新東冇輕鐵，如何以巴士完善區間服務？

新東冇輕鐵，除咗東鐵，多年嚟只有幾條定線迂迴嘅巴士線連接各新市鎮，例如72A、73、73A等，吸引力低。


直至近年73B開辦，喺上水/粉嶺同大埔之間行走粉公，令兩地終於有區間快車服務。可惜路線北行最近再度被拖離公路，失去區間特快功能。加上路線知名度低、服務時間短，明顯未能肩負區間快車任務。


另外，W3嘅開辦，亦為上水、大埔(廣福)同沙田提供東鐵以外嘅特快交通服務。幾次鐵路故障，亦令路線知名度提升。但路線仍然有諸多缺陷：例如大埔區只經停廣福、南行不設雙向分段收費，唔停粉轉、繁時更要途經百和路，大幅增加車程。


去到近排，B8開辦在即，可以為城河東沿線居民提供特快往返大埔鎮服務。可惜路線只限週末假日服務，站位(e.g.大埔舊墟公園)亦未見吸引。


73B係醫院線，W3同B8係口岸線，可見當局由始至終冇主動嘗試提升新東各新市鎮嘅區間快車服務。其實新東一如新西，新市鎮間往來頻仍，東鐵唔少車站(e.g.大埔墟站)亦遠離市中心。只係現時得東鐵+轉車/行路同搭疏+慢車二選一下，大部份居民無奈選擇前者。但新東人口急速增長，未來東鐵又會減至九卡，單靠一條重鐵系統真係足夠/適合用以應付區間通勤需求嗎？喺現有路線資源下，可以如何作出改善同重組，令新東居民有更佳交通選擇，甚至令新東一個嶄新嘅區間快車網絡成形？

S3BL470@98A 發表於 2019-8-22 23:27
新界東與新界西北是不相同。
新界西北有預留位置來發展輕鐵。而且，部分人喜歡九巴多過輕鐵。
所以，新界東 ...

我的內文是講以巴士提升區間快車服務呀
不要被圖片誤導

新界東有條用過境客補貼本地車資既東鐵線,
巴士亦難以鬥快鬥密鬥平,惟有sell方便,但塊餅本身唔大,
另外,區內又有紅小/綠小爭食, 例如上水大埔紅小,小巴26,小巴502,大窩西/大埔公路綠小本身亦分薄不小駁鐵的客源行車時間又唔快,收費也不高
巴士公司又點會花資源開線

另外,講收益,當然是新東市區線好過新東區間線啦
以72A vs 277E 為例
當72A講緊65分鐘行車時間,人地277E行車時間只不過是70分鐘,
72A能夠坐滿已經偷笑,而277E坐滿係平常事,而且277E收費高72A超過80%做277E收益盈利明顯比72A高一截

當人地270A/B,277E都係十個煲九個蓋
九巴有資源都拎去幫270A/B,277E/X,978系加班啦
點會有心機搞上水<>大埔or 大埔<>沙田/馬鞍山線

S3bl430 發表於 2019-8-23 00:01
新界東有條用過境客補貼本地車資既東鐵線,
巴士亦難以鬥快鬥密鬥平,惟有sell方便,但塊餅本身唔大,
另外,區 ...

你唔好攞條行山線72A講啦

新東巴士最值得做嘅就係大埔鎮，因為大埔墟站偏離市中心

而就算華明圈、聯和墟等其實亦遠離東鐵範圍

舉個簡單例子，聯和墟去埔中，保鐵就要小巴<>東鐵<>K12/K17

如果有行粉公嘅巴士一程到，其實吸引力係大唔少

我計過，如果搞條巴士線由上水開出，直上公路，停粉轉直達大埔太和路，停超級城，再直去廣福轉車站，調頭循環折返，連休息60分鐘一單，3部車就20分鐘班，4部車就15分鐘班。

你話九巴寧願搞長途線，但佢又搞埋73B呢啲嘢呢。而佢亦大可用W3等長途線搞新東區間快車

樓主提到 W3，我既諗法正正就係拎 W3 來玩，拆線做兩條區間快線

至於 72A 73A 呢類老牌流水，要改既空間唔大。
72A 尚且可以同 74A 合併兼大埔改經富亨南運路，增加服務範圍，
再改定位做九龍灣大隧沙田巿中心接駁；
但好似 73A 呢D，仲要做埋醫院線角色，應該無得改

S3BL100 發表於 2019-8-23 01:09
樓主提到 W3，我既諗法正正就係拎 W3 來玩，拆線做兩條區間快線

至於 72A 73A 呢類老牌流水，要改既空間唔 ...

好贊成用W3搞區間特快，我亦有類似建議

我反而諗緊點樣處置條唔湯唔水嘅73B。有諗過既然佢北行武功已廢，不如索性南行都改行埋大窩西，叫做補償返佢哋6年前73/73A縮短去華明，自始再冇直車去聯和墟/上水

小巴同ERL幾乎唔駛等,巴士食風幾個字,點樣吸引咗
不過神奇地W3痴住佢堆站都有客,最保守可以飛廣福扔上埔中,進取少少S3BL100版友好似出過建議?

KW2523 發表於 2019-8-23 11:10
小巴同ERL幾乎唔駛等,巴士食風幾個字,點樣吸引咗
不過神奇地W3痴住佢堆站都有客
...

一程甚至兩程同站轉乘嘅巴士點都好過小巴轉火車再轉K巴／小巴啦！尤其係小巴轉火車轉K巴絕大多數情況都唔係跨月台轉車。（外國唔少例子，喺近郊，火車轉巴士／小巴係跨月台轉車）

S3BL470@98A 發表於 2019-8-22 23:27
新界東與新界西北是不相同。
新界西北有預留位置來發展輕鐵。而且，部分人喜歡九巴多過輕鐵。
所以，新界東 ...

元朗返天水圍搭269D/276P/B1便宜過搭輕鐵