[建議] 探討修訂東九龍綫及東西綫(屯荃鐵路)走線的可能

Lyt_Kondisc 發表於 2020-3-21 10:00
呢條線冇需要入將軍澳
將軍澳綫支線拆線加東九龍綫已經好足夠俾將軍澳人使用，你睇下2031年將軍澳出市區 ...

我個人只會當官方predict嘅使用量係一個reference，但盡可能唔盡信(反而現行情況/數據更值得信)。
因為將軍澳綫開通果時，寶琳站單月台設計係predict康城站開咗之後寶琳車減班都照夠做。
結果都未入晒伙，繁時已經瘋狂留後。遲吓將南會有新私樓，康城入緊伙，寶琳/坑口有新屋邨，
茅湖仔會起宿舍，將軍澳綫未來就算夠做「寶坑將調康」5個站，都唔夠做觀塘綫轉車過海啦。

至於透過東西綫不入將軍澳去分流觀塘區過海乘客，呢樣我認為實施上好困難。
即係如果駁落去油塘站轉，但油塘過海班次唔增加，都係會卡住咗喺個樽頸位。
如果東西綫會停啟德一帶，變相啟德來往油塘轉去東區會係一鼓新客源

jpoon 發表於 2020-3-22 04:12
你會唔會前後矛盾咗啲呢？另外我都想知有邊D人會由荃灣轉兩次車去旺角東站，時間又唔係快。觀塘去旺角東我 ...

咩叫「直接坐」，乜東西綫過海咩？

講緊直駁紅磡，即係一程到紅磡。
因為去中西區點都要轉，觀塘綫->將軍澳綫->港島綫，但東西綫->東鐵綫慳一程。

遲早港鐵都會1+1啦，根本就唔關你條東西綫事

呢個logic咪同當年寶琳站起單月台一樣囉，夠用呀，留後有乜所謂？
到時寶琳班次咪幾乎班班去到將軍澳站「有落無上」咁滯，坑口搭倒頭車，寶琳站月台齊齊得個企字囉。
而觀塘綫落油塘站仲會好似依家咁，等康城車黎就「吉車」齊揀位？諗吓好啦

其實你知唔知觀塘綫側綫同渡綫響邊，乜黃大仙調到頭咩？九龍塘又調到頭？而黃大仙起載往黃埔有乜用？解決到下繁油塘西行超載問題？解決到朝早鑽石山東行問題？黃大仙居民搭乜？等下一班？

「XX起載特班」係可以用不載客列車往某站起載，同渡綫無直接關係。
「下繁油塘西行超載」主因咪就係(1)過海客翻觀塘多、(2)將軍澳客翻觀塘多，
咁東西綫咪分流咗後者囉，前者如果由中西區出發，亦可以透過東西綫分流一部分。
吓，乜你唔知觀塘綫有黃大仙起載往黃埔嘅咩？咪又係不載客列車去到黃大仙先開始上客........
咁佢地係咪要等下一班？我建議你send email問吓港鐵可能會清楚過問我。

油塘加唔加車同東九龍綫冇關啦 同埋康城入晒伙之後港鐵實會1+1啦

唔好偷換概念啦，東九龍綫對現行車站四周嘅乘客有何分流作用啊？
1+1大晒咩，1+1就將軍澳實上到車咩，1+1就坑口實上到車咩，1+1就寶琳實上到車咩，1+1就油塘實上到車咩？
油塘加唔加車梗係唔係東九龍綫嘅事啦，所以咪話用東西綫分流囉。

咁上繁係以入科大客流為主喎，又點會有咁多過海客呢？

咁點解下繁有11M、11、12、792M、91M科大落將軍澳，都仲要開91M科大起載特別班次載乘客落將軍澳？
點解91M要特登改經坑口站而唔停培成路？係科大非常多人住將軍澳？定係其實方便駁鐵？
如果駁鐵去觀塘綫，91、91M、11、11B往鑽石山方向、104落觀塘/牛頭角唔會方便d？
仲有，東九龍綫仲有其他站，例如寶達、秀茂坪、順利、康翠等等，
咁佢地唔會被吸引去寶琳站轉過海？定係你想話果個客量增幅好細？
而若果東西綫係駁去科大、東九龍綫駁去油塘，科大去觀塘區東西綫直達，過海可以轉將軍澳綫，一石二鳥。

將藍同將隧轉車站都起好啦，到時寶琳去其他地方有大把選擇

會否諗得太完美？寶琳全日市區巴士線大部分都係行寶琳北路（93A、93K、98A、98C、290、290A、290X），
而行將隧嘅全部都係寶琳尾站直出（98D、297、690、694、798），將藍同將隧轉車站起好，點樣「大把選擇」？

Lyt_Kondisc 發表於 2020-3-22 07:18
點解東九龍綫山上一定要有直接過海鐵路先？東九龍綫永遠都會係中等客量鐵路，只有3-6卡，唔會過海，剩係 ...

點解東九龍綫山上一定要有直接過海鐵路先？東九龍綫永遠都會係中等客量鐵路

正正係中等客量鐵路，所以先要盡量令果度d居民出入多d使用去提高使用量。
如果講秀茂坪/寶達/康翠沿線去寶琳，其實一直有唔少巴士/小巴，亦都一直夠做，
反而要真正提高東九龍綫使用量，就應該駁去油塘轉車，當然東九龍綫本身一定唔會過海啦。

我以前講過可能可行嘅將軍澳綫拆線方法

我都有諗過，但係觀塘綫駁去康城站中間會經過將軍澳站地底d樁柱，換言之將軍澳站要重新整過，
一係就運作住整（但難度可以拍得上紅磡站），一係就飛站整（趕popcorn酒店客），
同埋寶琳站單月台問題始終解決唔到，變相整完將軍澳站之後，又要將條路軌塞翻落路軌。
咁我個人睇法整兩樣大工程，不如直接起東西綫搞掂。

louisL 發表於 2020-3-22 16:57
如果為咗令使用率提升而唔考慮居民嘅感受結果只會本末倒置

居民就係想有車直出觀塘綫沿線（黃大仙/油尖旺區）同埋過海啊，
滿足居民需求，點樣係唔理佢地感受啊？

del

Lyt_Kondisc 發表於 2020-3-22 20:32
你唔使唔好意思佢，根本為求吸引人搭就專登起條使用量兼載客量特低嘅過海鐵路隧道係唔化算。
東九龍山上根 ...

其實你係黎引戰，定係黎畀有建設性嘅comment?
唔同人唔同睇法唔緊要，你認真覆嘅我又回應晒你，你不如說服吓點樣你個建議會載客量高d？

東九龍山係算中型鐵路啊，但你駁去寶琳有幾多人可以受惠？
你話分流沙中綫，咁東西綫駁去紅磡咪一樣分流得到？
又話分流去沙中綫，又話使用量低，你講晒啦係咪？

del

Lyt_Kondisc 發表於 2020-3-22 23:11
not引戰，六卡過海已經有好大問題，咁樣會浪費大量資源，香港地貴人貴物貴，竟然只有六卡？寧願複製多一 ...

首先我無話要六卡，第二我無話條線會過海，完。

唔好再誇大將軍澳客量，觀塘線同將軍澳綫已經夠載

係呀？乜原來繁時留後多過一班都仲叫好夠載
按你道理，港島綫喺北角都好夠載啦