車長有的是訓練不足, 有的是認知不足, 有的是自以為是.
就上月底推輪椅搭W2由西九龍站返觀塘, 在上落客區上車, 埋站後車長話輪椅位放滿行李, 叫我一陣將輪椅擺開少少, 我一路唔明佢意思, 上到車又冇一個乘客搬開行李, 十幾對眼望實我, 我再同車長講「擺開少少」嘅意思, 係咪要擺走廊咁解, 佢竟然以為個輪椅人士識自己行去搵位坐, 然後我將部輪椅摺埋, 再放埋一邊.
聽完真係唔知好嬲定好笑, 佢真係假定十個有十個坐輪椅嘅都係為左方便老人家出行, 而唔係完全喪失活動能力.
最後先所有人夾手夾腳搬開D行李, 讓番俾輪椅泊位.
另一個案, 我先前已經講過, 灣仔推住輪椅等車, 車到站, 車長沒有示意車上有輪椅, 亦照樣好似平時主動打開斜板, 讓我推輪椅上車, 結果上到車發現有兒童輪椅, 其母沒有任何表示會摺埋輪椅, 而經過一輪溝通之後, 我決定推番架輪椅落車.
正常一架只得一個輪椅泊位的巴士, 只能容納一部任何款式的輪椅, 我一直唔明白車長會毫無意識地讓我推輪椅上車, 因為正常車長唔會容許嬰兒車在行車期間打開並載人, 即係車長已經知悉此為一部兒童輪椅, 並非一般嬰兒車.
認知不足我明白, 訓練不足就是公司及車長雙方的責任, 但自以為是就是車長的行為問題, 不能接受.
p.s. 每次有人開文講輪椅使用者問題, 我都長篇大論, 真的不好意思. |
樓主
