265B改以天恩邨為總站並更改走線；69X延至天中

10598C 發表於 2019-11-21 11:09
區內線站位重要啲係正常
但如果可以滿足到其他要求，係咪真係要咁企硬總站位我有保留

咁你認為應該點搞天水圍東北<>九龍半島嘅巴士服務呢？269B逆走？學David_hk兄開265X？

10598C 發表於 2019-11-21 10:54
咁可以考慮泊天頌苑總站，兜翠湖居、頌棋閣去天恩邨
或者如果翠湖居無異議，或者唔一定需要做天華路，都 ...

其實天富開都冇問題嘅
南行可以先繞經翠湖居同天華，之後跟276B行到嘉湖北，之後直出大欖同油尖旺。

至於北行尖沙嘴返天華/天華路/翠湖居有269B，所以北行265X可以經過天富/天恩之後直接返總站就得。

10598C 發表於 2019-11-21 11:09
區內線站位重要啲係正常
但如果可以滿足到其他要求，係咪真係要咁企硬總站位我有保留

我覺得，如果講緊早繁係10分鐘一班甚至更疏嘅路線，咁我都覺得放走總站冇問題。但如果班次咁密，最理想都係用返總站。尤其天恆總站所有九巴路線早繁都可以做到5分鐘一班。

另外，依照返樓主意思，265B改走天恆之後就需要乘客去出面天澤排。
但問題係出面天澤已經有69C同967。
呢兩條線早繁都係講緊幾分鐘就一班，
當你擺咗265B出去，但係留意返仲會有條新線265X，會唔會打晒蛇餅都係一個問題。
所以265B同265X最好一個要喺返天恆，一個就喺出面天澤上
至於天逸村逸譚樓，站位極差。同埋空間有限，
十字路口嘅安全島好逼，
紅綠公仔燈唔順，唔衝燈係冇可能一次過行晒，
（另外都有唔少人排K76或者攞住行李排E34A，不過嗰站都叫整大咗，所以就算）
但就算嗰站再整大，對恆澤都唔會係一個好選擇。


重申，我係覺得改走265B總站係可以嘅，不過我又唔代表晒班街坊。
另外如果真係拉走265B，我就會想擺新線265X入天恆，跟265M出大欖同油尖旺，
但明顯地會同69X/269B產生衝突。

David_hk 發表於 2019-11-21 13:10
我覺得，如果講緊早繁係10分鐘一班甚至更疏嘅路線，咁我都覺得放走總站冇問題。但如果班次咁密，最理想都 ...

我覺得新265B南行可以照入天恆總站，避免天澤分站平日朝早迫爆。當然行車時間稍增，班次又會再疏少少(變成拉疏0-2分鐘)。

其實應該直接摺 269P 同埋抽 69x, 269A 既車開 265X 天水圍特快旺角及南九龍，收$15.1

一次過回覆兩位版友
今日逛過下天水圍北，有幾點想講

對於112區嚟講（我指近天恆嗰個，驚記錯數字）天恆總站係有少少遠，畢竟天恆總站位於天恆邨南端，112區係要跨過整條天恆邨先行到去，但未至於係不可接受嘅步程
單講112區的話，265B毋須搬站

主要問題在於115區+慧景軒
唔知而家慧景軒係唔係習慣天晴行十分鐘返去，如果係可接受，去115區只係過多條天橋，所以個人認為115區以轉乘處理已經足夠
如果因為佢地而大執265B，感覺有少少本末倒置
__________

而至於講69X、265B重組，個人建議如下
265B改天瑞路直接轉入天華路
69X的話有兩個方案
1. 跟69M延長至天中（換言之69X同265B會有一個站重疊）
2. 天中開停翠湖居，之後右轉天瑞路、迴旋處、天瑞路，停天頌苑，反之亦然
__________

而第二階段重組就牽涉269B、新線265X
南九龍線個人傾向跟David版友用265X（天水圍北至旺角、尖沙咀）
而家新界西北（唔計屯門）去尖沙咀，如果唔搭黨鐵，欖隧得268B、269B，但呢兩條線南行都係行廣東道，而且班次極疏
相信九巴都唔會夠膽開一條新巴士線，由天水圍北直往尖沙咀，寧願經旺角做大客量基本盤，可以開非繁忙20分鐘一班

269B：
南行陰乾常規班次，改為天瑞往紅磡，劃一半小時一班
同時天北特別班次延長服務時間，尖沙咀東改經漆咸道南、暢運道上紅磡站平台
北行不變

265X：
天水圍段南行天富開繞經翠湖居，北行則直接轉入天富總站；
九龍段直達旺角，再前往尖沙咀
同David版友建議不同嘅係，我會建議265X擺紅鸞道，事關尖麼已經好逼；另外北行旺角段站位我反而建議跟足268X，當做268X加班（又可以暗地裡響268X到收少少車了）
（事實好難避免同重疊268X，因為要避就要做尖沙咀特快，但上面都解釋咗點解機會不大）
__________

至於其他改動，269M應該推上一格，並且265M、269M非繁忙應加密至15分鐘一班；
69C亦應延長服務時間，並改為每日服務（平日南行6-10點、回程17-21點；週末假日南行9-14點、回程16-22）
以上兩M線加班/69C加時，其實都係現時已經應該要做嘅嘢，唔需要等112/115區
__________

另外，今日去睇嘅時候，逸洋樓個站的而且確幾細下...
我有諗過近恒智樓附近有冇需要劃一對巴士站，可以方便乘客上落（近紅綠燈）
又可以唔使令天瑞路天澤/天逸巴士站逼曬四條邨嘅乘客係度
唯一考慮點就係會唔會同現有濕地公園站功能有所重疊

另外，係115區外於濕地公園路，慧景軒對面，應該要劃多個巴士站；北行的話停而家慧景軒站就得

10598C 發表於 2019-11-22 01:00
一次過回覆兩位版友
今日逛過下天水圍北，有幾點想講

認同115區應該用轉乘去長荔深
早繁就可以安排1-4(0700-0800)部車行做115區:
1.早繁天恆開「65X」直接北上經濕地公園—>李兆基—>嘉湖北—>市區
2. 「65X」擺街，直接濕地公園做頭站—>李兆基—>嘉湖北—>天慈
——
「M線非繁加密，269M拉上濕地公園」
冇異議。早繁靠269A做天秀路就得。
但係留意返天秀路如果冇269M，就會完全冇晒天水圍方向嘅九巴車。
所以都需要69C半全日/全日，比天秀路乘客返到「樓下」。
——
「我有諗過近恒智樓附近有冇需要劃一對巴士站，可以方便乘客上落（近紅綠燈）」
其實係啱嘅，最主要係輕鐵站隔離要整多個中途站比天恆。因為嗰位喺「濕地公園」同「天逸村逸潭樓」中間，對有啲人嚟講呢兩個站都一樣係覺得遠。
——
「265X應該要去埋紅磡」
本身係有諗過嘅，但最擔心係入埋紅磡會收$17或以上。

以前都講過，265X嘅對象係旺角/油麻地客（當然效益都會好啲），拉入尖沙嘴最主要係為咗「補償部分地方失去咗269B，同埋釋放69X」（當然我都想天北加大版圖）

當車費太高嘅話，旺角/油麻地繼續喺大欖轉268X就得（南行嘅天北M線去大欖轉268X只需要$14.9），就唔需要搭265X出旺角/油麻地，咁樣令成件事本末倒置咗。
——
「265X跟268X站位」
創興廣場ok嘅，
但奶路臣街我就覺得抗拒。
彌敦道左轉亞皆老街嘅燈位本身就等好耐
停奶路臣街只會等更耐。
最低消費係5分鐘，為「旺角特快」打折扣。
——
最後，閣下對69X嘅建議，我覺得冇問題。

David_hk 發表於 2019-11-22 08:25
認同115區應該用轉乘去長荔深
早繁就可以安排1-4(0700-0800)部車行做115區:
1.早繁天恆開「65X」直接北上 ...

115區去深水埗早繁特別線可以由265B抽兩班行，走線上我會贊成天恆開，反正天恆開行濕地定天華路其實時間差不多，不過我會建議行埋天慈
__________
269M改路嗰度，其實要睇返議員取態，而69C本身會加時
再唔係天北走線改跟69C/967咁，S字型行勻成個天北，不過咁改的話269M就算唔加班都要加車
__________
至於265X泊紅磡，主要係因為尖沙咀冇位，同埋係想統一跟268B/269B咁解
除非停尖東站（前K16總站）或漢口道，但兩者都要令巴士線係梳士巴利道到兜圈；或者考慮麼地道花園，即前973總站；亦可考慮跟271兜返上西九龍站

收費方面，我會跟265B收15.5就算

1. 我之所以唔敢縮細269B喺天水圍嘅服務範圍，同時唔敢改269B九龍區頭/尾站，係因為高鐵站－269B肩負欖隧口<>高鐵站接駁嘅政治功能。如果唔係，我一早建議269B九龍段跟268X上落公路。而比起改經漆咸道南，我情願269B南行跟280X落彌敦道。
2. 贊成恆智樓加一對巴士站。
3. 長遠我認為天秀路只需保留69C、967、K73三條全日線。天秀路<>荃葵兩繁有269A/269P已經算好。
4. 尖沙咀總站問題，可以踢12去尖東站總站，咁麼地道總站就有位。

tzuyu.taiwan 發表於 2019-11-23 10:36
1. 我之所以唔敢縮細269B喺天水圍嘅服務範圍，同時唔敢改269B九龍區頭/尾站，係因為高鐵站－269B肩負欖隧口 ...

1. 所謂政治任務就慳啲啦，胶铁党铁一家親，去西九龙站就搭西铁啦
至於跟唔跟280X入彌敦道，個人覺得入彌敦道非必要，反而重點在於停九龍站，又可以食少少969客
而我會想天恩特班行漆咸道南，其實就係跟260X行咁解

4. 麼地道問題，12、234X都可以考慮踢去尖東站，但都唔應該無限量塞巴士線入去，應該善用吓麼地道花園/紅磡灣一帶巴士總站