澳門輕軌通/收費詳情

明年 1/1 起，澳門輕軌將正式收費。
現有澳門通並不適用於澳門輕軌，當局推出全新「輕軌通」，較購買單程票便宜一半。（1-3 站 $3, 4-6 站 $4, 7-10 站 $5）
購買單程票方法：現金、「澳門通」、MPay、支付寶、微信、銀聯雲閃付、Visa/Master、「中銀智慧付」

每張輕軌通須另繳付澳門幣 30 元行政處理費及制作費，購買時須選擇首次儲值金額，備有多個金額可供選擇，之後可按需要隨時增值。
退回輕軌通需繳付行政處理費澳門幣 10 元。

另外，澳門合資格學生/長者/殘疾人士可使用優惠澳門通，首次購買不收費。
學生卡收費為普通輕軌通的一半（1-3 站 $1.5, 4-6 站 $2, 7-10 站 $2.5），長者/殘疾人士卡免費乘搭。

使用車票守則：
- 最高乘車時間：60 分鐘
超時每 30 分鐘：須額外支付金額相當於成人單程票的最低票價的費用 ($6)
*具合理理由或經運營者許可的情況除外。
- 遺失車票罰款：相當於成人單程票的最高票價費用 ($10)，且不妨礙觸犯第18/2019號法律《輕軌交通系統法》之規定。
- 所有車票：不設退款，惟職員可視乎情況酌情處理退還票款或更換車票之事宜。

詳情可參考：
https://www.mtr.com.mo/tc/TicketsFares/SingleJourney
https://www.mtr.com.mo/tc/TicketsFares/MLRTCard
http://www.mlm.com.mo/news_20191226.aspx

無端端又整多張卡，係咪港鐵唔抵得澳門通唔係自己嘅想連澳門元利息都賺埋

jpoon 發表於 2019-12-27 03:21
無端端又整多張卡，係咪港鐵唔抵得澳門通唔係自己嘅想連澳門元利息都賺埋 ...

唔關港鐵事﹐而係班澳門官自己問題。

佢地自爆批閘機N年前已經訂左﹐當時未有澳門通。
為左加快通車﹐所以未有更新閘機去應對澳門通﹐但將會做這一件事。

即係﹐這張 "儲值卡" 其實都係跟批閘機而來﹐都唔係港鐵引入的。


而家好攪鬼﹐可以用澳門通去客務中心買車票﹐不過都係當現金價。
睇下會唔會因為不同原因(包括當地人使用量低)﹐改為用澳門通會有較便宜的收費。


PS. 條輕軌配套真係幾差下﹐單是進出車站﹐只有上的自動梯﹐落要行樓梯。(有升降機)
條樓梯又夠位cut細改裝自動梯(做到2條自動梯+樓梯)﹐都唔明點解今時今日都唔整雙向自動梯。
在拖延的興建期﹐都無去更新設計﹐提升基本要求。

kei_hk 發表於 2019-12-27 11:23
唔關港鐵事﹐而係班澳門官自己問題。

佢地自爆批閘機N年前已經訂左﹐當時未有澳門通。

尋日發現氹仔碼頭落車月台嗰條手梯係落嘅
都未致於全部都係有上無落嘅

澳門運輸工務司須考慮延長免費期,最少直到澳門半島段通車為止,因澳門輕軌氹仔段路線迂迴,未能吸引大量乘客.反正澳門特區政府財政充裕.

kei_hk 發表於 2019-12-27 11:23
唔關港鐵事﹐而係班澳門官自己問題。

佢地自爆批閘機N年前已經訂左﹐當時未有澳門通。

澳門通係 2007 年既產物，佢既前身新福利 IC 卡更加係 1999 年已經有
12 年後通車既輕軌竟然唔 support，真係無言......

CRH5 發表於 2019-12-29 22:14
澳門通係 2007 年既產物，佢既前身新福利 IC 卡更加係 1999 年已經有
12 年後通車既輕軌竟然唔 support， ...

補番個新聞資料來源﹐今次真係唔好瀨落港鐵身上。

http://www.shimindaily.net/v1/news/macau/%E8%BC%95%E8%BB%8C%E4%B8%8D%E8%83%BD%E7%94%A8%E6%BE%B3%E9%96%80%E9%80%9A%E5%85%A5%E9%96%98%E3%80%80%E7%BE%85%E7%AB%8B%E6%96%87%E8%AA%8D%E8%B6%95%E9%80%9A%E8%BB%8A%E7%84%A1%E6%94%B9%E5%90%88%E5%90%8C/

節錄:

梁孫旭質疑，若乘客每次乘輕軌都要買票，將會令車站大排長龍，政府將來如何令輕軌購票銜接電子支付？學生、長者、殘疾人士乘輕軌的優惠措施，是否一如巴士會有半價優惠？議員蘇嘉豪則問及會否考慮輕軌轉巴士的轉乘優惠？

　　羅立文回應時承認，現時輕軌購票方式不是最好，但當年政府與三菱簽署的合同便是採用有關方式，他更承認上任後沒有更改合同是他的責任，但他的目標是在任內開通輕軌氹仔線。他又指，乘客除可每次購買代幣，亦可購買儲值式的「輕軌卡」，使用「輕軌卡」便可直接入閘，而使用代幣會按原價收費，使用「輕軌卡」則有優惠，概念與巴士上投幣和拍卡一樣。羅立文又承認將來市民乘搭巴士和輕軌，要同時攜帶「澳門通」和「輕軌卡」比較不方便，他更相信不會有人買代幣，因使用「輕軌卡」較便宜，日後專營公司要考慮電子支付的問題，未來巴士卡和輕軌卡等一系列付費工具，都應合併為單一的工具。

澳門輕軌延長免費乘搭至1月31日。

以澳門輕軌呢個世界級迂迴走線，按照站數計費唔多合理吧。
路氹東-路氹西路面距離得一個站左右，搭輕軌卻被兜路變成 3 個站。

類似香港輕鐵單程票咁，用分區計費會比較合理。
例如成個氹仔當一區 $6，將來由氹仔出到澳門當跨區 $10…