LWB龍運終於回覆E33線於公眾活動期間停駛問題

就你提出有關龍運第A33X號線及第E33號線於公眾活動期間停駛及改道的意見，該署謹覆如下:

龍運第E33號線往來屯門市中心巴士總站及機場地面運輸中心，主要途經屯門鄉事會路及海珠路一帶的中途站；
第A33X號線則往來富泰邨及機場地面運輸中心，該路線除了為屯門鄉事會路及海珠路一帶提供服務外，亦會途經良田、青麟路及富泰一帶，於屯門區內的服務範圍比第E33號線更廣。
本署已就有關個案向龍運反映你的意見，並要求龍運交待當日有關決定。

龍運回覆表示於本年11月13日清晨起，屯門區內部份路面被堵塞，並不適合巴士行駛，加上部份員工因道路堵塞而無法前往相關地點報到，巴士公司於衡量營運安排及員工安全等因素後認為沒有充足資源同時提供所有往來屯門及機場的巴士服務。

經外勤員工查核後，巴士公司遂決定優先有限度恢復路線途中有較多路面適合巴士行駛的第A33X號線服務，惟該路線仍需改道行駛而不經屯門鄉事會路及海珠路沿途各站。另一方面，於11月14日下午2時30分起，除屯門鄉事會路一帶路面仍不適合巴士行駛外，屯門其餘路面大致回復正常，龍運遂決定恢復第E33P號線的服務，以方便屯門區往返東涌及機場後勤區的乘客；

惟屯門鄉事會路沿途路面仍有大量雜物，故第E33號線仍繼續停駛直至11月16日上午11時屯門市中心總站重新啟用為止。

龍運亦表示會時刻留意路面及總站情況及考慮實際狀況後作出適當的車務調動，並已於公司網頁、新聞稿及手機應用程式中的【特別交通消息】中列明路線的服務情況。

該署會繼續留意有關路線的服務。謝謝你的意見。

謝謝你向我們提出此事。

TR3797 發表於 2019-12-23 21:28
其實龍記簡單D應該咁答仲好：優先開貴車係公司政策，大埔都係只開A47X叫大家去大欖隧道轉車唔開平線，葵涌 ...

葵涌有開欽州街調頭35A, 但往深水埗方向唔係收深水埗價($5.6)而收足全程往尖沙咀既$7.7咁姐, 非常時候緊係鐘意開就開, 唔鐘意開就唔開, 87K/289K/272K停左個幾月, 真係難為左馬鞍山返科學園果班市民, 而且相比起紅頂小巴, 大巴搶得算少嫁啦

shakugan2005 發表於 2019-12-23 22:01
葵涌有開欽州街調頭35A, 但往深水埗方向唔係收深水埗價($5.6)而收足全程往尖沙咀既$7.7咁姐, 非常時候緊係 ...

用35A名義開，一定收$7.7
正如大量屯元天X深水埗調頭照收$12.8
因為路線資料寫哂入表令，唔跟表令收錢，就打得官司

不過呢，同時九巴免費升級咗唔少尖沙咀線，呢啲以前又有冇先

TR3797 發表於 2019-12-23 21:28
其實龍記簡單D應該咁答仲好：優先開貴車係公司政策，大埔都係只開A47X叫大家去大欖隧道轉車唔開平線，葵涌 ...

E33有多個因素就係龍運唔想置樂友搭慣。

paul2357paul 發表於 2019-12-24 07:57
E33有多個因素就係龍運唔想置樂友搭慣。

點解會搭慣? 要開既都只係翠寧落客私屯門南廠等指示, 再私豐景園起載, 60M/60X/61X/263都係咁開, 咁開比阻塞既機會仲低過所謂A33X改道但繼續係屯門遊花園, 除非話開架E33P係屯門南廠出黎係屯門南廠外停個臨時站(因停原有屯門泳池站都要兜個圈先停到)就直上公路, 如果唔係好明顯就係優先要開貴價線, 明明45都係欽州街調頭點解仲係收得貴過46? 點解明明都係欽州街調頭但仲開45唔係開哂46?

Ricky403 發表於 2019-12-24 07:53
用35A名義開，一定收$7.7
正如大量屯元天X深水埗調頭照收$12.8
因為路線資料寫哂入表令，唔跟表令收錢， ...

屯元天X線只有52X欽州街有分段, 但33A/35A欽州街有分段, 更何況曾幾何時依幾條線就係欽州街做總站而因為延長而加價

好明顯，龍運博大霧想賺多啲，如果龍運做A33X做得好，駛乜驚冇人搭

成日諗住呃人，冇意義，又唔解決根本性的問題

A33X係吸引唔到人搭

1823 ? 繼續追殺點解有 A33X ?
無 E33 點去東涌


叫 TD 班官答左佢