【資訊】東九龍線計劃的最新消息

Lyt_Kondisc · 發表於 2020-3-4 11:45

本帖最後由 Lyt_Kondisc 於 2020-4-4 23:23 編輯

del

ViviTse · 發表於 2020-3-5 18:14

matthew1009 發表於 2020-3-1 22:10
我喺隔離個Post入面有講到我自己畫嘅東九龍綫，整合後send出嚟：

東九龍綫係黃色嗰條(我改咗張圖少少，所 ...

你幅圖真係畫得好pro

不過可能係畫緊far future ge路線圖(e.g. 2050 or 2070年打後)?
雖然咁耐之後ge需求好難估計，但都有幾樣想講講：
- 青山線同東九龍線似乎唔使齊齊扯入西貢掛（九龍城已經有得互轉）
- 東九龍線應該唔使過海掛（旺角用荃灣線、九龍站用東涌線）
- 東北線果個行法似乎唔太順路，我意思係美孚兜去紅梅谷客量唔知啦，但至少都應該會停停顯徑掛
- 赤柱線唔去調景嶺站，康城陣間又反枱

- 油塘<>鰂魚涌段仲係得一條綫可能唔夠載
- 屯門四線各自停一set站好似不及一線做轉乘好wo

anyway 真係畫得好靚，其實係用咩software畫㗎

matthew1009 · 發表於 2020-3-5 19:57

本帖最後由 matthew1009 於 2020-6-27 22:53 編輯

ViviTse 發表於 2020-3-5 18:14
你幅圖真係畫得好pro 不過可能係畫緊far future ge路線圖(e.g. 2050 or 2070年打後)?
雖然咁耐之後ge需 ...

我唔pro㗎，只係會搵吓立法會文件或者環評報告嗰啲咁樣去睇。雖然我2015年就註冊咗account，但係我第一次出聲係今年1月嘅事。

Software？萬物皆可小畫家！

「青山線」同「東九龍綫」嘅「九龍城站」起喺石鼓壟道遊樂場地底，V字交匯，轉車安排唔好；另外係觀塘綫沿線車站冇一個適合做轉車站，所以一齊入將軍澳。
「青山線「沿住啟德機場跑道地底下，喺跑道區入面冇辦法爬出地面去觀塘站做交匯，而地下又有觀塘道下通道，所以唔可行。而「茶果嶺站」係位於現有麗港公園嘅地底，通過超長通道連接到藍田站，轉車安排唔係幾理想。所以拉上去將軍澳，以寶琳為總站(希望可以重建寶琳站，撳返將軍澳線月台落地底，然後用寶豐路做明挖，起兩層月台做上下層轉車)，就可以用將軍澳綫屈返返去(雖然係麻煩)。呢個方案亦都可以令翠屏有鐵路。(定係屈去藍田山上面好啲？)
「東九龍綫」去旺角係做東西九龍嘅連接。另外講一講點解唔喺去油麻地站，係因為做唔到旺角西站。(Optional，原本喺海泓道地下，但係要將高鐵隧道改道，所以聽咗版友嘅意見改喺櫻桃街公園，咁樣嘅話同奧運站嘅重疊減少咗，可能仲好；擴建太子站係另一件麻煩事，要改太子道西天橋嘅樁柱，所以諗緊係咪又要改西北綫同東九龍綫嘅路線，兩線喺旺角之後嘅路段要向北移)
過海則係Optional方案：過海隧道會打直插喺現有嘅康樂花園同天星停車場地底，然後通過深層隧道，經過香港公園地底，去到位於莊士敦道地底嘅「東九龍綫」灣仔站，再入埋跑馬地都冇問題。呢條線其實係同東涌綫平衡，令到機鐵西隧可以做到「四綫」。另外仲有個方案就係觀塘綫經黃埔拉過海去炮台山：等黃埔花園重建嘅時候，將黃埔站擴建成島式月台，然後將何文田站後面嘅掉頭路軌一直延伸到黃埔，跟住一齊拉過海，炮台山站跨月台轉車。
「東北綫」唔順路嘅原因主要係出於服務山上面嘅水泉澳，呢條線亦都有參考沙田綫(1967)。睇落可以加多個顯徑。
「赤柱綫」去唔到調景嶺站係因為調景嶺站改建嘅話成條翠嶺路會冇咗。(嗰陣未諗到點畫，但係依家諗到可以將大堂外推出去，然後下面做月台)。而家設定中嘅將軍澳轉車站係寶邑路地下，路亦都要收窄，將軍澳綫大堂向外推去喺扶手電梯落一層(觀塘綫掉頭路軌同層，掉頭路軌後面嘅空間會做轉車通道)去赤柱綫大堂，再落一層喺月台。呢個設計就等同而家分開三個站體嘅鑽石山站一樣咁災難。
康城嘅居民一定反枱：停三個站過海變成四個站，仲要只係去到杏花村，連港島東商貿區都去唔到；「赤柱綫」設定上用6卡車，所以運載能力又縮咗水，冇咗直達車過海，原本係將軍澳站同月台轉車就變成要行上行落，唯二嘅好處係全日都有頻密班次(95s+)，唔使等穿梭列車；另外仲少咗條支線。
東隧就點都唔夠載㗎啦。不過依家又諗到赤柱可以拉去油塘站，係現有油塘站向靠山嗰邊推出去，起多個月台同大堂，可能咁樣拉到啲人用過海掛？
屯門有四條綫：「青山線」行龍鼓灘填海區，所以唔關事。「西北」行新墟青山公路嗰帶；「東大嶼線」行龍門路嗰邊，再加埋現有屯馬綫，可以分流輕鐵乘客。但係「東大嶼線」同「西北線」嘅洪水橋站係喺青山公路隔離，同屯馬綫嘅洪水橋站爭好遠，兩個站之間會打斜夾住一個高鐵站。(大家都好似想喺紫田村嗰邊加返個站？)
你可以喺你個post《修訂東九龍綫及東西綫走線》嗰度搵到地形圖。

阿偉 · 發表於 2020-4-4 16:04

點解唔擺白石角或康城，要擺科大?

mak5052 · 發表於 2020-4-4 16:23

本帖最後由 mak5052 於 2020-4-4 16:24 編輯

政府在明日大嶼願景中的鐵路網絡的長遠構想中, 有由九龍西部去東大嶼, 及由東大嶼去東涌方向的路線, 如果將這組走廊, 接通東九龍線, 形成將軍澳 - 鑕石山 - 太子 - 南昌 - 東大嶼 - 機場博覽館走廊 (先起寶琳 - 南昌), 點看? 以下是自己建議的走向圖:
科大至南昌底圖: https://drive.google.com/open?id ... 6k4ZwYf99ob8cGy4zBY
南昌至機場底圖為展城館裝修前放在四樓, 有關大嶼山發展的模型 (東大嶼範圍的站名是自己 FF 的)