建議全面重組港島北岸快速服務(2/5X/8H/18/18P/18X/25/720/722)

暫時見到重組有以下盲點


1. 中環碼頭→炮台山、北角
2. 愛秩序灣流水 ( 至少你要兼顧2X 720唔到嘅地方 )
3. 銅鑼灣北→灣仔北、中環、石塘咀、堅尼地城


成篇重組畀我嘅感覺係分工唔太清晰，好多條線東西行都唔對稱，西區線做埋7系特快嘅嘢， 然後18P 720 721 722 各自有重疊。


睇返以前720A嘅經驗，我唔覺得721做得過。講真，正如上面師兄都提過，非繁告士打道時間同繞道唔差得遠，冇必要為咗行繞道而行繞道。

Busmtr 發表於 2020-1-4 21:02
暫時見到重組有以下盲點

其實我應該要整返一張分工表會比較清楚，重組盲點一定會有，但係係唔係值得因為咁樣而唔做重組?1. 中環碼頭本身搭2號去北角炮台山的人不多，加2->10/38/42轉乘足夠應付，反對聲音大的話，18加車一部，改由中環碼頭開車，經IFC去無限極都可以考慮
2. 真係冇諗過呢一部分，可能用77來回入一入愛秩序灣，或者改81線來應付會比較合理，視乎興華/勵德對81唔行筲箕灣一段電車路的反應如何
3. 18P西行係冇變過

留意返720係來回入中環灣仔繞道，全日不受塞車影響，令回車速度有預算，720A以前失敗係因為720自己都分走緊客，但係現時金鐘/灣仔客全部靠721，個人認為721的營運狀況一定比720A為好。720來回入中環灣仔繞道目的係穩定回程班次，以及同721分工，加上宣傳效果強大，有利720吸客，18X改行繞道係吸多左北角->中環客，因為客係知道行中灣繞去中環的時間有預算，加上觀感良好，就算告士打道唔係成日塞車，有塞車風險就要避，比信心客仔，尤其係太古城客。

至於25號線早繁班次問題，其實做原本班次，12-15分鐘一班都有車做，所以問題不大。

西行721同722，細心睇其實同現時720同722的分工係冇分別，721做愛秩序灣+筲箕灣至西灣河電車路+太古城->灣仔/金鐘，722做耀東+鰂魚涌->灣仔/金鐘/中環

成個重組其實唔難睇，拆開東行西行睇會易睇好多:

A) 先講冇乜變過的西行:
可以當西行721係以前的720A，西行722冇變過，西行720就係720經中灣繞直達中環的版本。變相係720/722 2拆3變成720/721/722。
西行18，18P，18X都係行原有路線。
西行變動係大坑，5X取消，2號縮大坑開車，入電車路食大坑空缺，25入大坑飛外告食原本2號空缺。4X就食5X中環去堅尼地城的空缺。

B) 再講變得多的東行:

	中環碼頭	上環	中環	金鐘	金星	入境	灣碼
北角		18X		18X		18X
鰂魚涌	722	722	722	18X		18X	722
太古城中心		720	720	18P	18P	18P	18P
康怡	722	722	722	18X		18X	722
鯉景灣	722	722	722	721	721	721	721
西灣河	722	720	720	721	721	721	721
耀東	722	722	722	721	721	721	721
筲箕灣		720	720	721	721	721	721
愛秩序灣		720	720	721	721	721	721

720做中環上環直達太古城+西筲電車路+愛秩序灣。
721做金鐘灣北直達鯉景灣+耀東+筲箕灣+愛秩序灣。
722做中環上環中環碼頭+灣仔碼頭直達鰂魚涌+康怡+鯉景灣+耀東。
18P做金鐘灣北直達太古城。
可以見到其實係差唔多冇重疊位

至於西區的東行，主力由改線後的A12做石塘咀經中環灣仔繞道直達北角
18X做西區->灣仔北，18P做西區->中環北/金鐘，原本5X做緊的空缺

2076 發表於 2020-1-4 23:20
其實我應該要整返一張分工表會比較清楚，重組盲點一定會有，但係係唔係值得因為咁樣而唔做重組?1. 中環碼 ...

77入愛秩序灣？
筲箕灣上耀東班客車程長仲要愛秩序灣去太古北角大幅增加行車時間已經唔可取。

另，自從82咁樣減班後81客量多咗好多，拎81去做2號愛秩序灣嘅功能根本唔適合。

brianso198 發表於 2020-1-4 23:44
77入愛秩序灣？
筲箕灣上耀東班客車程長仲要愛秩序灣去太古北角大幅增加行車時間已經唔可取。

其實東行有102問題不大，只係西行的問題
77筲總開出學2X繞一圈先應該OK，但係行車時間難以做得靚仔，但好處係本身77做開雙向分段，可以加個$4.3落車回水
要行車時間OK就只可以打8H/81主意
其實計落8H入筲總，愛秩序灣，再鯉景灣出應該OK，反正8H的客都係左手交右手

2076 發表於 2020-1-5 00:39
其實東行有102問題不大，只係西行的問題
77筲總開出學2X繞一圈先應該OK，但係行車時間難以做得靚仔，但 ...

西行先唔得，
77西行要做筲箕灣上耀東流水。為咗做愛秩序灣流水搵筲箕灣上耀東班流水較飛無任何支持空間。
再講，77行完愛秩序灣仲要上耀東落鯉景灣，請問會有人用新77去太古鰂魚涌乎？

2號筲箕灣段客量西行遠比東行多，同站位同720有關。
拎柴灣車補各有利弊，但弊多於利。

8H，原本可以，不過而家82搞到咁由可以變有問題。

brianso198 發表於 2020-1-5 00:43
西行先唔得，
77西行要做筲箕灣上耀東流水。為咗做愛秩序灣流水搵筲箕灣上耀東班流水較飛無任何支持空間。 ...

諗到3個方案
1) 77筲總後經愛秩序灣
筲箕灣上耀東可以峻峰花園上車
(即係77 筲箕灣->愛蝶灣->峻峰花園->海灣華庭)
但係就令愛秩序灣車程加長
2) 77耀東後經愛秩序灣
太寧街->太安街->海晏街->愛秩序灣道->愛賢街->愛東商場->東旭苑東曉閣->港島民生書院->太祥街->康怡廣場好處係影響人數少，但係用車數會較緊張
3) 8H繞經
柴灣道->筲總->愛東商場->東旭苑東曉閣->港島民生書院->太祥街->康怡廣場
好處係行車時間幾乎不變，柴灣道->太古鰂魚涌可以照用8H，但係就令筲箕灣道少左一條西行流水

2076 發表於 2020-1-5 01:01
諗到3個方案
1) 77筲總後經愛秩序灣
筲箕灣上耀東可以峻峰花園上車

峻峰上車？明明總站直接去筲箕灣道，點解要為咗愛秩序灣而要班耀東買餸客行去峻峰花園咁反智？

原本有架99不過架99班次疏，城巴執班次執到永遠77行先搞到77永遠最多人。
仲要明知唔可能有愛秩序灣人行足耀東鯉景灣先到太古，想解決問題點知製造更多麻煩。

方法2，望落好啲但一樣浪費資源，筲箕灣道行兩次仲要兜兩個圈，只係咁行都食一大堆時間玩埋班南區客。

再重申一次，拎77去補2號功能係唔work。

關於愛秩序灣流水問題，無啦啦拉8H落水好似好怪，但係總好過完全真空，畀我會咁改：

小西灣↔柴灣站↔東區走廊↔愛秩序灣↔筲箕灣↔西灣河↔...

控制8H兜愛秩序灣後行車時間不至於太過份，同時食埋82M部車， 總好過攞77夾硬嚟，尤其係77仲要兼顧耀東。

但係講到呢度，可能你都sense到2號中環轉型做中環大坑循環線可能唔work，我上述提到盲點全部係鴨仔改線後所出現。

Busmtr 發表於 2020-1-5 01:30
關於愛秩序灣流水問題，無啦啦拉8H落水好似好怪，但係總好過完全真空，畀我會咁改：

小西灣↔柴灣站↔東區 ...

2號縮短放到5部車出來，一定係比較值得做，2號縮大坑主要係想新巴upgrade 4.3客
2號唔縮的話陰返去20分鐘一班，8H唔加2車，其實又唔係話唔得，而且對成個重組都冇乜大影響，只要2號返中環，大坑後經電車路補5X就可以

其實仲有2個解決方案，
A) 拉長18P去愛秩序灣
18P 堅尼地城->石塘咀->IFC->金鐘->金星->灣北->灣碼->東廊->太古城->東廊->愛秩序灣->鯉景灣->英皇道->原線
18P會一單長15分鐘左右，加派1部車都剛剛可以應付
不過6.8可以穿梭東西又係唔係新巴會做的事就難講

B) 2號東行改線，照去東區，但北角後上東廊直去愛秩序灣返轉頭
2號東行改，北角後上東廊直達鯉景灣及嘉亨灣，配合cut到20分鐘一班，其實依然可以減到3部車

2076 發表於 2020-1-5 02:16
2號縮短放到5部車出來，一定係比較值得做，2號縮大坑主要係想新巴upgrade 4.3客
2號唔縮的話陰返去20分鐘 ...

其實都好難成事，一嚟新巴好難畀18P只收6.8就可以愛秩序灣坐到堅尼地城；二嚟愛秩序灣唔會肯畀6.8流水服務，仲貴過2X...
做得愛秩序灣流水，意思即係話你條18P如果拉到愛秩序灣，就要由筲箕灣碌到炮台山先走到人。真係可以15分鐘內搞掂？我覺得好難，仲未計你條循環線做到咁長，可能要換司機，設定時點。

中環碼頭返炮台山北角，借18過橋都仲諗得過，但係愛秩序灣借18P就唔得喇。 個人認為特快線/半特快線應該做返自己角色，唔應該兩者溝埋一齊，模糊化路線定位，除非你條線已經快完再慢慢碌到總站，但係18P調返轉喎。