有北區區議員動議擱置B7開辦

ATENU364TC196 發表於 2020-1-27 10:58
但無可避免嘅係事實有好多人唔敢返去，你講到話返大陸坐飛機咁好，咁我想問吓你自又敢唔敢返去？

市場裏 ...

我覺得香港有第三條跑道之外都應該考慮興建另一個機場，或者把現有其他設施民用化，以方便General Aviation、Commuter航空服務、私人飛機等使用

ATENU364TC196 發表於 2020-1-27 10:58
但無可避免嘅係事實有好多人唔敢返去，你講到話返大陸坐飛機咁好，咁我想問吓你自又敢唔敢返去？

市場裏 ...

今時今日就算有肺炎都有人死返上去拜年
識人喺上邊仲開緊工
尤其唔好唔記得香港好多新移民最鍾意就係返鄉下
你不如睇吓而家嘅水泉澳邨同安達臣人流多唔多？
我唔敢上去唔緊要
敢唔敢上去同上去搭飛機有冇着數係兩回事
有着數就大把人都會返去
的士陳而家仲喺上邊唱緊野狼Disco 你唔問下佢敢唔敢?
呢個就係現實

之前先識得話阿爺吹雞就乜都得
依家就喺度話又會驚整合唔到 技術唔得 政治上都唔得
原來就唔可以吹雞吹雞?
割空域俾香港等如自斷米路 倒不如有錢齊齊搵
先唔講佢會唔會甘心情願割俾你
點解你可以講到佢割空域有咁容易？你有冇諗過技術唔得 政治又唔得呢個問題？

係呀將來發生咩事都唔知
但唔代表一定要投資落一個無底深潭
高鐵就有樣你睇
而家嘅升降量其實都未用盡
但係遇着反送中 而家又有武漢肺炎 會唔會變成一個SARS都唔知
旅遊業 物流業就預咗大受打擊
跟住呢？冇人諗可以點樣處理

南丫島起機場並唔係唔可行
後邊就係遼闊嘅南中國海
東南方降落 起飛都做得到
航道嗰度唔係所有香港嘅飛機升降都要經西博遼海峽
影響未必太大
話晒都係香港自己嘅事
有咩事總好過要睇大陸面色
同埋唔好講到香港政府係咁弱雞
一日建制派過半 一日想幾時通過都得

機場定位嗰度 你不妨睇吓桃園機場同松山機場嘅定位
北京都有首都機場同大興機場 唔通佢哋都有問題？

香港的確係全民就業
你係講緊相可以增加就業機會
兩個機場比一條跑道唔係增加更多就業機會咩？

收稅嗰度都係用緊香港人嘅錢
你要香港人俾錢去起一個唔願意見到嘅基建出嚟?冇人想㗎
要人哋用其他機場？你叫人返大陸咋 咪又係同你第一個point自相矛盾
係喎 邊有人夠膽上去啫？
笑左

又係話唔起機場就會比大陸超越香港？
十年前有人話上海2019年超越香港？
而家2020 超越左未？
定係因為大陸仲停留緊係十年前要多啲時間先得？
上邊自己都自身難保 中美貿易戰都打到佢氹氹轉
侵侵係生意佬出身 佢要點樣玩都冇人知

呢個基建真係為香港好？
用緊嘅都係香港人嘅錢
請緊嘅都係大陸建築公司
大陸未超越香港之前 你已經進貢一筆錢上大陸


初三我都唔係好想同人鬧交
不過見你咁天真無邪 我就真係忍唔住

RH7685 發表於 2020-1-27 13:25
今時今日就算有肺炎都有人死返上去拜年
識人喺上邊仲開緊工
尤其唔好唔記得香港好多新移民最鍾意就係返鄉 ...

長洲南都話用嚟做重置貨櫃碼頭
但前提都要有明日大嶼起好之後再駁過去
但明日大嶼都被比好多人反對
何解南丫島南起機場又唔會被反對呢？
重點係去南丫島南就要經港島
港島交通仲未嫌多車
要塞更多人去港島係咪香港人樂見？
如果南丫島南起雙跑嘅話即係香港現有航班數目再double
你何來咁有信心香港可以一下開到咁多航班用盡最高容量而唔會俾人話大白象？

ryandroid 發表於 2020-1-27 14:51
長洲南都話用嚟做重置貨櫃碼頭
但前提都要有明日大嶼起好之後再駁過去
但明日大嶼都被比好多人反對

你講緊嘅嘢三跑一樣見到
唔通你覺得呢個政府真係會聽民意？
大嶼山淨係青馬大橋
機場鐵路一樣唔可以無止境咁加班
未來北大嶼一樣有發展
你都樂見有咁多車塞入去？

一時話唔想香港變成二線機場 一時就話香港唔會有咁多航班
三跑預計2030年飽和
到時係咪要四五六跑？

RH7685 發表於 2020-1-27 18:27
你講緊嘅嘢三跑一樣見到
唔通你覺得呢個政府真係會聽民意？
大嶼山淨係青馬大橋

依家政府咪起屯赤分流囉
嚟緊計劃仲有十一號幹線同青衣-大嶼連接路以至西部外鐵路走廊
北大嶼交通配套都改善緊
你仲拎塞爆青馬大橋講
多謝新年提供笑話一則

你嗰個南丫島南機場又點呢？
你講嘅選址係同廿年前嘅北大嶼一樣環境
但就因為偏離九龍嘅通勤路綫甚遠先由啟德搬去北大嶼
使機場不斷發展之餘又舒緩啟德一帶嘅交通
但南丫島南起完機場廿年後不斷發展就會做唔成已經好繁忙嘅交通進一步增加壓力？
又點樣喺港島以外連接九龍新界呢？
最重要係政府有冇諗過南丫島南起機場先
冇嘅話又憑咩覺得政府肯逆民意喺南丫島南起機場？

2030 年飽和？
到時咪做你嘅區域整合囉
機管局本身就係預香港機場主力做國際航綫
深圳機場主要做國内航綫
問題係港深機場西部聯絡軌道十年内都未有機會動工
區域整合又談何容易？
赤鱲角三跑嘅效益就係唔使得登花鉅額起基建去連接你個南丫島南機場

你吹南丫島南機場其實吹得好表面
不如你整個規劃圖俾眾多版友睇下你個南丫島南機場有幾咁把炮
要堅持起個遠離新界、深圳、珠海、澳門嘅南丫島南機場
去將機場車流塞爆已經稠密發展又難填海發展舒緩交通嘅港島
都唔利用北大嶼持續發展北嘅地理優勢去起三跑囉

RH7685 發表於 2020-1-27 13:25
今時今日就算有肺炎都有人死返上去拜年
識人喺上邊仲開緊工
尤其唔好唔記得香港好多新移民最鍾意就係返鄉 ...

你唔敢上去咁整合嚟做乜？整合完因為坐飛機要返去大陸，你唔敢返去所以以後唔坐飛機？

口口聲聲話要整合，問你點整你又講唔出，根本得把口，邊個天真？顯然而見啦

阿爺吹雞係乜都得，問題係唔知點整合嘅吹雞都冇用㗎

高鐵同埋機場根本係兩回事，高鐵係大白象冇錯啊，但係機場的使用量點會低？依家都有版你睇

第三條跑道個建設條數都封咗頂啦，乜嘢工程都話無底深潭......咁你咪繼續留戀係一百萬港元可以起到個啟德機場嘅時候囉

依家有飛機經過南丫島上空起飛，就已經唔可以再喺嗰度機場啦，呢個係國際嘅規定，一日仲有飛機使用呢條航道，一日都冇得用嚟起飛喎...

再撇除埋航道，你覺得泛民主派會過起第二個機場嘅方案咩？班人見到填海，又要起額外路同埋鐵路就即刻ban啦

依家第三條跑道冇用過納稅人一分一毫喎，點樣係用緊納稅人嘅錢？你唔坐飛機咪唔使俾錢囉......呢個基建咪就係最有效地維持香港自身優勢囉，你同大陸比冇用㗎喎，唔同吓新加坡比？

啲香港人跟住泛民行咋嘛，真係有用腦諗過咩？還好都有啲好似你咁嘅人會同人地討論下，不過有時有啲嘢諗清楚先，唔好乜都跟住人，淨係咁簡單叫你上網查下乜嘢叫做「軸幅式」航空網絡都唔查，你問吓十個香港市民，有幾多個噏得出除咗第三條跑道之外工程仲有啲乜嘢建設？空港城係乜嘢嚟我諗無人講得出...

既然你都認同要起多一個機場，即係你都覺得香港嘅航空運力需要提升啦，你講嘅起多一個機場理論上係可以解決問題，但實際上根本冇足夠位置起多一個機場，淨係南丫島都已經唔得啦

睇多啲資料先上嚟講嘢啦，唔好學埋泛民呢啲共產黨A隊咁樣危言聳聽先得㗎，作為香港人，梗係想香港嘅經濟地位超越其他地方㗎啦，點解要拱手相讓將自己嘅地位送俾其他地方？人哋反對你跟住反對，鬼到...

ryandroid 發表於 2020-1-27 19:11
依家政府咪起屯赤分流囉
嚟緊計劃仲有十一號幹線同青衣-大嶼連接路以至西部外鐵路走廊
北大嶼交通配套都改 ...

我都好想睇佢哋畫一幅圖

喺南丫島喺機場之後起飛又唔得，降落又唔得......

呢個就係真正嘅「大白象」啦

ryandroid 發表於 2020-1-27 19:11
依家政府咪起屯赤分流囉
嚟緊計劃仲有十一號幹線同青衣-大嶼連接路以至西部外鐵路走廊
北大嶼交通配套都改 ...

屯赤對九龍同香港島冇咩用

//嚟緊計劃仲有十一號幹線同青衣-大嶼連接路以至西部外鐵路走廊//
政府而家只係擺咗上立法會撥款研究
隨時都可以唔起 唔信你睇吓東九龍線
你將一啲計劃緊嘅嘢就當係做咗？
機場鐵路嗰度點搞 東涌線載客量飽和 受制於青馬大橋設計 可以無止境咁加班？
你講緊嗰啲唔知咩鐵路走廊 就算而家動工 冇十年都用唔到 何況話10年後三跑已經飽和
到時分流啲咩？

搬機場去赤鱲角所以舒緩到啟德一帶交通？
我就住啟德附近嘅
太子道東同世運迴旋處每日都塞到2046 根本就唔關事
只係啟德唔夠用先要搬

政府每隔幾年就會有啲騎呢嘅基建提出
董建華年代有數碼港
最近先有明日大愚
遲啲真係有南丫島機場都唔出奇
有民航處前處長已經提出過
佢有提出過≠一定要做
佢冇提出亦唔代表唔會做
你都成日講以後嘅嘢邊個知

逆民意所以唔做？一句到尾好似你咁講可以提升競爭力已經十萬個理由要做
唔好玩啦 呢個政府唔係民選 佢話之你死都得

ATENU364TC196 發表於 2020-1-27 21:36
我都好想睇佢哋畫一幅圖

喺南丫島喺機場之後起飛又唔得，降落又唔得......

我又好想知三跑對香港有咩好處
未傾好空域問題之前 可以有咩作用？
我淨係知AA規劃唔會長遠得去邊
T2用咗12年就拜拜

仲有你之前話香港好多人唔敢返大陸
睇返入境處數宇
年三十加年初一加埋都有30萬人去大陸或者澳門
呢啲就係你所講嘅唔敢返大陸？

ATENU364TC196 發表於 2020-1-27 21:34
你唔敢上去咁整合嚟做乜？整合完因為坐飛機要返去大陸，你唔敢返去所以以後唔坐飛機？

口口聲聲話要整合 ...

點解你可以講到我影響力咁大？
我唔去係我嘅事
但係其他人上唔上去係佢哋嘅事
上得去搭飛機都係為咗平嘅啫
就算唔做整合而家都大把人上咗去搭
定係你選擇性失明？

上面做嘢有時話推就推 好似你話要吹雞 佢都可以冇咩理據咁就吹
你幾時見到大陸做嘢要講理據？
好啦一味淨係話10年後發生咩事冇人會知
另外就話阿爺會吹雞
上面深圳起緊3跑
人哋唔通唔使要空域？
軍管空域點解你又唔提？
你咪試吓同上面講
國家安全擺第二 香港利益放第一
喂我都想啊 佢有咁為香港人 香港人都唔使走上街頭啦
事實唔係呀嘛
好啦講國際標準
你就話唔可以重疊
三跑航道正正就係同澳門機場同埋深圳機場跑道嘅航道重疊
國際民航組織有講重疊嘅間距最少應該有1000英尺
將來香港深圳兩條三跑航道距離只會越嚟越短
你依家係想攞乘客條命玩定係注重經濟其他置之不理？

你講嘅嘢好似蔡英文一樣
人哋就講亡國感 你就講經濟好唔好
但係台灣真係面對緊非常迫切嘅問題
而家上面肺炎 而家持續唔知幾耐
經濟好極都有限
同埋上面好擅長谷GDP
GDP高過香港就代表經濟好咩？
人均咋喎 兩對貧富懸殊差距極大唔通又話你知咩

泛民係B隊就不嬲
但人哋都會扮吓嘢維護香港利益
你呢啲直頭係賣港

上海超越左香港未？

你繼續迴避緊我 繼續啦