防止MTR 呢隻怪獸坐大，一個可行方法就係扶植另一隻怪獸同佢互相制衡，同埋唔好再餵嘢佢食！
擴展鐵路-開發土地，就算覺得係殘民自肥都好，始終係一件香港必須持續做嘅事。
與其被 MTR 攏斷，點解唔試下將鐵路+物業綑包成一個 package 拎出來招標，俾個機會私人企業呢？
日本大手私鐵 (e.g. 阪急) 做鐵路+土地開發+商場都做得好成功呀！
一開始當實驗性質嘅，可以將南港島線西段+華富邨附近搵幾幅地來個公開競投。
成功嘅話，長遠可以用呢個私鐵模式做第二南北線+新界東北發展喎！
|
|
|
|
|
|
|
|
|
"鐵路加地產"港鐵做唔掂, 其他財團做就掂了?
點解唔徹底將鐵路同地產分開?
|
|
|
|
|
|
|
|
|
"鐵路加地產" 港鐵唔係做唔掂，相反係做得太掂！
又獨市又好賺，港鐵幾咁亂來、做得再差都好，都照樣食晒全港嘅鐵路項目！
而要打破呢個局面，開放私人公司發展鐵路是一個方法囉。 |
|
|
|
|
|
|
|
|
至於話 "徹底將鐵路同地產分開"：
眾所周知，鐵路(或者講“捷運”)係會為土地帶來價值，捷運服務好，樓價就水漲船高。
所以將部分土地升值嘅收益分俾鐵路公司 cover 建造成本係比較公道又唔會為政府造成財政負擔嘅做法，而票價收入就主要 cover 日常運作成本…
至於政府全數出錢興建鐵路，然後土地收益歸政府，正正就係沙中線嘅模式。
建造質素好唔好都係收咁多錢 (樣樣得過且過)，工程延期對港鐵不痛不癢 (唔會阻遲港鐵賣地賣樓)，咪不斷超支仲起到一鑊粥囉！ |
|
|
|
|
|
|
|
|
本帖最後由 Toz 於 2019-9-24 15:47 編輯
你唔鐘意港鐵, 一樣可以招標搵其他財團起, 建造 - 移交模式.
地鐵市區三線咪就係咁起, 不過佢唔係移交比政府, 而係移交比新成立既公營公司.
鐵路加地產已經過時了.
如果地產呢邊好好賺, 政府即係捉蟲, 比人小佢官商勾結檯底輸送. 比地鐵做都無咁大鑊, 因為地鐵大部份股份都係政府既
如果萬一唔好彩地產呢邊蝕到PK, 即係藍灣半島咁, 間公司仲會唔會有心做落去? 甚至, 會唔會財團劈炮, 成個項目爛尾?
即係開大唔掂, 開細更加死, 要開圍骰, 樓市唔係點升跌, 或者升得慢過通漲, 政府先可以安然渡過
實際去講, 如果你認為港鐵做得太掂了, 你去搵其他財團做, 佢地地產部份只會更掂更好賺, 鐵路部份就... 到時先算啦.
咁還不如政府將鐵路同賣地分開
|
|
|
|
|
|
|
|
|
本帖最後由 Toz 於 2019-9-24 20:02 編輯
如果將來地產加鐵路項目政府又好似咁額外補貼多一次, 你估會點呢.
當年至少香港人唔算太介意呢D 利益輸送. 宜家? 哼哼.
對財團黎講, 即係公我贏字你輸, 有賺自己袋, 蝕得太勁政府包. 唔包佢咪劈炮, 吹佢唔漲.
所以我唔支持地產加鐵路, 而如果唔用地產加鐵路模式, 就咁叫財團起條鐵再營運, 回報慘過存定期, 風險大過買中電, 咁就死得啦
除非有個有錢佬純粹為興趣拎幾百億出黎, 放棄每年十幾億無風險回報, 唔係私鐵係不可行. 你咪估我地呢D 所謂既愛好者幾時可以出到幾百億豪比佢law...
機場快線到今日, 你估回到本未?
至於政府招標搵財團起好, 再批經營權比另一間公司, 或者另搞一間公營機構, 咁係OK 架, 但唔係私鐵wor.
就算批經營權, 都要垂直拆分, 基建維修保養呢D 唔應該搵想賺錢既公司做. 等於巴士公司唔好講整路, 就算巴士總站淨係得巴士公司用, 維修都唔係佢地責任啦.
營運公司最多出車出人. 唔係加個隔音屏障提速都搞唔掂, 個站起多個出口都要計回報, 死得啦.
計較係公係私係無意思. 諗清楚垂直點拆分好過啦. 拆得好的話, 分分鐘有一日東鐵都可以有兩間唔同公司營運.
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
