十月份交通運輸資料月報

AV296 發表於 2019-12-31 23:29
事實就係多咗人搭巴士
港鐵只係得
10月5號先全線停駛一日，

我不如先講下我睇到既野

正面既野大家都講

我睇到既係

專營巴士日均乘搭人次 4,264,700，比去年同期上升 0.91%，比今年九月減少 0.10%
城巴（專利一部）總客量 16,411,000，比去年同期減少 0.4%，比今年九月增加 4.7%

數字唔係全部都好睇,有上有落

另外,係真實社會,生意人唔會只用單一角度去預判客量

好似之前紅隧開唔到
政府ARRANGE左免費船
曾經客量唔錯
紅磡灣仔
平均一日2650人
但紅隧開返後
平均一日1700人

政府之後再招標紅磡渡輪,有營辦商表明在收費下,一日唔夠1000人搭
點解曾經有2650人搭,但入標時睇到咁淡?因為突發/特殊事件既野唔可能參考

另外,港鐵客量一向係處於中長期上升狀態,就算今年跌左,只要回復上升狀態,少左既客可以填得返
咁罷鐵論已經唔可能成立

又講返5年前佔中,當年馬路比人封,巴士客量受影響
水平較高既版友,會話佔中條數唔可以拎黎參考

而現時的確社會有特殊事件發生,我認為應該一視同仁看待,那怕數據是否對自己有利

以前D巴迷憎人保鐵,但事實係市場份額係MTR最大,無得質疑,D人咪改鬧港豬只識搭MTR

反而11月數字,紅隧停左個段時間,再加埋紅隧線龐大客量,下個月巴士條數應該會有影響

kay 發表於 2020-1-1 12:28
我不如先講下我睇到既野

正面既野大家都講

如果將巴士公司同港鐵比較
應該用九新城呢三間同港鐵有較大直接競爭嘅公司
呢三間不論專營權，比起九月都有上升
喺差唔多咁繃緊嘅社會氣氛下，點解巴士有得升？

/另外,係真實社會,生意人唔會只用單一角度去預判客量/
市場經濟下（雖然唔知香港會唔會消失），客量差咗，一係供應少咗，一係需求少咗，反之亦然。港鐵九/十之間明顯無供應上嘅分別（因為根本無換過車，整體載客量無改變），咁惟一嘅原因，咪就係需求跌囉。
需求跌，原因有兩類，第一類係用家欲望下跌，例如代替品質素、用家信心（注意價錢唔係因素，因為價錢影響嘅，係需求量quantity demanded，非需求demand）；第二類唔係因欲望下跌，係因為外在因素，例如政府政策、天氣狀況。你建議一視同仁，其實巴士客量上升都係因為咁。
示威活動，喺外在因素（你口中特殊事件）理論上，令港鐵同巴士客量下跌（或者咁講，特殊事件對巴士、港鐵影響一樣）。而呢個外在因素影響有幾多？相信就係以下呢個：
「公共交通乘客總人次 355,767,000，平均每日乘客人次 11,476,000，比去年同期減少 13.3%，比今年九月減少 5.7%」
因此，港鐵跌得咁甘，巴士有得升，其皆出於內在因素，即係影響乘客欲望嘅。正如我講過，港鐵缺點（安全性低，靈活性低，穩定性低等等）喺呢幾個月突顯出嚟（我唔係吹水，唔信上網搵），令乘客信心低，需求咪跌囉

/咁罷鐵論已經唔可能成立/
正如我所講，十年前嘅common sense，已經唔可以套用落2020年。
你嘅推斷，看似合理，但當中有2個假設：
1. 港鐵客量一向係處於中長期上升狀態
（呢個thread已顯示港鐵客量呈下跌趨勢，即使係中期，亦唔見得有任何證據，尤其當巴士載客量上升、服務提升，而港鐵愈嚟愈多嘅故障，唔見得帶動客量上升；所以有時真係要摒棄舊觀念）
2. 少左既客可以填得返
（11月港鐵客量出咗，升幅明顯填唔到跌幅，仲未計11月服務時數比10月多，抵消升幅）
所以根本無數據去support，只係主觀上嘅空談

/水平較高既版友,會話佔中條數唔可以拎黎參考/
呢句又係主觀

/以前D巴迷憎人保鐵,但事實係市場份額係MTR最大,無得質疑,D人咪改鬧港豬只識搭MTR/
事實係港鐵客量跌緊，客量作為市場份額好重要嘅因素，我實在睇唔到呢句有咩事實嘅基礎

相反，所謂「罷鐵論」根本唔存在，因為香港市民唔係去罷鐵，而係因唔同原因，減低搭鐵需求。有D人以為而家仲係10年代甚至更早，可以用過時嘅觀念，塞入去而家情況度。當事實反映呢D舊式思想唔啱，就不斷搵藉口掩飾，呢批人有咩居心，我就唔評論

我只係知道，用咁嘅思想治理香港，就一定死梗，正如有D人用以往大型遊行，推斷唔信示威者無大台；有人只用經驗，妄斷後生仔「罷鐵」係玩玩下。當數據證明港鐵客量有好大跌幅，比其他交通工具大得多（啱啱講過，開花、堵路係同時影響鐵路同巴士，所以以此為藉口，話鐵路下跌，根本唔適合），就搵藉口推卸。我就一視同仁咗，但恕我直言，我唔見得你有一視同仁，只見得「我睇唔到」「我唔覺得」

一日最衰都係佔中，搞到開咗980X搶地鐵客，令地鐵客量下降