九巴龍運試用的支付寶及信用卡收費器

3ASV174 發表於 2019-11-6 22:50
無都好正常，入散銀都一樣無 $2，應該除左半價以外所有優惠都只會繼續適用於八達通

多數人銀包都同時有八達通同 Paywave 卡，呢個設計都有o的伏

認同﹐2部機的RFID位置太近。

真係睇下試用期間﹐有無人中伏。


PS. 有用智能手錶的人﹐又有enable apple pay/google pay﹐睇圖係有手錶及手機的﹐都係要小心。

dennis28a 發表於 2019-11-7 02:45
正面少少睇，外國遊客會好開心
佢地終於唔洗買八達通卡或者增值，直接用 Visa / Master 比錢 ...

好明顯係啦

正常香港人﹐基於有政府補貼﹐又有八達通轉乘﹐點會唔用八達通卡乘車。
(張卡無錢就另計)

除非﹐有推廣優惠吸引乘客使用﹐而這個優惠又足以cover政府補貼啦。

kei_hk 發表於 2019-11-7 10:19
而家D八達通機﹐司機除左睇司機位部機的display外﹐仲有什麼可靠方法﹐分辨乘客使用什麼卡種?
...

聽聲。

kei_hk 發表於 2019-11-7 10:28
認同﹐2部機的RFID位置太近。

真係睇下試用期間﹐有無人中伏。

SAMSUNG手錶用唔用到八仔?

leungky0528 發表於 2019-11-7 08:42
轉乘、補貼同$2就算啦，政府邊肯俾錢食哂咁多個平台

先講政府補貼

咁就睇下有無人(公司)肯比錢去做系統的連繫﹐有幾多乘客會使用啦。

而家﹐政府就搵左八達通做晒所有交易處理﹐結算及派錢﹐完全係一條龍服務。

假如﹐支付佬有興趣﹐一樣可以同政府講﹐我又做一套符合政府的要求﹐成為第2個補貼計劃的交易方式。
當然﹐乘客就無得在八達通 及 支付佬 2邊合併計算啦。(或是日後系統成熟﹐可以交換數據再作處理)

換句話說﹐現時言之尚早。真係有好多人用﹐又或者服務公司(eg. 支付佬)好想引多D人用﹐才會同政府討論﹐著手處理交通費補貼。


至於轉乘﹐又不牽涉跨系統﹐其實唔難﹐不過唔會即時可以處理到(即轉乘時先扣除完整的車資)。
只要將交易資料傳回server做結算﹐就可以抽出符合轉乘的交易出來﹐再處理相關程序﹐退回金錢給乘客 及 扣減交通營辦商的收入。


純講技術﹐係做到。
只係﹐現時有無足夠的資源去完善成個新的收費系統。
當中﹐以實際的交易資料做評估/testing﹐都好重要。
放長雙眼睇﹐日後會唔會有轉乘計劃可應用啦。

GD1570 發表於 2019-11-7 10:37
聽聲。

所以﹐前面的人問司機知唔知乘客選左優惠車費﹐答案就相當明顯啦。

GD1570 發表於 2019-11-7 10:39
SAMSUNG手錶用唔用到八仔?

唔得

要提防的係﹐係左手帶錶﹐左手持八達通卡。
在拍卡時﹐左手的手錶位置會相當接近新收費器的RFID接收位。如果智能手錶又可以用到apple/google pay﹐真係唔排除可以進行交易。

希望﹐日後可以將2部機的RFID接收位置分開一些。
例如﹐新機的QR Code 鏡頭及RFID 位置倒轉﹐即可解決問題。又或者﹐2部機唔好並排而放。

Busways 發表於 2019-11-7 07:25
強烈反對不收 American Express! 我承諾，若我成為區議員，定必要求所有公共交通收 AE, 方便儲航空公司績分 ...

好彩你有生之年都唔會成為區議員，如果唔係你當選嗰區嘅居民仲慘過北韓人囉。

GD1570 發表於 2019-11-7 10:39
SAMSUNG手錶用唔用到八仔?

Smart Octopus唔包三星智能手錶

kei_hk 發表於 2019-11-7 10:46
先講政府補貼

咁就睇下有無人(公司)肯比錢去做系統的連繫﹐有幾多乘客會使用啦。

不過暫時都睇唔到政府會主動棄8仔主導
皆因一棄就象徵本地「創科」少左個龍頭
轉數快或者有能力取代, 但目前言之尚早