配合「屯馬線一期」通車的巴士小巴服務

leungky0528 發表於 2019-12-10 08:17
九龍城點平得過啟德
掂嘅22都唔會仲係30分鐘之流
啲客真係出嘅情願去土瓜灣同觀塘

講選擇一定唔夠九龍城多
講價錢就唔夠大成街平

20 24 108一樣做到九龍城往來啟德
22冇咩客同九龍城冇咩關係

2蚊客大把線都有
唔使講到咁特別

eternalflame 發表於 2019-12-10 12:28
大財團梗有一間係左近
對於無晒work life balance的打工仔黎講
一個有穩定供應同質素嘅地方供給食材

超市一過五點基本上已經冇晒好餸(靚包裝)買, 剩落嘅都係糊糊核核嘅即日到期貨, 變晒味又唔係真係平, 因為早些時間已經唔會再更新價錢, 何況呢一兩年食材價格瘋狂飆升, 劏好兩三日嘅肉都唔會點減.

菜呢, 六點幾七點你仲揀到一棵(係一棵, 唔係一包)靚靚仔仔嘅已經執到, 我有一次六點一去到超市, 咁啱姐姐遲左拎定第二朝嘅菜心出來, 佢見我揀緊包裝菜心, 好人秤左兩斤原本第二朝先賣嘅俾我, 完全係可遇不可求.

其次就得番有熱食供應嘅超市, 但開到七點都收檔啦, 準時收六點去到都收左檔, 熟食已經唔再新鮮, 不過熱食本來就唔係D咩新鮮嘢, 只係一路熱住個盤.

反觀街市, 七點半你仲可以最後衝刺執平貨, 賣嘅幾唔新鮮都好, 其實同你下晝三四點買冇咩大分別, 下晝買到返屋企唔係即刻整, 都係擺雪櫃擺到六七點先整, 七點買平好多, 咁有咩所謂.

講埋煮, 只要唔講究, 幾條菜兩塊肉一隻蛋咁就一餐, 可以好簡單, 唔駛煮九大簋, 已經豐富過出面食快餐, 真係好攰就另計啦, 但當你堅持到煮飯, 我想話, 再冇咩嘢難到自己, 因為時間管理已經係掌握之內.

EX-TL 發表於 2019-12-10 11:07
現代八九十後婚後唔似上一代咁, 會周圍去街市超市格價, 仲甘心俾人鋸到一頸血, 成日話儲唔到錢, 嗰種虛榮 ...

管理少樣野即係等於而家領展嘅商場
當初一樣大把人拍手叫好 不妨睇吓而家點？
私人管理有個壞處就係公屋區街市可以整到好豪華
的確好靚 但背後代價係因為租金問題所以物價高
不如諗下去街市係為咗睇裝修定係買餸

eternalflame 發表於 2019-12-10 12:24
濕貨街市對於領展同房署就變成建華個一種「摩登」街市
而唔係傳統或市政大廈個種形式

啟德新區居民佔一部份都係新移民
新移民唔代表一定後生
唔少都可以係大媽大叔
平時大成街返啟德嗰個小巴站就係好好嘅例子
與其話青黃不接
只係政府無心處理問題
為咗靚 不斷將原有嘅街市改革
而家嘅摩登街市一樣可以有青黃不接嘅問題

eternalflame 發表於 2019-12-10 12:28
大財團梗有一間係左近
對於無晒work life balance的打工仔黎講
一個有穩定供應同質素嘅地方供給食材

其實有唔少人都係全職湊仔
或者返兼職
放學時間接個細路順便買餸都大有人在

RH7685 發表於 2019-12-10 18:12
管理少樣野即係等於而家領展嘅商場
當初一樣大把人拍手叫好 不妨睇吓而家點？
私人管理有個壞處就係公屋 ...

其實有辣有唔辣, 商場我就覺得多餘嘅, 俾邊個經營, 最終都係嗰啲商舖類型, 只係大集團同小商戶嘅分別, 近幾年領展將個別商場打包轉售圖利係最可恥之極.

早幾星期行入彩虹邨, 好似時光倒流一樣, 間士多乜都有得賣, 冇裝修可言, 部份舊舖仍然停留喺我廿年前讀中學時嘅組合, 舖外環境通爽, 冇商場嘅喧鬧, 令人懷念, 亦應該繼續好好保留.

街市呢, 如果領展唔係擺咁多額外裝飾, 更新左搞好左衞生問題, 絕對係一件好事嚟, 地面冇濕滑, 冇臭味, 冇老鼠, 夠光猛, 有良好抽風, 走廊闊落方便長者及輪椅出入, 呢啲基本嘢係以往屋邨街市, 甚至現時一部份市政街市或未翻新的領展街市, 仍然為人詬病.

現時好多街市仍然入唔到輪椅, 走廊窄, 濕滑, 行動不便者入唔到去, 其實幾影響低下階層基本生活, 新式街市做到友善社區配套, 呢方面係值得一讚.

如果高租金可換來舒適方便, 係值嘅, 但過多裝飾, 如隆亨街市中間條大型膠粟米有咩用呢, 用來做地標等人?! 長發邨青衣市場整大量海洋主題裝飾又係咩事?! 呢啲過晒火位嘅代表作, 應予以譴責.

RH7685 發表於 2019-12-10 18:12
管理少樣野即係等於而家領展嘅商場
當初一樣大把人拍手叫好 不妨睇吓而家點？
私人管理有個壞處就係公屋 ...

街市裝修既對象係新客而非舊客
平時買開餸既當然唔受裝潢影響，質素如何心中有數
但新客會因為外觀而影響對整體印象
今時今日社會對所有事物都有更高層次追求，對街市既要求已經唔只要買到餸
衛生、舒適度、購物體驗等變得更重要
而家居民對於新式街市反應都係正面多於負面，街巿翻新後人流都多左

EX-TL 發表於 2019-12-10 19:41
其實有辣有唔辣, 商場我就覺得多餘嘅, 俾邊個經營, 最終都係嗰啲商舖類型, 只係大集團同小商戶嘅分別, 近 ...

見領展成日搞堆燒錢又唔會點出稿同宣傳嘅「社會責任」活動
仲有啲設施用兩三年就大維修
就知佢根本銀根充足，只係左物業估值而唔肯放軟加租同收停車費
=====
講到遠哂，講返啟德
今次計劃令我好奇5M前途點樣
畢竟九巴好似都費事用$3.8爛市鬥22M
但回程繼續單靠九龍灣，感覺又似等死咁
將來係咪要諗下入番啟業或行番太子道？

tunghang 發表於 2019-12-10 20:23
街市裝修既對象係新客而非舊客
平時買開餸既當然唔受裝潢影響，質素如何心中有數
但新客會因為外觀而影響 ...

//今時今日社會對所有事物都有更高層次追求，對街市既要求已經唔只要買到餸//

如果係中產或者豪宅區其實無可厚非
要求高 消費力一樣高
但係公屋區顧客主要希望係買平餸
服務質素並唔係主要考慮

RH7685 發表於 2019-12-10 23:19
//今時今日社會對所有事物都有更高層次追求，對街市既要求已經唔只要買到餸//

如果係中產或者豪宅區其實 ...

有平街市嘅區，如觀塘、元朗、荃灣，基本都有人會跨區買餸。

而啟德買餸線個人覺得有兩個選擇，一係88拉去天寰，跟晴朗去大成街，一係招標一條由啟德站，經晴朗、天寰、沐泰街、下路、紅磡上何文田山嘅線，兼做埋返學同區內線。