KMB 33 荃灣西 》油塘

ViviTse 發表於 2019-10-25 03:57
33賣點係夠快，而唔似290系咁每經過一條街都擺個站。
但正因為咁所以服務範圍比較narrow，去唔到大窩口、 ...

相信依度已經唔係第一次提出過 33 其實唔係快過 290 好多，而好多時 290 停晒咁多咁個站，一樣前後腳到黃大仙。

因為 33 係沙咀道浪費時間，去到龍德街要成 15 分鐘，
同時間 290 已經去到葵俊苑或葵芳邨，33 所講快事實上完全唔快。

其實下午繁時係觀塘apm嗰邊去荃灣邊架會快啲？33/42C/40

ttthomas 發表於 2019-10-25 16:59
其實下午繁時係觀塘apm嗰邊去荃灣邊架會快啲？33/42C/40

我估差唔多。以去荃灣千色店為準：
33:慢在九龍灣及偉業街塞車。
40:慢在長順街一帶。
42C:應該會快一點，但要在荃富街行五六分鐘。  

ViviTse 發表於 2019-10-25 03:57
33賣點係夠快，而唔似290系咁每經過一條街都擺個站。
但正因為咁所以服務範圍比較narrow，去唔到大窩口、 ...

你見290系拆極都無條深入大窩口同葵芳，仲有33A嗰種消極死守
就知33唔會諗呢兩度
有機會拉條線過去嘅暫時只得西約

33賣點根本唔係特快, 只係巴迷get錯左.

dennis28a 發表於 2019-10-25 12:16
相信依度已經唔係第一次提出過 33 其實唔係快過 290 好多，而好多時 290 停晒咁多咁個站，一樣前後腳到黃 ...

depends on 咩鐘數啦，同埋長途線都depends車長取態ge，290有時偶遇車手真係可以追到前車，但遇到碌神果陣可以同後車拖卡......

所以只可以話33條線直d lo，但實際有幾塞就好睇運la

ViviTse 發表於 2019-10-26 02:53
depends on 咩鐘數啦，同埋長途線都depends車長取態ge，290有時偶遇車手真係可以追到前車，但遇到碌神果 ...

33 無論咩鐘數，荃灣西去龍德街最低消費 15 分鐘完全不變，仲要完全唔塞車都可以搞成咁。
為左所謂快果 1000 米直線里數，而做少兩個區客量，倒不如直接行楊屋道快番 5 分鐘，好過而家行沙咀道三不像。

結果非繁荃灣去黃大仙無人死等 33，個個走去搭 290，
去觀塘照搭 40、42C 同紅小，好過等 30 分鐘一班 33。

ttthomas 發表於 2019-10-25 16:59
其實下午繁時係觀塘apm嗰邊去荃灣邊架會快啲？33/42C/40

當你個人都係 apm，行返去觀碼個 33 站頭都要 10-15 分鐘，無必要考慮 33。

42C 一定最快，40 要塞落山，一樣唔快。

dennis28a 發表於 2019-10-26 11:59
當你個人都係 apm，行返去觀碼個 33 站頭都要 10-15 分鐘，無必要考慮 33。

42C 一定最快，40 要塞落山 ...

生活在觀塘三十幾年的我, 本文114# 24/9朝早生平第一次由觀塘住宅區行出偉業街搭巴士, 就係為左搭呢條傳說中嘅特快33, 搭完一次叫我再搭, 就算係免費我都「不了」!

當日其實係睇完醫生見仲有大把時間先夠鐘返晏晝, 貪得意check下ETA, 話33巧明街往荃灣仲有13分鐘有車, 急急腳由物華街行落觀塘道油站嗰邊過隧道入巧明里穿番出偉業街.

我由巧明街過偉業街對面馬路向左一直望, 都見唔到有站牌, 以為縮埋一二角(以前只得15A年代係擺貼喺舖位), 打開app一睇, 原來個站喺勵業街嗰邊, 咁仲算「巧明街」?!

但我以為去到實趕唔切, 點知架車喺觀碼嗰邊塞到ETA不斷褪後, 油塘去「巧明街」用左成19分鐘, 我到左「巧明街」之後等多5分鐘架車先到站.

同樣係新界路線, 同時段259D 19分鐘足以由油塘大本型去到彩虹, 33唔塞車30分鐘先喺偉業街天橋轉出啟業邨, 之後要靠半直通先做到60分鐘去荃灣西站.

由我「巧明街」上車到荃灣西站用左41分鐘(記住係非繁完全冇塞車), 正常觀塘居民一定唔會走咁遠路出偉業街搭去荃灣, 寧願小巴 地鐵或者40行出去, 就算係觀塘站附近居民, 都唔會傻到行15分鐘出去聞住個臭海等呢架塞車風險高兼兜路嘅33.

變相客路係窄到得鴻圖道 偉業街 海濱道近巴士站嘅先會諗下, 仲要睇住ETA校啱時間先敢等, 油塘客鍾意一程過33就冇佢哋符.

當日去到荃灣西站口塞車, 睇到架33往油塘開走左, 同時290 290A往彩明都開走埋, ETA顯示290X 9分鐘後有車開往康城, 咪又「新屎坑」試下快唔快囉!

一試, 真係難怪九巴290系開咩分支都有捧場客, 28分鐘就由西站車我去到安達邨, 呢啲咪真特快囉, 客量又好過33好多, 起碼坐得滿窗口位.

去到安達送213M車尾, 買完飯盒出去等下班車再落番去觀塘警署, 埋單計先55分鐘, 如果趕得切上一班213M, 45分鐘搞掂(如去藍田站大約42分鐘).

觀塘居民結論: 33特快只限龍德街 龍翔道 九龍灣, 唔係呢三個「龍」字地點上落車一啲都唔快.

觀塘碼頭往龍德街，不塞車約 30 - 32 分鐘，你巧明街至荃灣西站用 41 分鐘算正常。

另外請問早繁龍翔道西行塞車常見嗎？