【資訊】東九龍線計劃的最新消息

1.對科大站有保留
2.寶琳站接將軍澳線作用大於另設寶琳北
3.應該再東延至奧運／南昌站，途中可加設新站點放便更多人士，如旺角南站，九龍醫院站，九龍城站等

秀茂坪站同順天之間，應該兜一兜去曉麗苑/樂華南邨/詳和苑之間個康寧道公園附近設新車站，順天站搬上啲去順安邨，樂華至曉麗苑嗰頭其實都好大交通需求，裕民坊堆小巴人龍真係可以好長

以下純屬個人意見 (未來延綫)

建議1:
(科大->) 寶琳->康盛->秀茂坪->順天->彩雲->鑽石山->九龍城(近寨城公園)->九龍醫院(亞皆老街,近天光道)->加多利山(亞皆老街/窩打老道交界)->京士柏(九龍華仁對出/連接油麻地站)->九龍站(空置月台)

建議2:
(科大->) 寶琳->康盛->秀茂坪->順天->彩雲->彩虹(順向跨月台)->啟德(順向跨月台)->九龍城(界限街或亞皆老街/近世運花園/與宋皇臺站連接)->加多利山(亞皆老街/窩打老道交界)->京士柏(九龍華仁對出/連接油麻地站)->九龍站(空置月台)

建議採用重鐵+傳統車廂，以便車務調動

係真係起? 見新聞近排日日有

BOEY2010 發表於 2018-1-21 23:25
係真係起? 見新聞近排日日有

RDS-2014項目最早個批，港鐵亦已經交左計劃書，只係睇下政府幾時展開諮詢而已

有無乜野最新消息？幾時開始資詢之類。

eternalflame 發表於 2018-1-22 10:25
RDS-2014項目最早個批，港鐵亦已經交左計劃書，只係睇下政府幾時展開諮詢而已
...

D議員係屋村附近搞簽名支持

係咪即是諮詢緊??

RDS-2014項目最早個批<--(咩意思? 即是尼個 PROJECT 係必定會實行?)

2019-2025係落成日期定還是係開工日期???


當決定了起咩站,下一步係撥款???我見南港島起了7年??


東九其實,2025有無可能?

THX

BOEY2010 發表於 2018-1-23 17:57
D議員係屋村附近搞簽名支持

係咪即是諮詢緊??

諮詢係由政府開展, 步驟係行政會議要求港鐵開始就某項目進行初步規劃同設計, 屆時先會有政策局向立法會鐵路事宜委員會同項目經過地點的區議會展開諮詢
故你見到議員搞簽名運動, 只係希望利用民意去加快政府將項目開展諮詢嘅速度, 並不是已經開始左諮詢

RDS-2014係規劃類文件, 屬於政府根據顧問公司報告、現有同規劃數據等等, 得出係2031年前應該發展嘅鐵路項目
係RDS-2014出現的建議項目不一定會落實興建 (如RDS-2000的港口鐵路線), 亦有可能出現其他項目 (如南港島線非RDS-2000的建議項目)
2019-25年呢個窗口係叫做「初步建議落實時間」, 文件標示為「指項目可能施工至竣工的時期」
東九龍線係屬於2019年起始的那一批, 可以理解為路線會係個7年之內開工

整個鐵路項目流程係MTR Journals最新一期有專門介紹:

由提交可行性建議書到政府開展諮詢需要2年時間, 中間約需要花1-2年時間進行地區諮詢、修改計劃、擬定最終方案、做環評等
當最終方案出爐而環評報告通過, 先可以交立法會審議同作撥款, 再之後先開始建造
根據呢個流程, 東九龍線建議書係舊年7月先交上政府, 最快都要2019年內先開展諮詢, 順利的話2021-22年先至動工
因為唔知道最終個項目有幾複雜, 好難講25年是否能夠通車了

21年先動工，25年邊可能全線通車????