[建議] 探討修訂東九龍綫及東西綫(屯荃鐵路)走線的可能

del

del

Lyt_Kondisc 發表於 2020-3-26 10:46
青龍頭人口比深井更少，起碼深井係出名地區，我諗過合併
白田會係比較深，所以會仿效香港大學站咁起高速 ...

青龍頭人囗點會比深井少呢？淨係豪景花園都有28幢高樓大廈！反而深井 (唔計浪翠園，因偏離深井市中心) 只有22幢。

青龍頭同深井合併一個重鐵站並唔適合，因兩者相隔大段距離，住豪景西或深井東行去青龍頭深井之間嗰位好唔方便。最好做法係青龍頭同深井各自填海，再收回深井新村一帶寮屋去增建多幢公屋同私樓，因青/深兩地好明顯屬凹入海灣，只要填平凹入部份就有條件增加大量人囗兼各起一個重鐵站，釣魚灣泳灘可遷至新海濱。

青衣長青邨同長康邨樓宇分佈好散而且呈狹長型，唔適宜合併為一個重鐵站，最佳做法係另起中型鐵路3卡無人駕駛列車接駁青衣站 (於青衣城以西嘅青敬路設架空站)，於長亨邨亨業樓以西地底設長亨站、青盛苑以南地底設長康站、長青邨青榕樓以西地底設長青站。

del

Lyt_Kondisc 發表於 2020-4-1 22:05
但係你要諗吓住喺嗰度嘅有錢人想唔想有一班比較窮嘅公屋戶住係佢哋隔離
至於長靑站我認為係需要嘅，因為如 ...

有錢人多數揸車嘅，公屋基層户先至係最需要搭鐵，所以起多啲公屋對設立重鐵站只會有利無害，況且如果真係驚公屋基層冇錢買樓但可享海景，可以將公屋設喺新填海區後排同埋深井新村寮屋區清拆後嘅位置，近新海濱最前排全部起私樓，且無需高度限制，咁就唔會有後排公屋高層户仍享有海景嘅「唔公平」情況出現！

至於青衣3卡接駁綫係可以延長，走線為長青<>長康<>長亨<>青衣<>海濱花園<>葵盛西<>葵芳<>麗瑤 (順便服務埋華景山莊)<>石籬<>石蔭<>梨木樹 (服務埋象山邨與三棟屋)，咁就唔會造成路線過短，同時亦可服務更多未有鐵嘅人囗密集地區，而通車後取消青衣站接駁巴士及重組島內巴士線即可解決重叠問題。

del

del

Lyt_Kondisc 發表於 2020-4-2 09:34
香港唔太興咁嘅接駁鐵路，而且咁樣雖然睇落好似可以令到荃葵青衣嘅鐵路網絡環環相扣，但係沿線主要都係住 ...

其實葵青綫都唔係純服務住宅嘅，沿途有兩個重要地標性商場 (青衣城、新都會廣場) 同埋葵涌工業區，而且一條綫就可接駁另外三條綫 (東涌綫、機場快綫同荃灣綫) 已經係好強賣點喇！況且如青衣南只設青康站，長亨長宏居民又會詐型！所以最好做法都係皆大歡喜，但每個站只有3卡車服務已可滿足需求。

並冇法例規定公屋一定唔可以享有海景，再者如果按你呢個咁樣嘅「邏輯」，咁華富邨、華貴邨1-3座、鴨脷洲邨、荔景邨、長發邨、長青邨、長宏邨、廣福邨、三聖邨、逸東邨、滿東邨、金坪邨、長貴邨、怡明邨怡茵樓咪全部起錯晒????，要全數清拆或喺佢哋前面起返一排私樓去取消晒公屋租户海景????！何況我嘅建議只係將青龍頭同深井公屋盡量往後移 (類似馬鞍山規劃)，最近新海濱最前排只起私樓，咁就唔會浪費海景，又可有賣地收入，香港絕大部份地區規劃都唔會只有私樓或公營房屋！否則地區居民一定會反對！所以要取得平衡，以安達臣新發展區為例，本身附近已有多條邨，因此你睇返規劃，有啲地係撥咗做私樓㗎！交通方面，本身深井都有多條巴士小巴線出市區，而且自嚿年起，可以每月喺各重鐵或中鐵站以八達通claim返過半交通費，因此車費唔會成問題，只要青龍頭同深井站通車後做好區內巴士小巴線重組，問題不大。

del