九巴 85X 調整班次

pochi 發表於 2019-8-23 16:42
我嘅建議係唔入恆康街，市中心錦鞍苑直走出市區，將恆耀部分客推番落C車。咁先有機會將C,D車客量扯平 ...

如果恆康街受嘅，馬鞍山根本就唔會發展乜線都屈入亞公角街。恆康街出經亞公角街係一向固有行法，海皮係後期先出現，再去到我叫嘅海皮線。就算個組合改變到市中心加富安、恆康街加海皮，前者組別一樣市中心就塞爆，後者繼續頹做。

唔平衡就梗嫁喇，只不過個原因並唔係九巴做唔好，而係歷史問題，呢4條海皮線有嗰堆私樓之前，已經出現，而且係行迴旋處出，馬鞍山發展初已經係恆康街直出，直接影響咗居民搭車習慣，而市中心堆線一樣經恆康街出，再之後服務埋馬鞍台。

依家就係海皮嘅出現而要得登屈幾條入去，但需要嘅車程對恆康街嚟講係兜得唔合理，一段5分鐘就到富安嘅路程要多成3至4倍時間。呢個先係問題所在。

我自己就從來都唔覺得行亞公角街而唔行快路係一個壞處
觀感上當然未必好，馬市/恆耀有得揀，緊係直落快路最好啦
行亞公角街同快路個時間，正常係相差5分鐘左右，但對富安同亞公角街黎講係多個選擇
唔係想比面果個區議員，而係比富安既人

至於海皮，利安錦英陪兜一定打死都唔制，呢個我明既，
最弊係馬市客都未必受落，得聽濤以南既人先頂得順行海皮出既線
海皮人行去富安個站搭車唔係唔得，86C係個例子，但唔代表佢地受落
所以要小心諗諗

現有唔應該有咁多路線放晒入亞公角街，呢個我認同既
聽過好多區外人講，已經有85K+86K，89C+89D，40X，43X，81C+87D，呢D出去各區既路線都「打孖黎」既說法
(全日線既數量，亞公角街仲多過廣福邨...)
所以隨住馬鞍山一帶既人口日益增長，仲要越起越入，交通實在不得不作出改善既建議
甚至我會覺得隨住馬鞍山人口增長白熱化，上述既「打孖黎」組合各有1條會skip走亞公角街，都唔係冇可能

我覺得呢班85X特車好似而家既680X/980X
980X開線初期既境況相信好多人都知，開線頭兩星期錦英已經要企車頭，非常誇張
其實原先我有諗過980X錦英之後跟X89D行法直出公路架
但經過不斷加班之後，980X馬市/恆耀上唔到車既情況有改善，而且馬市同恆耀都唔少人等980X，所以有需求上問題無辦法

kwn1029 發表於 2019-8-23 18:53
我自己就從來都唔覺得行亞公角街而唔行快路係一個壞處
觀感上當然未必好，馬市/恆耀有得揀，緊係直落快路最 ...

所為區內人，當然明白你想講乜，我喺嗰站搭得嗰條線唔代表我接受行咁鬼遠等車，有頭髮冇人想做瘌痢，樓下有車直出根本冇人想行咁遠路，兜路只係個人觀感，一站直出有邊個唔想。

但馬鞍山嘅問題，唔平衡唔係指C、D線客量，正如你所講，當初若果980X恆康街上唔到車、而選擇無視需求，根本就唔會連加幾次班。問題係在於亞公角街，將啲孖寶線Cut其中一條，反而會救到海皮線，而唔係乜叉都cut走富安，或者將海皮呢個黑洞搬比第二區食死貓、無視需求，到最後個問題依然存在。

唔洗兜亞公角街，可喜可賀

kwn1029 發表於 2019-8-23 18:53
我自己就從來都唔覺得行亞公角街而唔行快路係一個壞處
觀感上當然未必好，馬市/恆耀有得揀，緊係直落快路最 ...

1. 問題係飛走亞公角街，但恆耀卻一樣有得享用“打孖嚟”之便，對富安不公平亦無誘因

2. 除43X/85K外，另外三對中的海皮線不論市區定新界走線都"狗肉"得多（81C兜大圍/不入太子，89C經石門單車場，286M唔落黃大仙）,加上班次相差太遠（尤其89C/D），我睇唔到有咩可以補償到。（我拋咗建議出嚟㗎喇，一換一俾番條681）

大水坑地理上就係馬鞍山“頭”，烏溪沙就係尾，但偏偏搭車會變晒最慢？？

pochi 發表於 2019-8-23 23:50
1. 問題係飛走亞公角街，但恆耀卻一樣有得享用“打孖嚟”之便，對富安不公平亦無誘因

2. 除43X/85K外， ...

1. 習慣問題，富安本身都用開「叫兩飛」之便，突然話抽走就抽走，唔嘈就假。
除非巴士公司比到d甜頭富安居民。

2. 81C和89C唔係無得搞，但要有額外資源先做到。
我暫時諗到就：89C嘗試用81C上繁九龍方向拆線的方法。

至於286M，就要配合82X黎搞，但都要想辦法解決埋84M區內段既問題。
(鬼叫成個馬鞍山得84M去銀城街一帶)

然而，正如樓上有版友講，現階段既海皮是黑洞，短期內海皮線只有頹做。
消極講句：「等沙中線重組發落。」

其實點解唔係泥涌開？ anyway 只係還原返2013 年既安排

天空之神 發表於 2019-8-24 09:15
其實點解唔係泥涌開？ anyway 只係還原返2013 年既安排

係2011年先岩。85X係2011年轉全日，同時取消左當時既有的特快定線。2013年係85X回程改快。
85X轉全日最初兩年，回程係經彩虹道和鑽石山先入隧道，
只係比85C行少左個九龍城、樂富和黃大仙咋！
睇落好似好好咁，但問題係鑽石山本身已經有一些更平和更快既方法(即82X、84M、85M和286M)返第一城和馬鞍山，
所以85X根本就無需要再入去，even係85C年代都唔應該入，
當時我甚至直情想85C樂富後行返獅隧再落第一城(來回跟87D出入獅隧)。

平心而論，九龍段85C和85X各有優劣，
如85X唔到樂富，去九龍城廣場一帶唔就腳，
相反85C就去舊機場一帶唔就腳(包括埋今日既啟晴、德朗和Mikiki)。
不過整體黎講，去土瓜灣和紅磡既時間縮短左，我又覺得可以接受。
如果當年九巴肯改85C唔經黃大仙和鑽石山，其實本身唔洗改85X都得。
而85X烏溪沙班次，我會覺得只係用開新班次既名義還返條特快班次出黎咁解。

pochi 發表於 2019-8-23 23:50
1. 問題係飛走亞公角街，但恆耀卻一樣有得享用“打孖嚟”之便，對富安不公平亦無誘因

2. 除43X/85K外， ...

其實你自己都講咗個答案，飛走亞公角街，恒耀安一樣唔會搭海皮線，重點係本身恒耀安嘅地理實在太靚，既係上大老山公路前尾站，同時離馬鐵站有合理距離，不論行去搭馬鐵定市中心等巴士，一樣15分鐘平路路程，根本對恆康街客嚟講唔會改變對佢地搭車習慣。同樣富安一樣適用呢個情況。

而有人反對巴士唔兜恆康街原因不外乎明明行兩三步就到嘅距離，就係因為嗰班中產話唔鐘意兜市中心恆康街而要強制嗰班客行去市中心，或者錦鞍苑搭，甚至更遠嘅地方，比著係任何人都不滿。


再者海皮同市中心兩組線班次相差得太遠，就算市中心肯放資源比海皮線加密班次，市中心嗰組一樣迫爆，依舊唔會改善。呢一個係原則問題，你問十個十個都會答冇人想兜路，更何況要恆康街出特登屈入去嘅海皮線。


第二，有一點一直我好想講，雖然一定會有人唔同意，就當我發噏瘋先。要特快線嘅唔該諗諗邊個係主、邊個係賓。我向來都唔反對拉線入烏溪沙，除非係89D呢啲唔計烏溪沙都一樣爆到瀉之外。依家個問題係喧賓奪主，明明係錦英利安市中心恆耀安再加多個富安係主場，就係因為突多區烏溪沙，向來早繁分好哂工，就係呢班人搞到馬鞍山堆線鬼咁亂，呢樣又不滿嗰樣又不滿，要全日線又話要唔兜市中心，明明最簡單方法拉上烏溪沙，再補返早繁特班比市中心，係都要好似平衡時空咁整條一模一樣嘅線出嚟，然後無視市中心需求。

HT408 發表於 2019-8-23 17:54
新增班次由85X-6負責，廠出取消做89C，改私烏溪沙開0730 85X

即係89C同日起減班？