有北區區議員動議擱置B7開辦

ATENU364TC196 發表於 2020-1-23 16:16
咁當年深圳灣做乜要讓地起口岸？咁大個位攞嚟做其他用途好賺好多喎

深圳灣口岸每年香港都要俾九百萬租金
直到高鐵開咗之後先變返象徵式租金
你計吓12年都講緊大陸賺咗成億
唔好講到人哋好似你咁好心俾香港
正如東江水一樣
我唔明啲人點解要講到要好感激大陸咁

ATENU364TC196 發表於 2020-1-23 16:22
大陸嘅空域的確有近70-80%係軍方控制，好多時去大陸嘅飛機delay都係可能因為空管，每15分鐘先有一部飛機 ...

事實就係全中國嘅航班升降量持續上升
你就講到廣東省附近好似得返香港一個機場
人哋都唔夠用仲要係好似上邊版友講過競爭者點解要俾你?

大陸就最着緊利益嘅
香港冇付出點解要俾你啊？
跑道維修主要集中係凌晨
呢個時候係航班升降量極小嘅時候 對運作冇影響
如果起三跑嘅原因係為咗比其他跑道可以維修
咁都幾兒戲

RH7685 發表於 2020-1-23 16:59
事實就係全中國嘅航班升降量持續上升
你就講到廣東省附近好似得返香港一個機場
人哋都唔夠用仲要係好似上 ...

其實空域航道問題應該係人為問題以非技術問題
珠三角多個機場互相都係競爭對手
要爭取更多空域航道都要睇航班升降量有幾多
如果冇三跑
大陸唔會無啦啦俾多啲空域航道你

依家起緊三跑
亦唔會咁快講定空域航道有冇新安排
其他機場都想用盡空域去推高航班升降量
香港憑咩得2條跑道嘅情況下大陸會預早優先劃定或放寬空域限制俾香港？

大陸好多政策安排唔殺到埋嚟都唔公佈
好似高鐵一地兩檢、港珠澳大橋免收費都係

而中央話支持香港起三跑做國際空運樞紐嘅話
其實都預咗會放寬空域限制俾香港
無論最終會唔會放寬
都肯定大陸無可能喺呢一刻就已經公佈空域安排

如果以依家空域限制嘅安排就推斷三跑完工後都係一定維持呢個安排從而反對三跑
其實某程度係自己將爭取放寬空域限制的機會拱手相讓俾深圳、珠海、澳門、廣州

除非香港自己心甘情願將國際航空樞紐地位讓俾國内外其他城市
香港人甘願自己個機場淪為二等城市機場
否則香港機場發展三跑道其實都係跟隨香港自己嘅發展趨勢
未至於要全盤否定三跑工程

ryandroid 發表於 2020-1-24 00:52
其實空域航道問題應該係人為問題以非技術問題
珠三角多個機場互相都係競爭對手
要爭取更多空域航道都要睇 ...

變成二線城市機場同香港將會被____超越呢個講法無異
十年前有人上海會喺2019年超越香港
2020第二個月就嚟到 2019香港都經歷社會動盪
但超越咗？可能空氣污染超越咗香港啦

你話俾空域嘅前設要香港起第三條跑道先
但係大陸係講過循序漸進俾空域
點樣循序漸進？幾個月？幾年？幾十年？
唔喺香港話到事喎
如果一直都解決唔到
實際處理到嘅只會由預計102班變成八十幾班

隨廉航發展
航班只會越來越多
有顧問公司預計三跑起好之後10年會飽和
到時可以點？起四跑？五跑？
有冇咁多空間可以填海？
定係到時又要拎競爭力呢樣嘢嚇香港人？

你唔同珠三角機場做整合或者喺香港起第二個機場根本解決唔到

RH7685 發表於 2020-1-23 16:42
你講到A31長安一定上到車咁嘅

坐開東涌線去欣澳轉B5...

RH7685 發表於 2020-1-23 16:53
深圳灣口岸每年香港都要俾九百萬租金
直到高鐵開咗之後先變返象徵式租金
你計吓12年都講緊大陸賺咗成億

如果塊地攞去做住宅/商業用途，收入點止咁少？

RH7685 發表於 2020-1-23 16:59
事實就係全中國嘅航班升降量持續上升
你就講到廣東省附近好似得返香港一個機場
人哋都唔夠用仲要係好似上 ...

如果只係夜晚維修可以解決嘅話，咁點解個proposal要起好三跑之後，分別去封南跑道同埋北跑道去維修？你覺得機管局唔想早啲開始三條跑道運作咩？
空域問題上面都有人答咗，根本係人為問題，阿爺吹雞有幾難？

RH7685 發表於 2020-1-24 04:44
變成二線城市機場同香港將會被____超越呢個講法無異
十年前有人上海會喺2019年超越香港
2020第二個月就嚟 ...

點樣同珠三角機場做整合？即係你想到時去邊度都要走上深圳坐飛機？去廣州坐飛機？

關於起多一個機場嘅問題，首先香港根本冇多餘嘅位置起機場，就算起好，航道位置根本一定同赤鱲角機場重疊，到時就變咗係技術問題，另外，如果一個城市有兩個機場，根本個定位唔清晰，亦都對「軸幅式」嘅航空交通網絡嘅實施有困難

ATENU364TC196 發表於 2020-1-24 09:43
如果塊地攞去做住宅/商業用途，收入點止咁少？

03年開放自由行之後
中港兩地人口來往頻繁
本身嗰個年代都要起多個口岸
既然都係要起
總有一忽地要攞嚟做過境設施
佢都預咗要咁做

ATENU364TC196 發表於 2020-1-24 09:41
坐開東涌線去欣澳轉B5...

原來青衣人真係記得有條東涌線
平時仲以為你哋喺平行時空
淨係會話東涌線上唔到車