[執296A/C雞]建議796S增設下繁服務

一至五
1700-2000  8-10
六丶日及公假
1700 1730
1800-0000 10
0020
以上班次走線如下
將軍澳站
將軍澳廣場怡明邨
健明邨
(原線)
(未來加停轉車站)
(原線)
(未來加停轉車站)
富康花園
唐明街
將軍澳中心
天晉III
播道書院
寶盈花園
將軍澳站

請問796S半日化預期會主要做咩客源，或者有咩賣點/吸引力/主要需求呢？

講少少將軍澳觀塘道全日巴士/小巴線例子參考吓：

• 296A係好成功ge例子：因為一站直出、地鐵吸引力不足（以前尚德未有天橋過將軍澳站/步行有一段距離）、有九巴觀塘道各種轉乘、價錢平、班次密，而班次密當然係前四項致客量支持所得ge結果。
• 98A（康翠）係好成功ge例子：因為康翠直出、地鐵吸引力不足（距離寶林站甚遠＋地鐵車程長/寶林班次較疏）、有九巴觀塘道各種轉乘、價錢平、班次密。
• 796S服務模式唔同，但都算係成功：因為將南直出、地鐵吸引力不足（796S服務時段幾乎無鐵）、價錢平，但無九巴觀塘道各種轉乘、班次亦只有數班。
• 10M雖然唔夠296A同98A成功，但都算係好ge例子：直出、地鐵吸引力不足（地鐵車程長/寶林班次較疏）、價錢平、班次密，但無九巴觀塘道各種轉乘，所以客量係不俗，但所做ge客源某程度上限於「將觀點對點」客、「唔介意無優惠地轉乘」ge客。
• 102/102B、A29（回程觀塘道）雖然唔夠296A、98A、10M吸引，但都尚算係成功：直出、地鐵吸引力不足（地鐵車程長/寶林班次較疏＋富寧明德等地地鐵做唔到），但無九巴觀塘道各種轉乘、唔平又唔算密，所以「將觀點對點」客都唔少，但地鐵吸走咗部分客就係事實，而轉乘客就較少。
• 98A以「將軍澳山下坐到觀塘道」ge功能而論算少許失敗：只係有九巴觀塘道各種轉乘、價錢平、班次密，但更重要係無直出、地鐵吸引力更強（地鐵車程雖長，但仍比98A快），所以乘客通常唔會咁搭，或者呢類乘客唔會係98A ge targeted passenger。
• 停辦前ge 796A係咁多個例子之中較失敗ge：淨係得直出、價錢平、班次密，但致命傷係地鐵吸引力遠超796A（調景嶺觀塘綫2個站出觀塘）、又無九巴觀塘道各種轉乘，變咗局限目的地之餘又唔夠快，所以最後要慘淡收場。
  

而如果796S全日化，我擔心雖然係價錢平、班次密，但無ge係九巴觀塘道各種轉乘，取而代之ge係targeted passenger係點對點ge，但速度上：
調景嶺至健明：雖則直出，但地鐵吸引力遠超796S（調景嶺觀塘綫2個站出觀塘），而淨做觀塘點對點客未必適合比巴士做（c.f. 10M, 102/B）；
至善街：至善街果邊吸引力係會有，因為同將軍澳站有段距離，但兜埋調景嶺邊個快d就難講，再加上又係只做點對點；
富康至將軍澳站：算係攞個位黎擺總站，近鐵又唔係直出，無咩吸引力可言，仲有就係又點對點。

所以當日就咁取消796A，我覺得796S半日化ge機會真係唔大，因為至善以外都近鐵，同埋將軍澳站個班次/車程其實吸引力係高過寶坑/康城唔少，更莫講調景嶺車都唔洗轉，所以796S就算開半日都都應該唔會經調景嶺，又或者做ge係小巴而唔係巴士，但當係小巴做就會變咗另一d問題（例如價錢、班次、會唔會惡性循環蝕本唔做）

ViviTse 發表於 2019-11-22 04:54
請問796S半日化預期會主要做咩客源，或者有咩賣點/吸引力/主要需求呢？

講少少將軍澳觀塘道全日巴士/小巴 ...

預期會做放工客及shopping 客

296A大半都係轉乘客嚟
下繁搞796S似乎難有客量

796S 本身就縮到晨早/ 深宵線
不如快快手 cut 埋比 N796 好過向左走向右走

363330hx 發表於 2019-11-22 07:55
預期會做放工客及shopping 客

但請問呢條線ge吸引力何在？
以鐵路ge方便程度，調景嶺站果頭基本上唔洗點鬥。
而將軍澳站果頭，要鐵路有鐵路，要巴士行兩步去296A真心唔遠（我自己都試過好多次）。
至善街吸引力係有ge，但入完調景嶺站仲有無就難講。

同埋最主要係無轉乘作用，就只會似10M/102/B咁樣係小巴ge客量，796A都有板睇。
至於將隧轉乘站若無跨公司轉乘，咁即係0轉乘作用。
因為成個796系都係將南直出，而798/694/A29轉完等得車黎分分鐘仲慢，仲要無得揀位。

有鐵路嘅日子, 應該生意難保
冇鐵路嘅日子就當然另計