新清水灣道下繁塞車真係冇得拆？

dennis28a 發表於 2019-11-6 00:57
今日下繁東鐵壞車，龍翔道大塞車，龍尾頂到觀塘道近康寧道、偉業街近機隧出口 / 啟福道天橋 / 常怡道零碳天 ...

龍翔道塞車其實已經係無得搞既問題黎~
呢個係同車流有關, 情況同紅隧一樣, 但可用手段比紅隧更少~

10598C 發表於 2019-11-8 11:42
遲啲石礦場發展完咪又係要有巴士線，唔通又叫人行落去搭車咩

最尾咪又變成三彩2.0

點會行唔到 睇你有冇心去行姐 係安泰個邊衰d姐
又要服侍得好又唔改善下條路 咁咪大家陪塞

poondriver 發表於 2019-11-8 11:49
點會行唔到 睇你有冇心去行姐 係安泰個邊衰d姐
又要服侍得好又唔改善下條路 咁咪大家陪塞
...

咁住係山上面唔係居民既錯bo...

stevechau 發表於 2019-11-8 11:46
龍翔道塞車其實已經係無得搞既問題黎~
呢個係同車流有關, 情況同紅隧一樣, 但可用手段比紅隧更少~
...

睇返周邊環境,龍翔道係連擴建/起條平衡車路既空間都無,
但唔係無方法改善既,減少巴士停站/善用長途車頭段運力亦是一個方向

減少停站方法包括:
1.政府可以起條行人輸道帶由黃大仙駁去沙田坳道巴士站,換九龍東方向沙田坳道巴士站取消
2.彩虹站擴建,整一個出口在彩雲村白虹樓/舊清和新清交界,然後整一個大型巴士站,
換部份巴士線不需要停彩虹站/牛池灣街市,減緩彩虹出龍翔道/太子道東的樽頸問題
3.觀塘站至牛頭角站,牛頭角下邨至九龍灣站興建行人天橋系統及行人輸道帶,換觀塘巴士線減少停站(例如裕民坊/創紀之城二揀一)

提升資源運用方法包括
4.在巴士站安裝雙向分段系統,落車後讓市民拍卡取得車費回贈,
然後以長途服務取代若干運營效率低的路線(例如14B,16M)
[實時ETA電視系統都裝到的時候,裝八仔機難度唔會太高囉,輕鐵都做到啦]

對巴士公司黎講,如果4.搞得成,成本效益肯定高過安裝設備成本(區內線和長途線客流量基本相反)

S3bl430 發表於 2019-11-8 12:41
睇返周邊環境,龍翔道係連擴建/起條平衡車路既空間都無,
但唔係無方法改善既,減少巴士停站/善用長途車頭段 ...

的確老龍係已經無晒空間去起路引走車流, 唯一可以依靠既都係得返將要起既中九龍幹線

1.既方案我反而係諗緊另一樣野, 就係將黃大仙同沙田坳道兩個站既功能分拆
舉個例所有大西北線同沙田線就只停黃大仙收多D車比佢地停站落客, 唯獨211就由得佢繼續擺係度
而沙田坳道就專做2F/3C/214呢類仲會上客但班次相比唔會密得去邊既市區流水客
咁樣應該可以夠收得住堆巴士唔會頂住老龍, 沙田坳道果個站又唔使比巴士停到隊晒個尾出黎~
長遠計有可能東行單程要入新蒲崗既線需要用埋龍蟠苑甚至鳳德道既站落客去換沙田坳道不停站~

2.唔明點樣整出口法......同埋果頭既路線小弟唔太熟, 唔敢多言~

3.既然都諗得咁大膽, 何不剷起觀塘道果幾個油站, 係麗港城出面海皮, 即偉樂街果度劃返塊地出黎換地起返油站??
然後觀塘道原址就造一個大型巴士站/公共交通交匯處其實鋪好塊地SET返闊少少行人路就已經用得), 好似鵝頸橋底咁做兩個出口
一個讓線直接左轉康寧道, 另一個位做交通燈可以出返觀塘道東行, 甚至較一較燈口時間容許做埋呢個交匯處右轉UTURN返觀塘道西行呢??
而呢個站又可以好似我既1.咁做, 專FOR落客用; 係觀塘道觀塘市中心仲會上客既線就由得佢地係前面上~
係油站落客既線一定要過左迴旋處/下行隧道之後先可以再埋站~
再唔係就玩盡D!!
何不封左康寧道出入觀塘道路口做巴士專線, 觀塘道路口起石膊封死, 然後連埋前面小巴站同出面巴士站一齊做一個超大型既巴士小巴站呢??
裕民坊西行車流一係上康寧道一係行牛頭角道去到牛頭角站先再走; 觀塘道東行就引到D車去APM橋底燈同迴旋處再處理~
反正裕民坊係頭殼頂點樣重建都可以唔使點影響到地面既~
而如果搞得到既話, 大可以好似對面海既巴士線係鵝頸橋回頭咁, 做多D特別車係呢個位就回頭做客, 相信都可以穩定到觀塘出黎既巴士線班次~
唔使N條線係觀碼藍田油塘出黎, 然後絕大部份線都係觀塘法院塞死~

4.果點其實一路都覺得可行, 甚至一早肯搞其實都可能唔使起咁多轉車站添~
但人地盤數點睇點諗我唔知, 總知就係無放過風話考慮咁做~

S3bl430 發表於 2019-11-8 12:41
睇返周邊環境,龍翔道係連擴建/起條平衡車路既空間都無,
但唔係無方法改善既,減少巴士停站/善用長途車頭段 ...

你知唔知道彩虹站離彩雲邨白虹樓有幾遠呀, 一個山中間一個山下, 如果真係可以起到個出口喺白虹樓嘅話, 彩雲班居民唔使每日等16號小巴落去地鐵或者上去彩雲 la

stevechau 發表於 2019-11-8 15:09
的確老龍係已經無晒空間去起路引走車流, 唯一可以依靠既都係得返將要起既中九龍幹線

1.既方案我反而係諗 ...

好多線一早係觀塘之前儲到唔少客，無咁易抽得走

WongKinYat_WKY 發表於 2019-11-8 16:58
你知唔知道彩虹站離彩雲邨白虹樓有幾遠呀, 一個山中間一個山下, 如果真係可以起到個出口喺白虹樓嘅話, 彩 ...

我知呀，600-800米左右啦，行上去要10分鐘以上。
不過，我個建議既大前題如果係起到隧道+有快速行人接駁系統直接運人到彩雲（好似尖東站駁尖咀站，藍田站駁上半山既電梯系統），如果做到，我唔覺得個建議有幾咁不切實制。

西港島線都能整到半山和海邊同時有出口啦

如果道路網絡爆煲，而又擴闊唔到條路（最有效解決清水灣道方法系拆樓然後擴闊條路），將地鐵客流量引導到其他地方是無可奈何的止咳方法

tunghang 發表於 2019-11-8 17:24
好多線一早係觀塘之前儲到唔少客，無咁易抽得走

只係減少停站，唔係cut線，最起碼我覺得定富街，創紀之城，裕民路坊唔需要停曬。情況和長途線唔會停曬彌敦道所有站頭一樣。

S3bl430 發表於 2019-11-8 18:53
我知呀，600-800米左右啦，行上去要10分鐘以上。
不過，我個建議既大前題如果係起到隧道+有快速行人接駁 ...

對比起起隧道，我相信拆樓更加可行