港鐵有冇可能做到個別車站不定時飛站嘅班次？

早幾個月港鐵多次出現飛站班次，例如遊行期間因為車站人流太多唔停銅鑼灣/天后站，封站時期由最初「只上不落」變成全部列車唔停站

一河之隔的深圳地鐵，為保障班次準時度，設有不定時飛站班次，尤其是繁忙時間，通常係飛走唔係轉車站兼人流比較少嘅站，如果港鐵效法深圳唔知可唔可行 另有啲月台難上車而又少人落車，如果同前車隔太耐，前面啲站已經上滿客，就算停站都難上車

點解會有咁個安排? 舉個例，繁忙時間2分鐘一班，太子去九龍塘車程4分鐘，如果有班車突然隔成5分鐘而又飛石硤尾，嗰班飛站車太子去九龍塘站就唔洗3分鐘，再下班車石硤尾正常停站，當隔返2分鐘，即係去到九龍塘嗰陣變返連續兩班隔3-4分鐘。

個人覺得如果有咁個安排，大窩口、長沙灣、石硤尾、牛頭角、天后、炮台山、九龍、車公廟、錦上路、金鐘(往荃灣方向)、油塘(往北角方向)等站/月台都係比較大機會被飛站，既然港鐵已經有「先例」，唔知有冇可能會開啲個別車站不定時飛站嘅班次？

牛頭角 炮台山 九龍係返工車站, 油塘(往北角方向)係轉車站, 飛站即係自打咀巴.

排班好，有能力管理好人流，令延誤處於可接受範圍，就唔駛飛站

EX-TL 發表於 2020-1-16 10:29
牛頭角 炮台山 九龍係返工車站, 油塘(往北角方向)係轉車站, 飛站即係自打咀巴. ...

係因為出帖時唔會專登分上下繁姐，如果呢幾個站飛站，個人認為下繁飛站好啲，相反長沙灣石硤尾錦上路等住宅區上繁飛站比較好

del

東鐵嗰種多一個月台都係
做中途起載/提前終點或用嚟
避讓城際直通車,如果飛站就算
有幕門可全速過月台,到站與站
之間都係無得爬頭而塞列車。

其實一旦有班車飛站，後車拉大咗間隔，又要再飛站
如果綠線上繁東行日日隔三兩班輪流唔停藍田、樂富、石硤尾，西行日日隔三兩班輪流唔停石硤尾、樂富、牛頭角，你係搭客感覺會如何

龜仔有Run遲哂大到嗰陣係直接安排另外一啲Run turn short再洗序，唔需要玩到飛站
大陸地鐵好多時無車序呢樣野，得車次，唔可以少開車次咪要飛站囉

kitarolo 發表於 2020-1-16 13:52
東鐵嗰種多一個月台都係
做中途起載/提前終點或用嚟
避讓城際直通車,如果飛站就算

咁其實直通車都算係特急不停站既一種
但其實都係快十分鐘都無

dogdog002 發表於 2020-1-17 00:28
咁其實直通車都算係特急不停站既一種
但其實都係快十分鐘都無

而且代價係用通勤班次
嚟犧牲……亦解釋咗其他
無呢種直通車嘅路線因為成本
問題,很少有第三或以上嘅月台。