del

del

K聽聞因為地質問題已經廢左。其他項目預計G會最快搞掂，AFH要睇發展時間表，BDE睇議員牙力，CIJ似乎真係唔算急。

屯門南延線同北環線 (包括古洞站) 工程難度最低, 政府睇黎已經有晒計劃可以放上立法會討論, 程序上可以最快上馬
東涌西延線同東涌東站係同一個package, 純粹以工程難度黎講都係較容易起到
洪水橋站就似乎要跟洪水橋發展第二期同步先會有, 但相信問題唔大

不過屯馬線 (東西線) 太擠迫個問題未有解決方案, 都有可能令屯門南延線/洪水橋站/北環線需要整合處理
加上非RDS-2014項目如東大嶼發展中的鐵路網絡都會影響整個佈局, 亦會令新界西北鐵路發展埋下變數

北港島綫就係黨鐵自己想起先
幾次響立法會或者自己聲明講過覺得應該調北港島綫去時間表前面起先
東鐵過海都一波三折
如果會展站順便預備埋起北港島綫月臺都幾好

znc1911e 發表於 2020-2-17 11:00
北港島綫就係黨鐵自己想起先
幾次響立法會或者自己聲明講過覺得應該調北港島綫去時間表前面起先
東鐵過海都 ...

會展站係會起埋北港島線月台, 概念圖係見過會用假牆封住

其實，加得東涌西（滿東果邊？）
東涌東加站應該會一齊做去慳成本(A+B)
屯門南與洪水橋同理(F+G)
北環及古洞亦同理(H+I)，但依次序似係(F+G)(最有可能2030年前完成)>(A+B)>(H+I)
至於C，應該會做的，但2030年前難料
兩套系統用邊套(或者用荃灣線果隻新訊號)係其中一個問題
而工程技術要求亦非常高
估計會等東西線正式營運後先會有消息流出
(西馬訊號同源，如車務運作順利相信會好好參考)

D,E如果出HKU機會不大，但駁黃竹坑則估計會做到去數碼港
不過同樣2030年前難料

樓主講緊新東九龍線？因修正系統指的東九線就是失蹤多年的屯馬一/二期
如果係，就最冇吸引力，應該冇機會

K無乜可能，東鐵過海點會唔一次過做埋？


題外，
1. 將SIL(W)由HKU延長並直接到CEN會唔會更有效分流SIL?
2. WCH P1其實是SIL(W)的路軌嗎?
總係覺得其實仲有一條路響P1南向左邊牆後
留待西段通車後轉行果條路入海怡...
3. D/E行黃竹坑再出ADM，與SOH聯合班次有何意見？
4. 北環線（錦上路新月台－落馬洲）改成錦上路－古洞－上水－大埔/沙田
會否更有效益？

joesiu27 發表於 2020-2-17 14:41
其實，加得東涌西（滿東果邊？）
東涌東加站應該會一齊做去慳成本(A+B)
屯門南與洪水橋同理(F+G)

新東九龍綫同北港島綫反而覺得比較重要，因為對市區塞車有幫助。

依家繁忙時間將隧同清水灣都會塞車，新綫除左可以舒緩，仲可以加大沿線（例如安達臣、四順、康翠）嘅發展密度，彩興路、石礦場、康翠附近亦有大幅地可以賣嚟補貼起鐵路，相信比地叫MTR自己起都有利可圖。

北港島線就蹉陀左咁耐，將來東大嶼線如果只到堅城，就更加要多條線分流。

至於新界果堆，相信都係連同相關發展區一齊起。

joesiu27 發表於 2020-2-17 14:41
其實，加得東涌西（滿東果邊？）
東涌東加站應該會一齊做去慳成本(A+B)
屯門南與洪水橋同理(F+G)

黃竹坑站已經取消左同SIL(W)的跨月台轉車安排
而黃竹坑站以西高架橋係高度上亦同樣無預留

大家認為以上哪些項目可在2030年或以前完成？

另外，大家認為這個項目能否提前於2030年或以前完成？歡迎討論！

如果係講完成/完工﹐我就非常不樂觀。

2030年﹐剛剛好有十年時間。

十年好似好長﹐但係仲未有一條落實去起。
沙中線一日未完工﹐我估一日都唔會落實任何一條新線。

講到尾﹐沙中線一鑊粥﹐之後的新工程立法會一定唔會順灘去通過﹐除非係MTR自己全資去起﹐政府分文不需支出啦。

講下之後工程用什麼形式去起(eg. : 政府出全資起﹐租給MTR營運)﹐係唔係比MTR自主去起﹐點去監管...... 起碼講一兩年。

好啦﹐講好日後用什麼形式﹐監管等問題。
之後再開始審理﹐落實走線﹐批錢。
這些又講幾年。

最後﹐十年入面就淨番二三年實際施工時間。
最簡單的純粹洪水橋/古洞加站就可以﹐其他就....... 做到你都要想想有無偷工減料。

如果真係沙中線一日未完工﹐一日都唔會再去考慮任何新線﹐就會連二三年的施工期都無埋。
到時就真係乜都做唔到﹐有路線/車站開始動工已經可以還神。

東涌西好大機會要o係東涌河口一帶填海，要睇環評