有冇路線逆向客源表現十分好

其實你知唔知逆呢個字係點解

T277 發表於 2019-12-12 22:49
89C逆向好客過正向係因為正向有單位數字丶班班頂閘既特快班次, D客去晒果度咋。

89C上繁出市區因抽車開 ...

你有無兜過威記個圈㗎，時間差唔多都講得出

MCMoore 發表於 2019-12-12 23:29
你有無兜過威記個圈㗎，時間差唔多都講得出

有, 但點都好, 89X喺一城有位剩&站位就腳係鐵一般的事實

而對於石門人來講89C就非常方便, 89C喺小瀝源路就算唔頂閘都好難有位剩

31M及235M其實都得,主要因為區內中學.做完返學果單做返工果單,放學固然多客,跟住做葵涌放工客,又做上葵工商區放工客,去到葵芳做搭完地鐵放工客.
48X早繁做梨木樹兩間中學客,加荃灣梨木樹轉火車客.

234X 朝早入荃灣，傍晚出九龍都要企位

andy92 發表於 2019-12-12 23:42
234X 朝早入荃灣，傍晚出九龍都要企位

如果咁,238X反方向都做到橫龍街工商客.
234X客係咪長深往返大涌道工商區多?

277X 早上入聯和墟要企 89C早上彩虹去石門留後嚴重

好多老牌X 線都做到雙向頂

主因開線久遠
部分人搵工因素會包含工作地點是否有車抵達附近.
而車程又比鐵路方便及舒適
而且兩邊區分都有工商業區方便兩區人士往返通勤

大埔都有73X 74X 75X

HS1588 發表於 2019-12-12 22:16
57M 根本逆向仲好客, 早幾年 57M 諗住縮到跟 59A 個服務時段根本係反智

259D 下午4-5點未到高峰期先半滿出轉車站
近6點打後單靠碼頭都有7-8成滿

JU2541 發表於 2019-12-12 23:17
其實你知唔知逆呢個字係點解

有啲人會睇no.做人, 例如38 40當成新界出九龍係順向, 九龍入新界係逆向, 但我咁多年都當呢兩線好似88 88X, 九龍入新界先係順向.

又會有啲人睇起訖點斷定順逆, 通常屋邨開出碼頭/鐵路站都當係順向, 但好似11B咁, 九龍城去觀塘客量一向多過觀塘去九龍城, 十個有九個都當觀塘去九龍城係順向, 再睇埋服務時間, 九龍城頭車開6:30, 而觀塘就開5:50, 再睇埋班次, 觀塘開出的「順向」班次明顯唔夠九龍城開出的「逆向」班次密, 究竟邊個方向先係真順向?

另外, 我總係覺得42 45都係九龍入新界為之順向, 有冇人認同?

64K 261 263呢挺順向係咪新界西去新界東, 而76K 77K 276北區去元朗係順向?

曾幾何時, 將軍澳南學額過剩, 紅磡區學生獲編配入將南返學, 796X早上入將軍澳都好好客, 唔知而家啲學額編配有冇變, 只係796X早上入將軍澳客量仍然算高.

經九龍灣 牛頭角 觀塘嘅九龍東路線都冇咩話順向定逆向, 呢區大量就業機會, 但亦有很多居民外出工作, 最估唔到應該算係641, 九龍去港島因為有多綫巴士, 加上地鐵競爭, 641早上往港島客量唔算特別標青, 反觀往九龍只停港島商業區的「逆向」班次, 早繁客量也不俗, 往港島及往九龍大概係六四開.

91 91M呢, 理論上係清水灣道居民出市區為之順向, 但一個科大可以扭轉成個佈局, 早上市區入新界, 下午新界出市區先係最大需求.