有北區區議員動議擱置B7開辦

ATENU364TC196 發表於 2020-1-27 21:34
你唔敢上去咁整合嚟做乜？整合完因為坐飛機要返去大陸，你唔敢返去所以以後唔坐飛機？

口口聲聲話要整合 ...

封頂？之前先講緊唔夠海砂 要周圍撲嚟撲去喎

你話納稅人唔使出錢嗰度我好有懷疑
相關政府設施唔使錢？
請人 保養唔使錢？

定係你只係咬緊社會資源 納稅人使唔使俾錢根本唔關你事
政府話咩你就支持咩嘅港豬？

DEL重覆恕刪

RH7685 發表於 2020-1-28 05:59
屯赤對九龍同香港島冇咩用

//嚟緊計劃仲有十一號幹線同青衣-大嶼連接路以至西部外鐵路走廊//

你自己都講2030 會飽和嘅話
而大陸嘅區域融合又唔係香港話事嘅話
咁即係當年2015年拍板起三跑係有迫切性啦

你講一個赤鱲角機場就話塞爆青馬大橋
又話機場快綫又冇得加班
咁就即係機場發展會帶來大量嘅車流、人流
當年啟德機場竟然冇加劇啟德交通擠塞嘅問題？
你諗下你自己講嘢合唔合邏輯啦

啟德多車問題根源係市區人口密集
但將機場車流轉移咗去大嶼山後確係大幅減少咗啟德路面去機場嘅車流
只係新界人口不斷增加兼東九龍又不停發展才會持續擠塞
但搬機場換來嘅係呢廿年去機場嘅主要路段都唔使點塞
更有效連接貨櫃碼頭、陸路口岸
加速咗機場發展嘅規模

而你嗰個南丫島機場係主要駁去港島西
係本來塞車嘅路段再引機場車流人流係咪想港島交通攬炒？
你都識講三跑飽和就要搵位起四五六跑
咁南丫島機場起一二三四跑點樣解決交通問題？

你又話政府可以唔聽民意起你個冇任何政府高官提過嘅南丫島機場
甚至「政府每隔幾年就會有啲騎呢嘅基建提出。。。
遲啲真係有南丫島機場都唔出奇」
政府真係有提嗰啲大嶼山基建你又話可以隨時唔起
根本就係喺度搬龍門
係啊
政府可能真係唔知邊年就提南丫島機場㗎
不過講完就「隨時都可以唔起」
你話係咪先？

根本南丫島南機場只係幾廿年前多個機場選址之一
起完赤鱲角機場係冇人再提
除咗某個姓張嘅智庫提出南丫島起機場之外
我真係搵唔到政府高官同「民航署前署長」提過南丫島南機場作為三跑嘅替代方案嘅資料
你搵到share 出嚟睇下啊
唔好話我搵唔到唔代表高官冇諗過
講嘢都講證據唔係齋吹

我講埋俾你聽
我冇反對南丫島起機場
但前提係確實咗明日大嶼之後
南丫島南有配套條件繞過香港九龍
經明日大嶼直達新界、陸路關口以至赤鱲角機場
咁先有可能喺南丫島南起機場
不過明日大嶼「啲騎呢嘅基建」只係「擺咗上立法會撥款研究
隨時都可以唔起」
十劃都未有一撇㗎
南丫島機場「啲騎呢嘅基建」廿年内起到都偷笑

你都承認赤鱲角機場使用量只會只升不跌
赤鱲角機場起三跑都會好快「2030 年飽和」
南丫島南機場到依家連「擺咗上立法會撥款研究
隨時都可以唔起」嘅機會都冇
遠水點樣去救近火呢
依家當然力推三跑救急先啦

你講嘅「珠三角機場整合」係需要有基建呢啲硬件去搞
亦即係最基本要有港深機場西部聯絡軌道
唔係你講「上面做嘢有時話推就推 好似你話要吹雞 佢都可以冇咩理據咁就吹」咁簡單
另外都要有十一號幹線俾香港島有陸路更快捷去到深圳機場
不過你又話「連擺咗上立法會撥款研究  隨時都可以唔起」咁囉

大陸要搞大灣區發展
放寬空域限制俾香港三跑
其實係唔需要任何硬件去改政策
其實都係「上面做嘢有時話推就推 好似你話要吹雞 佢都可以冇咩理據咁就吹」
我就建議你你就唔好咁快擔心空域問題
三跑唔起都起緊
你點樣反三跑都改變唔到事實

專心啲研究你「啲騎呢嘅基建」南丫島南機場同埋
就算「擺咗上立法會撥款研究  隨時都可以唔起」嘅基建配套好過啦

ryandroid 發表於 2020-1-28 13:27
你自己都講2030 會飽和嘅話
而大陸嘅區域融合又唔係香港話事嘅話
咁即係當年2015年拍板起三跑係有迫切性 ...

有迫切性不過起嚟冇用
你講到赤鱲角配套有幾好
但係地理位置已經係死症
南邊係山 同深圳機場澳門機場呈三角形
航道冇可能冇重疊
點解你可以一廂情願覺得上邊會批空域俾你？
點解人哋一定要俾你？
點解一定要用政府嘅方案唔可以諗其他方案？
點解2030都會飽和嘅時候點解唔而家做整合
當初赤鱲角都係一個荒島 一樣有人反對冇配套
而家呢？

改變唔到就唔可以反對？
俾人打到就嚟死嗰陣係咪叫人繼續打唔好停？

RH7685 發表於 2020-1-28 14:50
有迫切性不過起嚟冇用
你講到赤鱲角配套有幾好
但係地理位置已經係死症

原來係港島南起機場
咁仲死啦

北大嶼仲有十一號幹線同屯赤呢啲已經研究多年嘅基建
屯赤雖然唔關市區事
但直接分流元朗、天水圍、元朗及北區以至陸路口岸嘅車流人流
減輕汀九橋及青馬大橋嘅負荷
十一號幹線係可以「隨時唔起」
但「唔通你覺得呢個政府真係會聽民意」唔起十一號幹線？

港島南起機場嘅話
喺唔加重現有道路擠塞嘅問題下
維港邊度起多條雙程三綫隧道再穿山去南區又過海去個港島南機場人工島？

港島南定南丫島南起機場
地理位置又會完全冇問題嘅？
如果跑道整東西向09/27
都要削咗蒲台島同南丫島南嘅山之餘
不會同赤鱲角07/25嘅航綫有衝突咩？

如果跟赤鱲角整07/25嘅赤柱同鶴咀半島就一定要削走
嗰度仲要喺石澳郊野公園範圍
起機場可以求其喺地圖點出嚟
唔理地理環境同車流人流㗎咩？

如果港島南/南丫島機場起雙跑但原來同赤鱲角一樣受限制
甚至低過赤鱲角機場現有每小時最密68 班航機嘅話
你嗰個就更加係大白象
而家三跑預計最密每小時102 班機
雙跑起多一條跑道都可以有維持多50%嘅能力仲想點？
你何需理會新跑道係咪只可以降落？

你可以繼續研究區域融合、研究嗰啲「隨時唔起嘅」港深西部聯絡軌道及十一號幹線
我都讚成依家開始研究
但可以同興建三跑同時進行
三跑同區域融合係冇衝突嘅

區域融合唔係反對三跑嘅理由
做得區域融合就會包埋航道安排
有航道安排就有空域限制調整
所以現時嘅空域限制亦唔係反對三跑嘅理由
而你只係沒有根據地去假設空域限制恆久不變

你有本事就吹到港島南/南丫島機場點樣可以一千億起好雙跑道、客運、後勤、鐵路、道路
而預測新機場如何不受地理限制而可以高過赤鱲角嘅航班量
我咪繼續陪你吹囉
最好吹到好似以前高鐵錦上路替代方案有哂圖文並茂及數據
我先有得同你慢慢研究
否則你由始至終都係假大空

RH7685 發表於 2020-1-28 06:02
我又好想知三跑對香港有咩好處
未傾好空域問題之前 可以有咩作用？
我淨係知AA規劃唔會長遠得去邊

香港有七百萬人，我假設有一百萬人肯返，咁剩低嗰六百萬點樣處理？何況你都未同我講到點樣整合...

RH7685 發表於 2020-1-28 06:38
點解你可以講到我影響力咁大？
我唔去係我嘅事
但係其他人上唔上去係佢哋嘅事

咁即係整合左之後你就成世唔坐飛機？係至好啊，唔使架飛機為啲廢物排放廢氣

講咗幾次，之前機管局要求嘅係管埋廣州一帶，人哋梗係唔理你啦，依家淨係話要埋好少嘅深圳上空，根本唔同講法，你又喺度混為一談

你有冇睇我上面講乜嘢？三跑起飛如果行大埔上面離開嘅話係不構成同其他空域相撞，亦都唔關澳門事，依家要做嘅嘢就係將深圳嘅起飛跑道向北移少少，已經搞掂晒所有嘢

上海超唔超越香港有咩關係？三跑興建得益嘅係香港人，唔係上海，成個建設同上海有咩關係？如果上海永遠都唔發展，香港係咪只係但求超過上海？同上海一樣停滯不前？你冇需要攞其他地方黎比喎，需求就喺度，得益就喺度，有咩問題？

邊個賣港？我支持三跑建設維護香港自身優勢，香港有咁大嘅得益，都係賣港？抑或是係反對香港維護自身優勢嘅人賣港？

RH7685 發表於 2020-1-28 06:43
封頂？之前先講緊唔夠海砂 要周圍撲嚟撲去喎

你話納稅人唔使出錢嗰度我好有懷疑

海砂不嬲都係用緊招標制度，邊個地方平嘅咪用邊個地方㗎囉，我認同要加強監管，不過超支都冇辦法㗎，更何況如果真係超支，香港人一毫子都唔駛俾㗎喎
你自己睇返成個工程納稅人使唔使出錢，知唔知乜嘢叫做「機管局」？機場運作用緊邊個嘅錢？咪就係機管局囉

淨係識話人係港豬，然後自己連機場開支係邊個埋單都唔知，真係盲反到反壞腦

ATENU364TC196 發表於 2020-1-31 15:07
香港有七百萬人，我假設有一百萬人肯返，咁剩低嗰六百萬點樣處理？何況你都未同我講到點樣整合...
...

整合≠所有人都要上返去搭飛機
同埋七百萬人口就等於七百萬人都要搭飛機？
其他口岸起嚟托？

RH7685 發表於 2020-1-31 18:39
整合≠所有人都要上返去搭飛機
同埋七百萬人口就等於七百萬人都要搭飛機？
其他口岸起嚟托？ ...

咁不如你同我講吓「整合」點樣做？你不斷喺度講整合，但又唔講實際點樣做...