皇崗口岸預留位置連接北環線

下下都話『被規劃』，吾通佢地連系自己地方做既城市規劃既自由都無？

HU6455 發表於 2019-12-2 16:24
下下都話『被規劃』，吾通佢地連系自己地方做既城市規劃既自由都無？

做自己地方城市規劃無問題，但「代人做埋」隔離城市規劃又有無問題？

一個七十歲嘅老母想環遊世界，有佢嘅自由。
但無理由個老母未問過廿幾歲嘅仔，就要阿仔夾硬遷就老母個Schedule，甚至直接攞晒佢戶口啲錢，去陪佢環遊世界囉。

巴士的膠 發表於 2019-12-1 17:34
唔計政治因素，直達加一地兩檢的確係最方便嘅模式。

但新站可能俾第二南北綫好過俾北環綫。北環線向東拉 ...

睇定線圖似乎唔會影響古洞branch以東的延長線，反而有可能係想將落馬洲branch的總站位置作改動。

兩地規劃思維好唔同，一定由自己利益行先，俾錢果個唔係深圳就梗係咁諗

而家個落馬洲站同佢建議個皇崗新站近成咁，用左唔夠廿年，諗住廢落馬洲站定點先？

到時唔止嘥錢，政治責任邊個頂？

其實唔駛諗到咁複雜, 一個地方由最初以巴士為主, 經過一段時間後, 人流匯集形成新社區, 變成有鐵路規劃入去, 以應付日後更大人流, 係好正常不過嘅事.

睇呢條北環線深入深圳市做跨境客, 以圖取代皇崗-香港各區客車及新田PTI穿梭巴士, 係理想嘅做法, 唔返大陸用唔著就冇佢辦法.

至於東鐵綫落馬洲站同北環綫皇崗站兩者存在著距離, 我相信冇話有新站之後, 舊站就用唔著呢個道理, 兩站應付客源唔同, 新站整部-$3機轉港鐵有優惠又係話唔埋.

而且北環綫係駁去牛潭尾 錦上路呢d站, 呢d地方本身近高鐵隧道而冇份用, 有北環綫就可一綫直達, 而北區新市鎮也可以有多一個鐵路過境站選擇.

直線距離唔夠500米起兩個站，咁嘅密度果度一定係旺到太子同旺角站咁啦

如果真係咁起，北環綫不如改名啦，一於叫落馬洲平行線

畢氏鐵膠 發表於 2019-12-3 14:09
兩地規劃思維好唔同，一定由自己利益行先，俾錢果個唔係深圳就梗係咁諗

而家個落馬洲站同佢建議個皇崗新站 ...

成件事係成條穗莞深城鐵拉埋去福田南跟住順便大執埋福田區既口岸，擁抱新野係應份，冇理由搞到一邊口岸區合併另一邊死都唔做合併，兩條鐵路唔同步。

反正過往既設計搞到兩邊接駁交通分配不均。

現時港島線、觀塘線、九卡的東鐵線都飽和
起新鐵路應該以載客率優先
尤其是近年已經新建了高鐵，有大量剩餘運載力

過境鐵路最多配合南北快速線一併考慮

GD1570 發表於 2019-12-2 10:25
皇崗重建好似真係有規劃轉一地兩檢的
不過到現在仍未落實

皇崗最初個計劃係兩地一檢 (可以Google Keyword 皇崗 兩地一檢)
成件事仲大鑊過一地兩檢

兩地入境同海關互聯互通
香港入境處仲會放棄埋入境香港嘅審批權，同埋要代理大陸政府審批入境大陸

我寧願好似深圳灣模式一地兩檢算
反正租金又咪係香港政府畀，唔畀都唔落我地袋啦

P.S. 大陸媒體係12月頭轉風向改口話做返一地兩檢
到時係點就真係要再觀望了

本身香港做親跨境客量預測都係垃圾級別，回歸後咁多項跨境基建都冇一次準。

今年過境運輸客量條數仲跌得咁靚仔，上面反港情緒又高漲。呢啲跨境項目真係睇定啲再算，無謂起多條落馬洲平行線。

兩地一檢，基於一國先於兩制大原則，九成係廣東省公安做埋。如果而家都仲要硬推，全港不分國藉居民資料全送中，諗果條友真係唯恐天下不亂嘅大罪人。