 呢個餐係用一個青bb 既紙盒送上，唯成個餐既賣相只係一般而已。 味道上個餐係可接受既 - 塊豬扒係爽口既, 唯餐盒附上既 Brownie 則偏乾。餐盒亦附上一片餐包 - 呢塊係 Baltic Rye Bread，而顏色比較深之餘同味道亦比較重。 成個餐唯一不足就係份橙汁既份量 - 呢個餐只係附上一罐 150ml 既橙汁，如果閣下覺得口渴既話閣下係要另行購買飲料既。 同時，跟餐既飲料係固定係橙汁 - 想飲咖啡或其他飲料既話都係要課金俾佢 (或者上機前係兜巴星買)。 雖然呢個 Brunch 因為航班延誤既關係已經變成 Lunch, 不過呢個餐對小弟黎講係OK 既~~ 同時，航班上既機組人員服務態度則一般 - 今日機上有三位空姐，機上既派餐, 收餐以及賣免稅品都做得好爽手，惟佢地面色則比較黑。
講翻價格啦 - airBaltic 同其他歐洲既傳統航空航一樣, 坐經濟艙時，除左安全送你去目的地之外所有服務都係要另外收費既。 揀位同行李寄艙係要收費之外, 甚至係機場辦理登機手續都係要收費既。 (i.e. 逼閣下用 Online Check-In) 今程機個 Base Fare 係 €60, 加一個行李要 €30, 而小弟亦預先訂購左一個 €10 既餐。 呢度加加埋埋就洗左 €100 (HKD ~$900) - 雖然埋單價錢同一個 Full-Fare Airline 既價格差唔多, 不過小弟今次又真係用盡機上既服務 - 俾足原價又如何 
呢度都講下 airBaltic 既主要競爭對手 Ryanair - FR 係有唔少里加-英國航線, 例如 RIX-MAN, RIX-EMA 等, 唯大部份都係 2~4x Weekly, 佢有唔少機票係 £20~30 起跳, 而佢行李費都係 £30 一件 (20kg)。 當然, Ryanair 既航班時間係極度差, 以及機上既座位會比較窄, 咁呢兩個 factor 值唔值 £30? 小弟就覺得值既~~
雖然航班係 Gatwick 遲左足足 1h25 出發, 不過今日航班只係遲 0h30 到達里加 - 航班於當地時間 1450 降落里加國際機場, 取回行李及處理入境程序後, 小弟便乘搭當地既機場巴士進入里加市中心, 展開小弟既里加&赫爾辛基三日兩夜旅程。
Well… I guess Bombardier got the last laugh?
Oversized Windows and Streamlined Overhead Bins - 對比 Airbus A320 及 Boeing 737， Airbus A220 的內籠係非常之光猛，而個空間感同舒適度係非常之高。
小弟真係好鐘意呢張 ZIM 櫈 - 雖然佢係比較薄, 不過佢既頸枕設計同背部承拓都做得好好。 雖然椅背既 Mesh Pocket 依舊係細得滯, 不過用一個 2h 既航班黎講其實張櫈係幾好坐既。
A220/CSeries 係 PaxEx 上其中一個特點就係其位於閱讀燈及通風口旁的小型螢幕。呢個小螢幕可以取代常見於 B737 & A320，用作播放安全資訊短片的 drop-down 電視螢幕，同時亦可以用作宣傳及提供轉機資訊之用。
airBaltic 既飛機餐算合格既 - 小弟買既呢個餐盒價值九歐，有一份豬扒配蔬菜，一份布朗尼，一片麥包以及一細罐橙汁。份豬扒係幾爽口，惟整體上呢份餐係比較乾身，食完之後飲左一支水都仲覺得口渴
So if I don't wake up tomorrow
Will I leave with no regrets?
Was it all significant
Or just a waste of time?
per se, How To Be Alive (<--本地 indie band, 小弟誠意推介)
airBaltic 既 inflight magazine 以及BCS3 安全卡 - 份雜誌係一書多用 - 前半部份係用黎介紹波羅的海各城市及景點, 而後半部份係有 airBaltic 的機隊資料, 路線圖, 里加的機場地圖, 甚至有 inflight meal service 得餐牌。
降落里加後小弟獲准參觀駕駛艙 - 可見 Bombardier 於設計駕駛界面既時候落左唔少功夫 - Cockpit 設計非常簡潔既。 同時, 頭頂既 Panel 亦有唔少比較 secondary 既 Circuit Breakers 係搬到駕駛艙後方, 因此 BCS3/A220 既駕駛界面係非常 uncluttered 既。
--- Conclusion ---
總結呢個兩小時既航程, 小弟覺得今程機係一個幾好既體驗。 雖然小弟錯過左一個乘搭 737 Classic 既機會, 不過 A220/CSeries 既配置真係令小弟佩服既。 airBaltic 既機上服務算係不過不失, 不過佢既價錢都算吸引既。 如果閣下未來會去北歐/波羅的海三國旅遊既，相信 airBaltic 會係一個唔錯既選擇黎既~~
小弟既 airBaltic 初體驗就黎到呢度，希望大家鍾意呢份飛行報告啦。 下一回浸鹹水遇溺記小弟會係呢度搭 Finnair 旗下既 NoRRA ATR72 由 Riga 飛往 Helsinki 及搭 Finnair 既 A350 由 Helsinki 飛回香港，希望大家支持啦
小弟既 浸鹹水遇溺記 系列 第七回 BE7671 NCL-BHD-IOM 尋找 Jetstream 41 的故事 - 不日推出 第八回 BA3287 IOM-LCY 一個避完稅走去翻學既故事 - 不日推出
| 
樓主