港鐵再向青島四方購置新車「已確認係取代東涌/機場快綫」

solomon 發表於 2020-1-4 09:00
自從有c車，龜鐵全換大陸車都不作他想，時間上仲比我預算早十年左右，係東鐵奇怪反而入韓製車啫！新Q車張單 ...

東鐵入韓國車﹐當時有傳聞係大陸車廠太忙無法接單﹐所以要外求。

屯馬線就傳聞因為日本廠﹐只願意按舊有的合約要求﹐為現有列車車卡進行改裝 + 製作新卡替補﹐並且調整車卡數目。
唔願意重新大量生產屯馬線的額外用車﹐所以MTR就要用番份圖則﹐加以修改提升部份機件/組件﹐再搵其他車廠負責承造。


我反而睇﹐搵中國廠去做車﹐會唔會MTR 只係睇錢去決定?
其他國家在價錢上/售後支援競爭力不足﹐所以爭唔到合約。
反正你都識講﹐成部車用什麼料都係MTR決定﹐車廠角色只係組裝及做車身﹐什麼廠都無分別 (唔計工藝質素)。



至於東涌線換車﹐在市區線落實換車之後﹐都有傳出話放棄翻新。
正如我前文都提及過一點﹐翻新唔會解決到一些核心問題。

例如車門﹐你估MTR會唔會換門? 一換門就車身都有機會要進行修改﹐工程成本及難度就增加﹐MTR自己覺得是否值得?
又例如冷氣﹐大雨天漏水問題﹐大把人都知。有無方法處理?  據說係有﹐機場車好多年已經做左﹐代價係冷氣弱左﹐但東涌線載客量高唔可以用。
你又估下MTR會唔會再想點處理冷氣問題?

如果連這些細微野都整﹐成本就增加﹐同直接換車的成本又拉近。
但係唔攪﹐乘客的體驗可以謂無分別。

再加埋﹐核心的機件同樣地唔會更換﹐都要考慮會唔會未來十年八年後﹐廠方因為停產令到零件供應短缺?
又係一句﹐當係技術上無問題﹐但換埋的話就係成本問題﹐點解唔買新車。

以上﹐現時的M車都有版你睇。


至於現時批西班牙車﹐因為車身尺寸問題﹐其實用唔到在市區線。
你更新車的界限﹐就會比現時的車窄少少﹐頭卡短少少(留意快K及慢K車的司機位及第一隻門之間的分別)。
東涌線就會出現月台隙闊左﹐司機位會對唔正月台的司機位置。

所以﹐東涌延線直通將軍澳(接入將軍澳線)﹐機會其實都幾微﹐除非做到一夜間換晒所有車及月台司機位月台設備轉位啦。
之前的建議﹐都係東涌線延長多一至兩個站做轉線。這樣唔需要理北港島線用邊一個方案﹐車同月台都唔需要攪。



最後老鼠線列車點解唔換。

都係睇番零件供應問題﹐市區線要換走M車﹐其中一個原因係零件供應問題。
但係M車退役﹐就可以有大量舊車拆出的零件做替補﹐零件供應就唔會在短時間內出現。
甚至乎﹐留多幾卡/幾抽車出來﹐以便有需要時進行改造﹐可以為列車加卡﹐甚至加車應付日後需求(按原先設計提升做來回全線雙軌)。

kei_hk 發表於 2020-1-4 10:16
東鐵入韓國車﹐當時有傳聞係大陸車廠太忙無法接單﹐所以要外求。

屯馬線就傳聞因為日本廠﹐只願意按舊有 ...

老鼠車性能係最好個批英製車,加上載客量長期偏少(比荃灣線/將軍澳線少成陪);所以咪唔急住換車?!

btw,今次增購的列車用嚟取代機鐵,唔知會否做到普通版和豪華版(話曬TCL和AE兩者都有分別啵?!)

JA5674 發表於 2020-1-4 03:14
成件事特別在「簽訂補充協議增購列車」
即係係現有合約上加訂 (加單) 啦

或者港鐵自己都唔想TCL 同其他市區綫嘅規格唔同
所有舊車歸機場快綫
TCL 用哂新車跟市區綫列車規格

幕門反正爛咗啲就一次過換返市區綫門距
月台同列車之間距離就加塊踏板填返個空隙
可能港鐵計完條數仲平過用現有規格去獨立招標XDDD

HR1377 發表於 2020-1-3 15:31
機場快線和東涌線西班牙列車年事已高，需要買車取代，但是否只買23列列車就未知之數。

東鐵線增購列車有 ...

A Train K Train用咗20年有多咋喎，正常D列車嘅壽命都冇咁短

gordon 發表於 2020-1-3 13:01
我反而諗，會唔會港鐵喺世界其他地區的業務要買新車，例如深圳4號線或6號線 ...

6號線係深圳地鐵營運 唔關港鐵事

那麼如果東涌線用Q-Train,可不可以從市區線拉車？

kei_hk 發表於 2020-1-4 10:16
東鐵入韓國車﹐當時有傳聞係大陸車廠太忙無法接單﹐所以要外求。

屯馬線就傳聞因為日本廠﹐只願意按舊有 ...

咁講真新車個成本真係低，佢先至唔再考慮翻新係真嘅，至於零件供應，廠方原設計壽命有40年，相信零件生產都應該有30年以上，否則以前啲車仲點用落去，以後買家又點咁買你車，不過又咁講，30年呢間廠仲係唔係存在都係一個問題，現實係東涌線近年多咗壞車，而且都好雷同，似乎相關部件應有問題，換車順便解決多項問題，如你講幾個因素夾埋，新車又唔貴，成件事順理成章。

至於月台門問題，空隙問題，都只不過使錢搞惦，幕門有無到有都搞得掂，更改其實都唔太難，相對新線個預算，只不過少部分。要考慮嘅其實係新線個規劃走線想點，講真如無必要，呢間公司睇錢睇成本過立法會，已經無晒遠見了，抱住多一事不如少一事，正如屯馬線寧願九龍打交叉，成條線左右倒轉，費時天價預算！就算之後超支一半，關人了，政府最終都係照俾！

廸線如果換車，大修就可以返荒島做，零件都唔使用舊件唔使庫存，都有好處嘅。不過今次就算唔落單，整返個可增購Option都可以嘅，費時到時再議價啦。其實呢期批西班牙車唔要，韓車應該仲留返吧，呢批車都可以喺未來有好多可能性。

南韓金仔 發表於 2020-1-4 13:49
其實機場快綫又貴又慢又疏導唔到其他鐵路線客量,個人建議列車換成動車,延長至長隆,加經香港口岸及澳門口岸 ...

機場快綫真係太慢