101X客量如何？

miklcct 發表於 2019-10-29 13:58
呢條線我搭過幾次都係下繁東行，最重要嘅作用係俾我收工之後趕去九龍灣商貿區開會，可以俾趕到18:00喺HKU ...

我諗呢度唔會有太多人對你呢D小眾需求有興趣，九龍灣商貿區亦唔係住宅區，更唔係山旮旯地方，資源有限時公共交通係應該照顧多數而唔係少數人

dennis28a 發表於 2019-10-29 23:57
自從沙中線工程七七八八，101X 行九龍灣自轉 10 分鐘，肯定慢過 101 土瓜灣直行。
今日我先搭完下繁東行  ...

101 同 111 合併不可行，一來新巴未必同意改線放棄九龍內陸流水，九巴亦未必同意放棄港島內陸流水；二來 101 同 111 下繁時段相反，101 新巴食黃金時段但 111 係九巴食，合併後應該點分配利益？

而 101 只係九龍灣站一帶通常會快過 619，但係如果係電車路沿途，同時有 101 同 619 既位置，如果見到有 101 到站，非繁去牛頭角觀塘，係唔值得為左 619 快果少少而死等。我自己中過招，星期日朝早上環坐 619，等車期間過左三部 101，去到裕民坊總站係見返晒

講返正題，101X 最大敗筆係想用同一條定線做晒上下繁兩個方向既客

101X 上繁過九龍係無問題既；上繁過港島，因為淘大係 101 正線客倉，值得考慮中環同灣北加站做更多返工客，但定線本身係無問題

至於下繁，過港島的確會仲慢過正線入隧道，但呢點唔係問題，因為九龍灣放工客係目標客源；反而如果想做觀塘放工客，以繁時線角度係值得考慮來回行不同隧道，即回程九龍灣商貿區經觀塘、東隧、繞道直飛西區。代價係倒走今日已經儲到一定數目既九龍灣往銅鑼灣客源，視乎點取捨同定位

而下繁港島返九龍係點行都死，亦說明做只做西區放工客係行唔通，另一問題係九龍區住宅覆蓋太少。RPP 個建議其實係好開始，姑且試下中上環特快彩虹啟業淘大客倉到底成績係點

S3BL100 發表於 2019-10-30 00:18
我諗呢度唔會有太多人對你呢D小眾需求有興趣，九龍灣商貿區亦唔係住宅區，更唔係山旮旯地方，資源有限時 ...

繁忙時間唔係應該做商貿區咩？尤其係商貿區去商貿區（所以我認為應該行哂成條海味街去港澳碼頭入繞道，做埋上環客）

miklcct 發表於 2019-10-30 11:58
繁忙時間唔係應該做商貿區咩？尤其係商貿區去商貿區（所以我認為應該行哂成條海味街去港澳碼頭入繞道，做 ...

做商貿區放工客冇問題，所以101X下繁西行經九商區冇人反對。但下繁東行班次做西區返東九屋企嘅通勤客，入九商區就顯得無謂。

tzuyu.taiwan 發表於 2019-10-30 14:56
做商貿區放工客冇問題，所以101X下繁西行經九商區冇人反對。但下繁東行班次做西區返東九屋企嘅通勤客，入 ...

咁下繁無商貿區去商貿區通勤需求？

miklcct 發表於 2019-10-30 15:41
咁下繁無商貿區去商貿區通勤需求？

冇。同埋西區(上環外)唔係商貿區。

見過一次用38xx

miklcct 發表於 2019-10-29 13:58
呢條線我搭過幾次都係下繁東行，最重要嘅作用係俾我收工之後趕去九龍灣商貿區開會，可以俾趕到18:00喺HKU ...

既然你要開會，點解唔同老細講要早啲走？開會呢啲公事應該唔算早退，好過咁喺條路度趕，有意外搞到開會遲到就唔好啦

第一樣要抽 101 車做全日生意，去到 2000 左右，最低限度全日 20 分會有人等

第2 樣要執定線
西行停返紅隧口，停 104/301 果隻站，做埋中環特快，停多一個交廣上橋去西區，至少南北線一開，104/301 預左比人殺到一頸血仲有線維持

東行林士街天橋直插中環灣仔繞道去灣仔北，停埋灣仔碼頭站入隧道，比 641 更快到九龍灣

至於九龍灣商貿區，搶到就搶，唔應該為左搶呢批客，輸哂成個觀塘同牛頭角，學213X 直行就算

另外有人話行西隧變901X, 睇下而家904/971 咩下場，就知無可能做全日啦，哂氣

S3BL100 發表於 2019-10-30 00:37
101 同 111 合併不可行，一來新巴未必同意改線放棄九龍內陸流水，九巴亦未必同意放棄港島內陸流水；二來 1 ...

如果兩巴唔考慮將 101 同 111 合併，結果兩線隨時終有一死，
而中上環去淘大客一定係犧牲品，單係 101 大減班已經係災難，依點大家都好清楚。

以我每年搭左過百次 101 / 101X / 619 / 641 系，101 服務情況每況愈下係不爭事實，
尤其係晚間九點至凌晨依個黃金非繁時間，101 同 619 係中上環比例幾乎 1:1，特別係星期六日。
而以九巴同新巴性格，就算真係有 101 中途起載，中上環既兩部車班次本身太近，
以 101 客量，最後未到灣仔會搞到拖卡，之後隨時再等 10 分鐘先有車。

除非係灣仔甚至銅鑼灣先好上 101，否則中上環等 101 絕對無好處，甚至經常出現兩部 111 都未有一部 101 到。
次次都因為做實驗，放棄 619 等 101 而覺得自己好蠢。

反而不論九巴同城巴，同樣晚間黃金時段，619 港澳碼頭開出班次已經非常穩定，
我已經試下不數五十次睇新城 ETA 經驗，619 去到振華道，101 先到雅麗道。
除非部 101 係正我前面開門上客，否則睇 ETA 做人當然等 619。

101X 上繁過九龍係無問題既；上繁過港島，因為淘大係 101 正線客倉，值得考慮中環同灣北加站做更多返工客，但定線本身係無問題

儘管 101X 早繁真係識飛，去到歐化慢駛落橋，其實正線一樣去到木廠街。
101 正線過港島慢係慢在港島區走法，上下繁一樣。

搞清楚一回事，101X 上繁過港島定線成也淘大，敗也淘大。
而為左保障淘大既得利益，早繁唔可以兜入啟麗承啟道公轉一圈，要分開做。

假如 101X 早繁跟 788 咁停中環同灣北，早繁九龍去西環客佔 1/3，亦會全部倒返晒落海。
一樣係兩難局面。

早繁過九龍受制於 U 形自殺式公轉拖累，觀塘客量幅度不足，搞到無得加班。

至於下繁，過港島的確會仲慢過正線入隧道，但呢點唔係問題，因為九龍灣放工客係目標客源；反而如果想做觀塘放工客，以繁時線角度係值得考慮來回行不同隧道，即回程九龍灣商貿區經觀塘、東隧、繞道直飛西區。代價係倒走今日已經儲到一定數目既九龍灣往銅鑼灣客源，視乎點取捨同定位

既然九龍灣放工客真係咁重要，點解一定要選擇最差既 U 形自殺式公轉走線呢？
就算唔行東隧，其實反正淘大上下邨都無咩客過港島，跟 641 行又得，偉業街直去常悅道又得。

唔好忘記，下繁改線，就多得依個 U 形自殺式公轉拖累，邊有理由 101X 堅尼地城上車，
明明神速出機隧，但比自殺式公轉搞到 65-75 分鐘至觀塘，上繁都算，正常下繁西區咩客都趕晒啦。