龍運A33部份掛牌轉單層

原帖由 117 於 2006-7-12 00:48 發表

返工上屯公同放工落屯公就見親都頂緊... 最不堪既係11點12點就尾車個陣都仲頂緊...

呢層反而又幾正常，因為通常去旅行都會早去晚返，
而到香港飛機大概九點幾十點甚至十一點先到，得飛機客都夠，
始終機場線繁忙時間唔同市區線。

原帖由 sq285 於 2006-7-12 08:29 發表


呢層反而又幾正常，因為通常去旅行都會早去晚返，
而到香港飛機大概九點幾十點甚至十一點先到，得飛機客都夠，
始終機場線繁忙時間唔同市區線。

E33頂閘唔係因為飛機客多...而係返工既人多...
根本依家E33總站都要企...好明顯大家係轉車去市中心搭E33
(本人住兆麟既同事都會行去市中心搭....)
而飛機既peak hour應該係大概中午及黃昏左右
但香港人通常都早機去晚機返
所以一到暑假 早上既E33就真係好多人...返工客旅行客迫埋一齊...

其實我一直都覺得E33同A33既路線倒轉 再改少少就應該可以令兩條線既客量拉近少少
例如E33由富泰 > 建生 > 良景 > 石排 > 大興 > 紅橋 > 市中心 > 東涌 > 機場   大概$15
A33由市中心 > 安定 >  兆麟 > 豐景園 > 屯門泳池 > 兆山 > 龍門居 > 機場   大概$20
可以開一條E33P早上做碼頭一帶既生意 (始終都有碼頭人搭開巴士返工)
(純粹一個好rough既建議)

始終船同巴士有一定捧場客
屯門北的搭巴士方便o的
屯門南的搭船方便o的
好難有個十全十美的方案

原帖由 aulo 於 2006-7-12 18:44 發表


E33頂閘唔係因為飛機客多...而係返工既人多...
根本依家E33總站都要企...好明顯大家係轉車去市中心搭E33
(本人住兆麟既同事都會行去市中心搭....)

咁又真喎，繁忙時間市中心開坐滿/要企
但其餘三站都只會得三幾個上車，
同其他市中心線好唔同

原帖由 shtsang 於 12/7/2006 01:08 發表

但真係快,同埋如果唔係去機場只係去東涌既話,真係快好多.
雖然轉車好煩.所以我話呢個方法係普通返工或者趕時間既人
而且去東涌既先咁做.俾我係拎住行李既,我都唔會轉車啦講真.

其實平心而論來的，新渡輪快幾多呢？
做過例子說一說吧...

假設我由田景出發，目的地為機場客運大樓
搭A33，一程過，需時50分鐘(唔好計屯門公路塞車先啦)，車費$25.00
搭輕鐵615/615P往屯門碼頭，需時十五分鐘，之後點都要等五分鐘船啦(你搭船冇理由唔睇時間表，更加無理由到最後一分鐘先入閘嘛...)，搭船就15分鐘，之後行出碼頭轉S56，又要用多五分鐘，搭S56點都要十五分鐘，你計埋計埋，時間咪又係五十分鐘；車費就係$22.40(全程以八達通繳付車資計算)

最終講一句，搭得船既，真係因為E33有排兜的同時，亦都係因為搭船易就時間呀..
快？其實唔係快好多架咋(屯公塞車就另計呀，先不要在這兒討論先啦)
這亦是本人點解話將A33設定到半小時一班，車費減到$22.00的原因啦

原帖由 GD1570 於 2006-7-12 23:51 發表


其實平心而論來的，新渡輪快幾多呢？
做過例子說一說吧...

假設我由田景出發，目的地為機場客運大樓
搭A33，一程過，需時50分鐘(唔好計屯門公路塞車先啦)，車費$25.00
搭輕鐵615/615P往屯門碼頭，需時十 ...

o係大家期待A33全日的同時

E33已經加班

似乎全日的路開始好難行

印象中聽過有建議係A33減一部車過E33...

原帖由 60M 於 13/7/2006 00:08 發表


o係大家期待A33全日的同時

E33已經加班

似乎全日的路開始好難行

印象中聽過有建議係A33減一部車過E33...

又係九汽/龍運一手一腳出來的結果…又一條被整死的路線了…

原帖由 60M 於 2006-7-13 00:08 發表


o係大家期待A33全日的同時

E33已經加班

似乎全日的路開始好難行

印象中聽過有建議係A33減一部車過E33...

RDP係咁講，A33減一部車過E33

搭船都係要就到時間,尤其是機場返屯門,小弟住屯門南,都係見到E33就仆上車,
依家大熱天時等半粒鐘一班的S56/S64P,你話幾辛苦呢
新渡輪應該延長尾班船,機場開多粒鐘,E33就唔頂,一係E33加多D客運大樓同貨運區分拆

[ 本帖最後由 DC3938 於 2006-7-13 11:57 編輯 ]

首先，我無細心看你們的文章，所以以下小弟的觀點都係小弟的感想：
看E33的定線先，我們應該想為甚麼呢條路線的定線會同其他E線唔同，
所有E線都會兜勻成個新市鎮，唯一出奇只有E33係不正常一條直路出機場。
初時計劃的班次係比E32及E34疏，比E41及E42密，
現在班次則比E34及部份時間的E42疏，比E32及E41密。
代表了E33乘客要用輕鐵去做接駁才可維持這個班次，
但是，點解運輸署要如此定線呢？呢個係第一個疑點。
我懷疑同政府的鐵路政策有關係。

第二，開A33係運輸署同九巴在RDP提出開辦，好明顯目的係用之以取代E33的重要地位。
因為原先建議試做半年繁忙時間線，然後攪全日，繼而將E33改做繁時。
原意係好，定價雖然受到非議，亦係九巴一起頭以試辦形式開辦，
路線失敗原因係　1. 高估左屯門人對路線的接受能力
（票價太高，服務時間不合適，加上E33已經食左頭啖湯）；
2. 試辦服務時間不理想（做機場旅客服務，繁忙時間服務係不合理）
基於以上原因，再加上沙士時停駛，情況更不理想。
如果係我，以前搭開輕鐵轉乘E33，用八仔頂盡收$16.90，
開左A33收費我$8.10，我點解要改變我生活習慣去就條路線呢？
所以如果開A33在先，E33在後，情形一定會改寫。
今天，九巴唯有以放棄態度營運。

如果E33及A33調轉屯門區路線有無可能呢？可以答你：
運輸署一定唔肯，皆因輕鐵囉。

原帖由 GD1570 於 2006-7-12 23:51 發表


假設我由田景出發，目的地為機場客運大樓
搭A33，一程過，需時50分鐘(唔好計屯門公路塞車先啦)，車費$25.00
搭輕鐵615/615P往屯門碼頭，需時十五分鐘，之後點都要等五分鐘船啦(你搭船冇理由唔睇時間表，更加無理由到最後一分鐘先入閘嘛...)，搭船就15分鐘，之後行出碼頭轉S56，又要用多五分鐘，搭S56點都要十五分鐘，你計埋計埋，時間咪又係五十分鐘；車費就係$22.40(全程以八達通繳付車資計算)

照計S56由碼頭去到客運大樓都唔洗15分鐘掛…
佢o係碼頭直出，過機場島就直接搵路落公路去客運大樓啦喎