為何馬鐵延長只揀鑽石山站為轉乘站但黃大仙一帶卻忽略？

睇地圖擺明係後者順路過前者。
係咪港鐵預左要重視沙田區來往觀塘區既效率有關？

仲有竹園道都係特登忽略左冇整站。

del

Lyt_Kondisc 發表於 2020-2-17 14:21
最主要原因係因為屯馬線隧道要喺現有觀塘線隧道下方穿過，造成顯徑站月台同鑽石山站月台兩者高低差距太大， ...

有一個更簡單的解釋﹐就係黃大仙站的2邊都唔可能做擴建新月台。

而現有月台下面再加建﹐技術難度亦大大增加。
工程期間會唔會影響到龍翔道這條要道﹐都係未知之素。


相反﹐鑽石山就2邊都有空間﹐車站本身有預留。
官方解釋唔用預留位做新月台﹐係因為做擴建時﹐無可避免大幅度影響龍翔道﹐會嚴重影響成個東九龍的交通。
當獅隧進行大修期間﹐本身已經會令到大塞車﹐再加埋沙中線鑽石山站擴建﹐情況會不堪設想。

註: 當時同一時間係有計劃獅隧做大修﹐後來因為正式落實沙中線動工﹐才押後去到沙中線通車(現時的屯門線)才開始動工。

而傍邊有一大塊空地(前大磡村)﹐用來起列車暫存﹐還是現時的車站﹐技術要求好低﹐完全沒有難度可言。


試問﹐一個好高難度﹐一個容易得多﹐你又會點處理?

九鐵方案最初係行慈雲山而唔係黃大仙
出過街嘅走線無一個係用黃大仙做轉車站

eternalflame 發表於 2020-2-17 14:57
九鐵方案最初係行慈雲山而唔係黃大仙
出過街嘅走線無一個係用黃大仙做轉車站 ...

因為黃大仙真係唔知點去擴建做轉車站。

就算係附近位置﹐駁條好長的轉車通道﹐都好難搵合適位置建車站。

呢條問題﹐真係要樓主講下有什麼可行方法去做啦。


至於慈雲山站﹐我估計近一兩年才做設計﹐係有機會出現的。
但係﹐當年仲未解決到消防問題﹐所以要放棄慈雲山站。

kei_hk 發表於 2020-2-17 15:05
因為黃大仙真係唔知做擴建做轉車站。

就算係附近位置﹐駁條好長的轉車通道﹐都好難搵合適位置建車站。

雖然西港島線打破左山入面興建車站的技術限制
但車站只有一面係用高速升降機, 另一面點都係接近海平面有車站出入口
慈雲山站附近管道點都係要將就觀塘線管道而係下方經過
所以成個車站都需要高速升降機連接大堂同地面出入口
有無消防上面限制就真係要相熟嘅版友告之

就算唔睇環境限制，單從網絡效益而言，用黃大仙會太近九龍塘（新界東＜＞九龍東），又離觀塘太遠（觀塘＜＞土瓜灣）。

鑽石山可以話係一個compromise，黃大仙太西而彩虹太東，加上一早已有預留（即使唔用預留月台，鑽石山的觀塘綫月台及大堂都闊落過黃大仙，成個網絡在1967年的研究已經成形），工程上較為適合。

kei_hk 發表於 2020-2-17 14:36
有一個更簡單的解釋﹐就係黃大仙站的2邊都唔可能做擴建新月台。

而現有月台下面再加建﹐技術難度亦大大 ...

題外話，有網友（唔係我）提出可以用大磡村做龍翔道嘅臨時改道，噉就可以用返預留位

吳宗錡 發表於 2020-2-17 15:26
題外話，有網友（唔係我）提出可以用大磡村做龍翔道嘅臨時改道，噉就可以用返預留位 ...

主要問題係要由70KM/H 減到 50KM/H﹐實際行車仲會因為改道問題而更慢。
這就會引起嚴重的塞車問題﹐成個東九龍都可以出事。

好耐之前已經有舊文探討過﹐鑽石山站2邊都有行車天橋。
車站頭尾2邊同天橋的距離唔係好長﹐臨時改道就要轉急灣﹐盡量加大車站施工範圍﹐直接降低車速。

eternalflame 發表於 2020-2-17 15:09
雖然西港島線打破左山入面興建車站的技術限制
但車站只有一面係用高速升降機, 另一面點都係接近海平面有 ...

或者我應該修正去講﹐今時今日或可用其他方法去處理消防問題﹐變相有起車站的可能性。