[建議] 探討修訂東九龍綫及東西綫(屯荃鐵路)走線的可能

Lyt_Kondisc 發表於 2020-3-17 08:23
藍田比油塘多位，油塘喺未來十年會起超多設施，宜家塊空壙嘅海皮會起樓
美青隧道唔會太深，因為貨櫃碼頭 ...

晒草灣遊樂場係前堆填區。

姐係咁，明明係正藍田站隔離，塊地咁靚，點會無故有個位咁多年都無發展？

del

del

jpoon 發表於 2020-3-20 02:37
觀塘站太細，而東九龍CBD咁大，所以有需要起多一個站分流
而且萬一起環保便捷系統，就可以以觀塘碼頭止步 ...

觀塘站的確太細，但如果東西綫設站喺觀塘碼頭，而駁唔到(無論站內步行、定轉車過去)去觀塘站，
恐怕只會好似旺角站&旺角東站咁，兩邊駁唔到過去，變相d人會突登去九龍塘轉，分流效果極差。

而環保系統果樣，我諗有東西綫就無環保系統，有環保系統就無東西綫，
有東西綫其實已經幾乎夠做，加上成本上面好難說服到佢起晒兩樣。
所以我主張喺觀塘站上面起多一層做東西綫，再整天橋(上下層都有得出入閘)駁去四周d buildings都得。

ViviTse 發表於 2020-3-20 14:58
觀塘站的確太細，但如果東西綫設站喺觀塘碼頭，而駁唔到(無論站內步行、定轉車過去)去觀塘站，
恐怕只會 ...

點解要去九龍塘轉車？如果旺角站用埋前水務署塊地，可以做埋旺角東轉車，唔需要去九龍塘轉車，如果真係驚，可以考慮加返啟德站，用啟德站做馬鐵沿綫嘅客。而佢提供油塘站轉車，已經可以分流到東行過海客
仲有就係你話觀塘站上起天橋，咁條綫點走？相對嚟講海濱道一帶有較大空間起鐵路（已經冇計你觀塘站本身冇預過上面起多層，個月台又咁窄），唔好忘記觀塘道以北有住宅，你起得新鐵路就要諗埋加建隔音屏障，冇可能用返而家嘅結構，因為唔夠力支撐

呢條綫做唔到啟德郵輪碼頭同埋啟德體育園，所以環保便捷系統可能仲有需要繼續，除非你有其他好方法做埋

louisL 發表於 2020-3-20 15:04
我主張重建整個觀塘站（只要唔會延期即可）觀塘站周邊空間太小，噪音會放得好大，至於斬開兩段由巴士解決。 ...

除非收市建局重建區部分地，將條鐵路拉向觀塘道北邊
不過觀塘站個位本身有好多問題，開源道太窄呢個問題冇得搞

258X 發表於 2020-3-19 21:49
因為本身係 預留至貨櫃碼頭新區－南昌－旺角－九龍醫院－宋王臺－啟德南－觀塘南－油塘－預留至佛堂澳新 ...

老實講，最主要問題係舒緩唔到觀塘綫：九龍灣西我覺得無問題，但觀塘碼頭同觀塘距離甚近，但接駁同分流做得較差，
變相旺角&旺角東會喺九龍塘轉，而觀塘碼頭同觀塘會喺油塘轉，難以舒緩觀塘綫壓力。

另外就係旺角以西客源唔夠廣，南昌->旺角現時可以西鐵轉荃灣線，或者荃灣線轉西鐵，
其中一程會較迫人，但另一程係逆繁忙方向（例如上繁南昌往美孚係較少人），
再加上暫時巴士都尚可以照顧到需求。即使拉到貨櫃碼頭，假日客量會較差，
通勤時段亦不及中上環、東九龍商貿區（觀塘/九龍灣等）繁忙，
所以唔係話放貨櫃碼頭唔得，但若果拉埋入屯門/元朗南，有助舒緩西鐵壓力，會否更理想呢？

但我唔明點解放佛堂澳呢，無論係成本、定效益都麻麻地wo。
講成本，油塘去佛堂澳整條橋/海底隧道，仲長過東隧/紅隧/將藍跨灣大橋，
甚至觀塘起條海底隧道直插紅磡/小西灣起條隧道入佛堂澳都短過佢。
講效益，將軍澳綫康城支線延長過去工業邨、佛堂澳好過啦，
雖則當年條線劃得好差，如果再延長要fing出海，但總好過油塘直駁佛堂澳。

另一個問題就係按閣下建議咁改東西綫，無助舒緩將軍澳綫壓力，更會嚴重加劇油塘站轉乘壓力。
因為將軍澳綫寶琳<>北角若果客量無法被東西綫分流，即係無法令寶琳<>北角減班，
亦即係過海段班次無法再加密，而仲要將啟德、宋王台、九龍醫院嘅客推落油塘，
只會令將軍澳綫不聲負荷。所以東西綫九龍段放喺紅磡（過海已經非常方便，過海不會改搭東西綫），
而將軍澳段放喺寶琳坑口科大，觀塘綫轉車站放觀塘（而非直接放油塘吸引人轉），
就可以有效分流油塘站情況。