[建議] 探討修訂東九龍綫及東西綫(屯荃鐵路)走線的可能

tonyng 發表於 2020-3-5 03:00
你的東-西九龍線建議走線，於九龍城及油尖旺區走線與RDS-2U中研究過的走線有些相像。
...

請問網上有無邊度會揾到份研究? 印象中好似無睇過份pdf，thx

ViviTse 發表於 2020-3-5 17:38
我舊時都贊同呢個方案(我assume咁改就唔會起東西綫? 同埋assume寶達+秀茂坪+四順係分3個站)ge，因為果陣覺 ...

東九龍線(1) 寶達同興田距離似乎過短
     建議改放前聖言中學地底
(2) 油塘會似乎頂唔順
     假設一半觀塘山過海客量改坐黨鐵的話
     相信月台都未必夠企...

東西線
(1) 唔建議再塞埋去觀塘市鬥迫
     不如經東九龍線藍田站, 再穿郵輪碼頭出紅磡
     九龍中改駁油麻地, 變成三線轉乘

我建議東九龍線駁彩虹instead of鑽石山
係因為唔希望將所有人流放哂落去同一個站
而且可以透過彩虹邨重建去畀地黨鐵發展

ViviTse 發表於 2020-3-5 17:46


葵涌去鑽石山段個提議幾創新，但寶琳番番去古洞果個圈就好似over咗啦

西貢果邊無論地形結構、定係人口結構都同其他新市鎮有d出入，同埋西貢入沙田果段好似唔容易wo

至於parallel to西鐵果段，我prefer用東西綫(屯荃)式行法多d，頭站分流到，尾站就實上到，
而且東北葵會做得到&一程車直接紅磡/東九龍/將軍澳

寶琳、科大、蠔涌、西貢屈返去沙田都應該會係最遲先至起（因為有馬鐵）

至於北環線出荃灣要同西鐵平行，是因為西鐵在4ppm的情況下，每小時單向只能容納49,200名乘客，但港鐵小蠔灣報告中，2036年早繁，錦上路南下荃灣西每小時75,000客，而荃西去美孚就有70,000，即是西鐵南行並不能同時由北環線在錦上路轉車南下荃灣的乘客，故北環線亦須南下以接駁荃灣線，甚至要設法把鐵路延伸往九龍東，以配紓緩起動九龍東對龍翔道、大老山隧道所造成的交通負荷。

del

Lyt_Kondisc 發表於 2020-3-5 22:38
咁其實應該由屯門經青山延伸至九龍東，定還是北環線南延至荃灣，再九龍東？二選一 ...

在可見的將來，應該會是北環線南延至荃灣，再九龍東

原因係元朗的人口增長比屯門更多，例如元朗南和八鄉南，加上要應付新界東北新發展區和跨境客流，北環線延長的可行性和迫切性會較大。

而屯門區新的人口增長，現時主要在掃管笏，之後54區，繼而龍鼓灘，但屯門公路暫時仍可應付，必要時仍可利用渡輪服務。

雖說可建設屯荃鐵路和西部外走廊，但屯荃海岸山坡陡峭，龍鼓水道水深30米，興建鐵路成本尤甚且客量未必能支撐營運，加上要顧及跨境交通客量所致負荷，以及龍鼓灘發展的綜合需要，應稍後再一併研究屯門區對外鐵路交通，以至西部外走廊佈局。

JX9097 發表於 2020-3-5 21:43
東九龍線(1) 寶達同興田距離似乎過短
     建議改放前聖言中學地底
(2) 油塘會似乎頂唔順

東九龍綫
(1) 好，已改
(2) 有諗過，但如果東西綫可以有效分流將軍澳綫北角至寶琳段，變咗寶琳車去到油塘仲有空間淨+康城支線加密，油塘至北角聯合班次可以由2/2.5分鐘一班加密到2分鐘一班，咁應該可以分流得到油塘站個需求掛
(3) 駁彩虹instead of鑽石山果樣：都係嘅，但兩邊做轉乘(鑽石山、油塘)可能會比一個非轉車站好少少掛。同埋彩虹地面發展，我覺得係果四條路要搞搞佢先(太子道東、觀塘道、清水灣道、龍翔道)，日日無定向塞，同埋果個bottleneck分層交匯處可以整好少少

東西綫
(1) 特登建議放觀市，係因為觀市陸路交通(無論係開源道、偉業街定觀塘道都好)接近飽和，觀塘重建/起動九龍東嘅時候只有著手陸路交通以外先可能有突破，而擴建觀塘站/到變成轉乘站正正可以幫到忙，如果停藍田站就幫唔到觀塘站分流
(2) 郵輪碼頭有諗過嘅，但條線要喺海上面/入面起，成本應該要高好多，所以有少少保留
(3) 其實東西綫駁彌敦道果5個站任何一個都有諗過，但優點/缺點分別如下：
- 太子站：地圖上面太「北」，變相parallel to觀塘綫只係停少咗站，成本考慮吓應該搞唔成
- 旺角站：都係太「北」，變咗唔停紅磡(做唔到東鐵轉乘往沙田/金鐘)，如果停旺角東會兩站太近，同埋同樣parallel to觀塘綫有成本考慮
- 油麻地站：好過太子/旺角站，但荃灣綫「油麻地<>佐敦」段可以話係最繁忙嘅路段之一，即係觀塘綫/荃灣綫/甚至東鐵轉觀塘綫/西鐵轉荃灣綫/東涌綫轉荃灣綫/東鐵轉荃灣綫去彌敦道，都好可能要經呢段路。與其由一個觀塘綫嘅站(觀塘)同荃灣綫嘅站(美孚)駁去兩條線都經嘅站(油麻地)，不如駁去佐敦。
- 佐敦站：我會建議駁呢個站，一來上面解咗觀塘綫唔經佐敦，二來如果真係想去油麻地嘅乘客，係可以善用到繁忙時段逆繁忙方向嘅剩餘承載力(上繁「油麻地落佐敦」多人過「佐敦上油麻地」，而去油麻地就正正係少人個方向，下繁vice versa)
- 尖沙咀站：同西鐵作用太接近，唔係唔得，但距離下一站美孚又遠咗，成本考慮都係佐敦好d。

TYChow 發表於 2020-3-6 01:48
在可見的將來，應該會是北環線南延至荃灣，再九龍東

原因係元朗的人口增長比屯門更多，例如元朗南和八鄉 ...

據我所知北環綫係駁去錦上路，咁請問如果入元朗南之後，會係點樣兜翻出去西鐵parallel出呢？

我個人就傾向洪水橋打後去到屯門果邊可以用東西綫(屯荃)出東九龍，
變相騰空西鐵綫d位比元朗用，如果到時騰空效果唔理想，
可以考慮繁時增加元朗起載特班，換句話係西鐵屯門開出嘅班次減少，乘客更會選用東西綫。
同樣道理，東西綫東面都建議放寶琳/科大，咁將軍澳綫寶琳至北角段可以被分流，

位就騰空比將軍澳、調景嶺、油塘站用，順便分流成功就減寶琳車去加車比康城支線，
油塘至北角段拉勻班次密咗，咁東九龍綫又可以啱啱好咁駁落油塘站啦。

ViviTse 發表於 2020-3-6 04:45
東九龍綫
(1) 好，已改
(2) 有諗過，但如果東西綫可以有效分流將軍澳綫北角至寶琳段，變咗寶琳車去到油塘 ...

東九龍線(1) 鑽石山可以駁: 觀塘線, 屯馬線
若果要駁觀塘線的話, 彩虹同鑽石山冇乜分別
若果要駁屯馬線的話, 要研究下有幾多人會咁轉
A: 將軍澳<>屯馬線(北上): 依家有798, 遲下將馬if九巴做的話, 黨鐵吸引力更細
B: 將軍澳<>屯馬線(南下): 坐297/ 綠小105, 甚至坐閣下建議嘅東西線到紅磡屈番上去唔會比東九龍線慢
C: 藍田山<>屯馬線(北上): 依家有88X, 黨鐵吸引力唔特別大
D: 藍田山<>屯馬線(南下): 呢段最有可能會轉軚坐鐵(相比依家坐15), 但若果15X全日的話唔見得輸蝕

東西線
(1) 觀塘市係飽和, 但睇唔到有咩辦法可以起到多一條鐵路直插
因為西行方向沿線已經係新式商廈(如創紀之城)
東行方向市區重建局亦都已經出計劃, 重建如箭在弦
唔太可能趕得及動工前完成前期工作
再者, 以觀塘道繁忙程度, 要封路起鐵近乎唔可能
所以, 睇下可唔可以部份人分流相對地可行

(2) 建議走出郵輪碼頭係因為啟德跑道未來都仲會有商廈(酒店?)出現
再加上近啟德站一帶有住宅同運動園, 客源應該唔成問題
exact站位唔使太近海邊, 可以放依家承豐道過河天橋附近, 頭尾接駁碼頭同未來商廈(酒店?)用地

(3) 揀油麻地係因為九巴通常都將彌敦道拆開南北兩邊serve
一條主打旺角太子, 另一條主打佐敦尖咀
油麻地正正喺正巴士coverage盲點
而且駁油麻地的話, 可以嘗試扭轉彌敦道中段(即油麻地)依家咁"冷清"局面
從而間接降低旺角同尖咀兩者嘅繁忙程度

至於彩虹邨重建, 當然要借呢個機會重新劃過太子道/ 龍翔道/ 清水灣道三者之間連接問題
三者之間設計道路客量實在唔太承受到依家真實需求

ViviTse 發表於 2020-3-6 04:54
據我所知北環綫係駁去錦上路，咁請問如果入元朗南之後，會係點樣兜翻出去西鐵parallel出呢？

我個人就傾 ...

「北環線」點都唔會入元朗南，估計會用K車駁去西鐵站，或者由專營巴士駁去錦上路、八鄉，以至直出荃灣。

元朗南的重鐵連接應該係西部外走廊，由屯門龍鼓灘經洪水橋再去元朗南同八鄉。

JX9097 發表於 2020-3-6 13:32
東九龍線(1) 鑽石山可以駁: 觀塘線, 屯馬線
若果要駁觀塘線的話, 彩虹同鑽石山冇乜分別
若果要駁屯馬線的 ...

東九龍綫：係，估計11X,13X,88,213X會被屯馬綫駁鑽石山分流得到，駁觀塘綫就彩虹同鑽石山無乜分別。
- 整體黎講，我覺得寶琳駁東九龍綫係無乜特別效用，去彩虹/鑽石山快觀塘少dd，
但如果坐長途(e.g.坐到旺角)可能prefer調景嶺轉(有位坐)，而駁東鐵/馬鐵其實798+682/105贏晒，
所以寶琳而言東九龍綫坦白講作用不大，叫做如果無東西綫的話只可以叫多個選擇。
- 藍田山就本身落慣藍田站，行少幾步但東九龍綫慢dd(轉車+等車+路線兜秀茂坪唔及觀塘綫直，
可能慢5-10分鐘左右)，但應該會prefer用東九龍綫，駁去馬鐵/土瓜灣其實同陸路交通唔差得遠，
如果駁去鑽石山可能仲有得爭，但駁彩虹就應該寧願搭觀塘綫/巴士都唔去上東九龍綫掛
- 所以駁油塘會靚過寶琳(當然將軍澳第二條鐵路果個問題要另外解決，e.g.東西綫)

東西綫：
(1) 同意，工程方面因為結構複雜都真係相當棘手。觀塘站地底如果無記錯，應該係觀塘道地下通道，
換言之觀塘站無得再向下發展，但唔知有無得諗向上發展起多層呢，同埋D2出口附近有無可能擴建呢
(2) 都有諗過嘅，但經邊個位去承豐道好呢(承昌道又好似太「北」、觀碼起橋/管道過去好似太難)
如果打算加站，我諗暫時有幾個可能性：郵碼/承豐承昌交界/兒童醫院/Megabox，
我原本諗住觀塘<>紅磡段係沿住依家有嘅陸地(parallel to東九龍走廊，但近海d)去起，
但如果停得郵碼，再激d直接起海底隧道直插紅磡都ok wo
(3) 都得，但可能要咩市建局/城規會等等d局重新規劃吓d用地，
佢先會肯起鐵路(斷估佢唔會肯先起鐵，再等個局面扭轉XD)