重組九巴 41/241X/46 及 43C/242X
[複製鏈接]
|
本帖最後由 ATENU364TC196 於 2020-4-7 22:58 編輯
60X 起碼有個轉車站，63X 可以做到特快功能，所以60X 繼續做流水亦不無理由，仲有2、6嗰啲都可以做㗎
何況42A 90%嘅乘客都係來往青衣，冇理由特登去遷就10%嘅乘客
如果擔心拆得太散，咁咪非繁淨係做快版42A+43C，242X 只於繁忙時間及晚間，星期六日全日服務，繁忙時間青南絕對食得到三條九西線
同埋其實長沙灣道同荔枝角道嘅交通情況差唔多，通常塞車嘅話兩邊都會一齊塞，唔塞車嘅時候兩邊行車時間亦都係差唔多，坐過咁多次舊版41A同44/44P，唔差得遠
41A 就出名休息時間多，結果咪成班司機係咁碌...
43C 非繁行車時間大約45分鐘，假設出九龍上午12分部，下午15分部，返青衣上午15分部，下午12分部，咪啱啱好9部車囉
42A 青衣段行車時間大約10分鐘，青桃樓至旺角大約10-13分鐘，旺角至西九參考268X大約15-17分鐘，非繁最多40分鐘其實一定行完，5部車問題其實不大
最多242X 非繁唔好開，咪可以俾43C/42A非繁各加一部車
你個建議入面始終冇解決到42A+43C 拖卡喺長荔/青南出現，同埋242X去程根本冇需要落大角咀
|
|
|
|
|
|
|
|
|
S3BL100 發表於 2020-4-6 23:44
荔景區有表達過想留 45 去何文田方便返學，但我亦唔相信佢地會咁易放走條可以落到佐敦既 46。如果兩條只 ...
要分段做可以咁：
先將30X改成同黨鐵99%重疊既39
(荃威<>黃埔, 經葵涌道)
230X做半日 (30/32H重組取得)
第二階段39上愛民、46入黃埔、45取消、230X全日
41/241X就之後獨立做
荔景至何文田呢d基本上可以無視
比盡開一班45P都夠有突 |
|
|
|
|
|
|
|
|
本帖最後由 ATENU364TC196 於 2020-4-7 09:32 編輯
43C/242X 合併成242X特快去旺角，放尖麼嘅，42A 直接縮落去奧運站或者維港灣唔係最直接咩?
41A/44 成功嘅地方就係大家無縫交接，完全冇重疊嘅範圍
35A喺35X 服務時段唔改去奧運站/旺角起載，結果咪尖沙咀至旺角段嘅乘客一半上35A，一半上35X，然後35X 離開旺角嗰陣又未企人，35A 去到深水埗又頂閘，但其實35A一半路段都白行，又浪費時間
|
|
|
|
|
|
|
|
|
本帖最後由 10598C 於 2020-4-7 10:40 編輯
ATENU364TC196 發表於 2020-4-7 09:27
43C/242X 合併成242X特快去旺角，放尖麼嘅，42A 直接縮落去奧運站或者維港灣唔係最直接咩?
41A/44 成功 ...
唔係
最直接係42A酌量減班，242X去程做尖沙咀特快，回程掃旺角走
呢個係對沿線持分者影響最細
41A/44成功唔等於可以照辦煮碗擺落42A到
42A本身有九龍流水，加上青衣南想有密車平車去佐敦，本身42A落旺角又唔係太慢，縮短42A弊大於利
同35A呢組唔同嘅係，42A同掃旺角嘅242X只有油麻地旺角，本身42A唔入尖沙咀
而本身35A上葵自己有數條西九線，有足夠資源重組，唔同青衣南本身得全日42A/繁時限定43C
|
|
|
|
|
|
|
|
|
本帖最後由 ATENU364TC196 於 2020-4-7 23:20 編輯
「沿線持份者」佔成組線嘅客量有幾多？
唔通條條線都要好似89D 咁，為咗黃泥頭-馬鞍山一段嘅乘客，拖慢晒馬鞍山去九龍東嘅乘客？
42A 係4字頭，唔係2G/6G 喎......42A 落旺角依家要成半個鐘喎，改特快只需要12分鐘
42A 減咗車，跟住美孚同埋荔枝角咪又嘈上唔到車......
242X 如果單純尖沙咀特快客量其實不足，點都要跟280X咁行掃佐敦邊皮，回程去到旺角先走嘅，咁42A 佐敦至旺角段有咩用？
成件事只係步緊35A/35X後塵，效率亦欠佳
用41A/44 照板煮碗有咩問題？41A 改快都係影響緊流水客㗎......43C 去程客量欠佳係因為唔落佐敦咋嘛
42A 改快名正言順可以加價，參考返41A/44+68X/268X，當初改快啲人都唔睇好，但最後好明顯成組線嘅客量升左一大截，到時仲要稀罕啲流水客做乜？
青南重組我自己覺得有兩個方案
A.
43C 跟44一樣全日來往長荔深，繁忙時間7-10分鐘一班，非繁忙時間12/15分鐘一班
42A 跟268X全日特快來往旺角(行葵涌道)，繁忙時間10-12分鐘一班，非繁忙時間15分鐘
242X 繁忙時間，晚間，星期六日提供服務，來回跟280X，放去麼地道，又或者做尖沙咀循環，260X咁落尖沙咀，之後行廣東道，彌敦道，中郵上跑道，繁忙時間15/20分鐘一班，非繁忙時間20/30分鐘
咁樣三條線分工好清楚
B.
43C 跟44一樣全日來往長荔深，繁忙時間8-10分鐘一班，非繁忙時間12/15分鐘
42A 跟41A 特快來往旺角(行葵涌道)，延長至麼地道，繁忙時間12分鐘一班，非繁忙時間15/20分鐘
初期可以行Plan B，之後其實可以再行Plan A
|
|
|
|
|
|
|
|
|
42A/43C 係咪冇資源重組又唔係
基本上上面計過晒條數啦，如果初頭行Plan B，假設43C 現時嘅六部車會轉為全日(因應青富苑，明翹滙入伙)，42A+43C 到時非繁忙時間一共會有19部車，43C 非繁忙時間只需要9-10部，42A 5-6部，根本資源綽綽有餘
參考返68X/268X重組初期都係得29部車，但之後因為兩條線嘅客量上升，加到去~35部(RPP建議數目)，所以其實遲啲都會應該有更加多車，再加埋長青邨擴建項目入伙，根本可以行Plan A
|
|
|
|
|
|
|
|
|
ATENU364TC196 發表於 2020-4-7 12:30
「沿線持份者」佔成組線嘅客量有幾多？
唔通條條線都要好似89D 咁，為咗黃泥頭-馬鞍山一段嘅乘客，拖慢晒 ...
你嘅類比係不倫不類
42A不應與35A/35X、41A/44、68X/268X以及89D類比
亦都唔明白有乜需要不停做類比
首先，沿線持分者係唔單止係包括九龍流水，係包括埋青衣南乘客，要求平價密車出油麻地佐敦，呢個係議員表達嘅訴求
所以同89D類比係不倫不類，89D兜廣黃影響所有馬鞍山客，但42A行長沙灣道無拖慢青衣南出城時間，只係部分青衣南嘅客唔係行特快出旺角
可以類比89D兜廣黃嘅係青衣南上42嘅乘客，當然42客量分佈唔輪到佢拆線
42A減車會令到長沙灣美孚客上唔到車嘅講法亦都係不倫不類，唔好忘記本身有條載客率唔高嘅43C，又或者242X全日後新增42A旺角起載短棍
而旺角油麻地有242X做咗，變相騰空返42A部分空間接載深水埗區乘客
而點解去程242X直落尖沙咀，回程兜旺角係因為回程比去程更易吸引班客upgrade去8.9，加上回程跟260X/280X行法唔快得去邊，順理成章回程經旺角
去程242X直去尖沙咀應該停埋雅翔道，比青衣西南去隧道口轉巴士過海
至於同35A/35X類比，亦都係不倫不類
首先35A/35X齊齊入尖沙咀，但42A/242X唔同，42A只到佐敦，尖沙咀只可以搭242X
42A同242X重疊路段只有油麻地至旺角一段，去程242X直落尖沙咀更加係冇重疊
至於同68X/268X比較，一樣係不倫不類
68X/268X先天好處係元朗唔使理尖沙咀，只係需要拆美孚至佐敦段，但青衣南要處理埋尖沙咀
而且元朗出嚟本身路途長，68X碌曬長沙灣道先出到旺角變相超越合理車程時間，青衣南路途不長，42A行長沙灣道出旺角仍屬合理車程，而且無競爭底下九巴無謂得失市區流水客，講緊係6.8×2變做8.9×1
加上68X/268X本身收得貴，唔會有市區流水客，變相深水埗區對於68X/268X唔會有大反響
68X拆268X亦無加價
再者，元朗基本客源大，甚至假日有雙向客源，青衣南係無法相比，唔係話青衣南冇客源拆，但唔會預料42A拆線後整體客量大幅提升好似68X/268X咁
順帶一提當日68X縮短去栢景灣係冇減到車
而與41A同44更加係不倫不類
41A本身同44大幅重疊，而青衣北往亞皆老街以南本身只有41A選擇，相比44底下41A係長沙灣道無存在意義
但青衣南往美孚至佐敦只有42A一部車選擇，強行縮短會令青衣南往佐敦乘客由6.8連跳兩級至8.9，居民不易受落
今次41/241X重組九龍區反響甚大，反映九龍持分者不可忽視
何況當日青衣南表示要平車出油麻地佐敦，而收費兩級跳，反對亦都可以理解
最簡單，最易實行嘅方案，就係42A稍微減少佐敦開出班次，增加旺角短棍
然後將43C嘅車隊比242X全日，去程直去雅翔道/尖沙咀，回程跟41A掃到大角咀後返青衣南，班次15-20分鐘一班
牽涉嘅持分者最少，亦都係最易過嘅方案
巴士路線重組唔係你覺得係就係，都要考慮區議會意見、區議會通過嘅機率，否則不如唔好要民主諮詢框架制度
至於你話細山路等屋苑入伙
我想講呢到冇人反對42A/242X重整/提升服務
根本唔使等呢啲屋苑都應該執過 |
|
|
|
|
|
|
|
|
我幾想知道邊個青衣區議員要平價九龍西車，都唔要快車，有關時間嘅問題，上面已經補充左，新42A油麻地往來青衣可節省18分鐘，但係根本只係比而家嘅候車時間長最多5-8分鐘，係呢個時候密車仲有咩用？
//但42A行長沙灣道無拖慢青衣南出城時間，只係部分青衣南嘅客唔係行特快出旺角//
依家係全部嘅乘客(上繁以外)都唔係特快出旺角喎，42A 行長沙灣道冇增加到青衣去旺角，油麻地同埋佐敦嘅乘客所需時間咩?
//42A減車會令到長沙灣美孚客上唔到車嘅講法亦都係不倫不類，唔好忘記本身有條載客率唔高嘅43C//
43C 由頭到尾只係執雞，你平時落去美孚睇吓，基本上42A 成日都上唔晒，靠43C 執雞效率欠佳喎，既然你都話要油尖旺可以上242X嘅時候，咁係咪應該將42A縮短去旺角？42A對於油尖旺返青衣南嘅乘客冇任何意義㗎喎，點解九巴仲要浪費呢十幾分鐘嘅行車時間？
//42A同242X重疊路段只有油麻地至旺角一段，去程242X直落尖沙咀更加係冇重疊//
既然有咁大段都係重疊，點解要俾呢樣嘢發生？242X落尖沙咀起碼都要跟280X食一食佐敦邊皮，唔係嘅話客量唔係咁理想
另外青衣南點解要理埋尖沙咀？242X 都係得兩班車咋嘛......
//青衣南路途不長，42A行長沙灣道出旺角仍屬合理車程，而且無競爭底下九巴無謂得失市區流水客，講緊係6.8×2變做8.9×1
加上68X/268X本身收得貴，唔會有市區流水客，變相深水埗區對於68X/268X唔會有大反響//
青衣北路途一樣唔長㗎喎，點解都係可以拆41A？另外個問題係流水客係咪真係=青衣南客？一班車最多咪得10個，但係另外果90個都係去緊青衣南喎，點解唔可以得失？何況推流水客上60X，九巴仲開心啦......
//41A本身同44大幅重疊，而青衣北往亞皆老街以南本身只有41A選擇，相比44底下41A係長沙灣道無存在意義
但青衣南往美孚至佐敦只有42A一部車選擇，強行縮短會令青衣南往佐敦乘客由6.8連跳兩級至8.9，居民不易受落//
242X同42A 一齊喺同一路段都係冇存在意義㗎，41A 嗰陣咪一樣加到去$8.9，個收費合情合理，有乜問題？
而家你個方案嘅最大問題係兩條路線重疊，呢個係最大問題
//牽涉嘅持分者最少，亦都係最易過嘅方案
巴士路線重組唔係你覺得係就係，都要考慮區議會意見、區議會通過嘅機率，否則不如唔好要民主諮詢框架制度//
區議會夠話要求保留W1啦，「支持度」同埋「真理」係冇必然關係㗎喎，據我所知葵青區議會全盤係支持42A同43C用Plan B分拆，42A 加至$8.9都冇所謂，有機會反對嘅只係九龍嘅區議會，但係流水客只係佔成條線10%，少數係咪應該服從多數？
------------------
你個方案個問題有以下呢幾點
1）新42A，242X 油尖旺段完全重疊
2）42A，242X 客量分佈唔平均，你諗吓九龍西嘅客源一半係旺角以南，一半係旺角以北，用旺角界開兩邊合情合理，所以最理想應該係一條旺角以北，一條旺角以南
3）42A 短棍只會淪為43C，完全重蹈覆轍，長荔深同時出現42A，43C，42A短棍，但係大家根本唔協調開出時間，根本解決唔到而家42A+43C一齊到站嘅問題
4）多個路段出現路線重疊，對營運效率造成衝擊
去返我個方案嘅Plan B，我只不過係建議42A/43C跟41A/44模式，242X暫時取消，詳細就唔再講啦，不過成個方案係有幾個考慮因素
1）43C做長荔深，42A做油尖旺，尖沙咀，咁樣兩條線就定位清晰，分工合理，完全冇重疊嘅部份，青衣南有特快去旺角，又有車出尖沙咀
2）旺角以北同埋旺角以南都係只有一條線，咁樣就會避免兩架車一齊黎嘅問題
3）42A 嘅收費會被上調至$8.4/8.9，但來往油尖旺節省嘅時間達到18分鐘
4）你同我講41要考慮九龍城我認同，因為有一半嘅乘客都係來自九龍城，但42A 有90%嘅乘客都係來自青衣，佢哋先係最大嘅持份者，所以成個重組根本由佢哋嘅角度出發係好合理，42A唔係6G，係4字頭，根本流水客有好多條替代路線，
美孚來往油尖旺至西九龍站可以坐63X，至於美孚至深水埗同埋長荔深至油尖旺大把嘢都可以坐，6，60X，970/X 幾乎已經100%覆蓋晒
|
|
|
|
|
|
|
|
|
本帖最後由 10598C 於 2020-4-7 16:05 編輯
ATENU364TC196 發表於 2020-4-7 15:28
我幾想知道邊個青衣區議員要平價九龍西車，都唔要快車，有關時間嘅問題，上面已經補充左，新42A油麻地往 ...
快18分鐘唔知你點得嚟，但睇返九巴網頁242X只係快過42A七分鐘
第二，關於89D兜廣黃，影響緊嘅係所有馬鞍山客，而42A行長沙灣道，只係影響一部份青衣南乘客，與89D情況相近嘅只有42，但都唔完全一樣
咁難理解？
你話到42A繼續擺佐敦冇效率
我又想知縮短有咩效率？68X當日縮短係減唔到用車，換言之擺去大角咀同直去佐敦要用嘅車係一樣架
所謂縮短並無增加效率，反而得失所有流水客，以及平價青衣南出油麻地佐敦，得不償失
當每班42A幾廿個流水上上落落，每位$6.8
變成推流水客上60X？笑話嚟架？係咪要笑架
提埋你，41A當日係收7.8，青衣北去尖沙咀油麻地巴士只有$7.8嘅41A，青衣南係$6.8去油麻地佐敦
至於區議會，唔好淨係識二元對立啦
最後，原來青衣南重組你係唔諗住唔做尖沙咀
唔做尖沙咀不如唔好做
比著我住青衣南42A密密嚟仲好
唔講咁多
唔啱channel傾嚟都冇意思
自己參透多啲先
BTW我淨係知道而家出到5G
幾時九巴做6G咁犀利
|
|
|
|
|
|
|
|
|
你睇九巴網頁嘅係全程行車時間喎，42A去西九龍站，242X 去中間道，大家路程唔同，點樣比較？
其實成個建議睇得出你好明顯唔係住青衣，41A工業中心去鴉蘭街大約12分鐘，九巴app入邊嘅「車程」顯示43C 青衣美站去旺角弼街要13分鐘，如果42A 直飛鴉蘭街，改行葵涌道嘅嘅，大約都係10-12分鐘，依家就需要30分鐘先可以由青衣尾站去旺角
唔好玩雙重標準啦大哥，你睇九巴網頁係睇緊42A 現時長亨去西九龍站，242X 長亨去中間道個時間，先會得出7分鐘呢個結論，但係中間道同西九龍站好明顯有一大段距離...
//第二，關於89D兜廣黃，影響緊嘅係所有馬鞍山客，而42A行長沙灣道，只係影響一部份青衣南乘客，與89D情況相近嘅只有42，但都唔完全一樣
咁難理解？//
42A 兜長荔深影響一部份嘅青衣南乘客？嗰啲唔係乘客？佢哋成條線嘅客量接近40%喎......你攞42同我講黎做乜嘢，你知唔知自己講緊乜？
//你話到42A繼續擺佐敦冇效率
我又想知縮短有咩效率？68X當日縮短係減唔到用車，換言之擺去大角咀同直去佐敦要用嘅車係一樣架
所謂縮短並無增加效率，反而得失所有流水客，以及平價青衣南出油麻地佐敦，得不償失
當每班42A幾廿個流水上上落落，每位$6.8
變成推流水客上60X？笑話嚟架？係咪要笑架//
縮短咗效率係乜嘢都唔知？假設本身啲車要私落去西九龍站做返去青衣，而家只需要私去奧運站，一轉車慳咗最少20分鐘，呢個唔係效率？68X 縮短梗係減唔到車，因為268X 同時轉做全日呀嘛，本來係29部車淨係做68X，後來變咗做29部車做晒68X+268X，即係68X 變相用少咗一半車喎......你啲數學係咪零分？旺角去大角咀嘅時間少定係旺角去佐敦嘅時間少啲？少啲嘅話係咪用少啲車？
流水客得10%，有咩用？青衣南唔坐改快後嘅42A 去油尖旺可以坐乜嘢？248M/249M<>地鐵？10幾蚊喎
去到呢度我就更加唔知你講乜嘢，如果全部流水客要上60X，位位$12.8喎，九巴唔係仲賺咗咩？
//提埋你，41A當日係收7.8，青衣北去尖沙咀油麻地巴士只有$7.8嘅41A，青衣南係$6.8去油麻地佐敦//
咁而家青衣北去尖沙咀唔係一樣只有$8.9嘅242X？油尖旺段upgrade 上$8.9有咩問題？係本身42A收得太平咋喎，坐地鐵青衣去油尖旺要$10.7添，仲未計$4駁腳
//至於區議會，唔好淨係識二元對立啦//
我上面邊隻字係二元對立？42A/43C根本係由青衣區主導，九龍區有咩話事權？
//最後，原來青衣南重組你係唔諗住唔做尖沙咀
唔做尖沙咀不如唔好做
比著我住青衣南42A密密嚟仲好
唔講咁多
唔啱channel傾嚟都冇意思//
我唔知你係咪眼殘，我上面兩個計劃都有覆蓋尖沙咀，42A 總站我係建議去麼地道
其實你都唔係住青衣，你點知依家個問題係乜嘢啫...
成日係咁流水客流水客，不如你搵日去坐吓，睇吓42A嘅流水客有幾多百分比先啦
//BTW我淨係知道而家出到5G
幾時九巴做6G咁犀利//
我意思係42A 唔係6號嘅分支，條線係用嚟服務青衣人，你要玩流水咪坐6...
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
