重組九巴 41/241X/46 及 43C/242X

SE7378 發表於 2020-4-7 20:26
其他野唔講咁多，凈係嗰句「坐得$6.8嗰啲都係兩蚊客嚟㗎啦」......
哈，乜原來 42A/43C 全車客都係兩蚊客 ...

我冇諗到佢講緊北行......

似乎呢度好多人忽視左一樣野，42A唔同41，青衣同埋九龍城嘅乘客各佔一半，42A係青衣客為絕大部份，咁想要西九流水可以要求開多一條6G，西九龍站來往美孚，由6抽車，但唔係走去郁其他跨區線，除非你啲流水客佔成條線嘅一半以上......否則其實都講唔通呀

做重組之前最緊要諗清楚條線嘅定位，究竟係邊啲乘客主導，用嗰啲乘客嘅角度去諗點樣提升成組線嘅效率，正如講話要重組960，冇理由去諗左香港島居民嘅利益先

ATENU364TC196 發表於 2020-4-7 19:35
我吹水？

其實你自己可以睇吓ETA 㗎喎，比較下現時41A同42A嘅時間分別，比較下大家喺青衣尾站去旺角站嘅 ...

賴地硬
根本無實驗可以做到 0 error
只要個誤差係合理就得
你就拎去弼街同去彌敦道比
傻嘅都知排隊轉出旺角站要坐底分鐘
好彩五點手痕 cap 左圖
由大欖隧道去旺角站
合理推斷
69X 耗時 34 分鐘
268X 耗時 24 分鐘
相差 10 分鐘，邊度嚟 18？

k58 發表於 2020-4-7 20:48
賴地硬
根本無實驗可以做到 0 error
只要個誤差係合理就得

荔枝角唔塞車就係，咁塞車嗰陣呢？
仲有你證明左咁又點？10分鐘係唔係時間先？如果唔係快咗嘅話，41A，268X改黎做乜嘢？

而家42A/43C 重組你有咩損失先？冇嘅話咁有咩問題？

ATENU364TC196 發表於 2020-4-7 20:31
咁樓下堆車無端端俾人改到咁，有點兒情緒亦好難避免
//其實呢，重點唔只係高鐵站西九流水，
仲有 42A 班 ...

如果純粹係美孚、長沙灣道 <> 西九龍站流水，
其實 238X 都算係一個合理嘅替代品嚟，
反正去程由匯翔道行過去，回程行去柯士甸站都唔算好遠，
依家就算搭 42A 總站落車都要上平台條天橋先到 ......

但 42A 講緊最密係可以去到兩繁 5 分鐘一班，
依家條 43C 最密都只係去到 15 分鐘一班，
貿貿然將 42A 青衣南 <> 長沙灣道一段推曬俾 43C 做，
成組線九巴要加幾多部車先夠？又有幾多著數？
青衣南 <> 長沙灣道服務質素肯定跌左唔少，
油尖旺特快效果唔強但又加左兩級收費，你肯定真係會過到區會？

不過，我都認同 42A/242X 咁拆法未必係最好，
如果我上面個方案所講嘅問題都解决得到，就真係我心目中最理想啦。

ATENU364TC196 發表於 2020-4-7 20:38
點只10分鐘？你上繁荔枝角閑閑哋都唔見咗4-5分鐘啊
//唔同268X重疊囉
好難明？//

搞清楚一樣嘢先
我講咗咁耐242X回程行旺角走，唔跟280X行出海皮，就係因為出海皮段路冇客得嚟唔快得過入旺角好多，所以索性行旺角執班客
同68X 268X根本唔同

242X去程尖沙咀特快做埋西隧，向青衣西南居民提供往港島轉乘，據本板青衣板友需求巨大
因此青衣南開一條15-20分鐘一班242X唔會撐唔起

算啦
夏蟲不可語冰呀嘛
我都係收聲好啲

SE7378 發表於 2020-4-7 22:16
如果純粹係美孚、長沙灣道  西九龍站流水，
其實 238X 都算係一個合理嘅替代品嚟，
反正去程由匯翔道行過 ...

//但 42A 講緊最密係可以去到兩繁 5 分鐘一班，
依家條 43C 最密都只係去到 15 分鐘一班，
貿貿然將 42A 青衣南 <> 長沙灣道一段推曬俾 43C 做，
成組線九巴要加幾多部車先夠？又有幾多著數？
青衣南 <> 長沙灣道服務質素肯定跌左唔少，
油尖旺特快效果唔強但又加左兩級收費，你肯定真係會過到區會？//


用Plan B嘅，42A+43C 繁時個盤有成31部車，42A 主方向12分鐘一班，逆向20分鐘一班，用10部車，其餘21架基本上可以推晒落去43C，暫定主方向7-8分鐘一班，逆向15分一班，其實都綽綽有餘，仲可以將主方向加上去6分一班


俾盡43C主向6分一班，逆向15分一班，咪最多用緊17部車，加埋42A 10部，仲有四部剩咗出嚟添......因為43C 係奧運站開，基本上係減少咗拖卡出現，服務質素其實又唔一定會跌


至於收費問題其實去到2020，市民未必真係咁介意價錢，反而觀感更加重要，948E 就係夠快，$20.2 都過到區議會，42A本身其實收平左，同41A 睇齊又唔係好過分嘅......

10598C 發表於 2020-4-7 22:17
搞清楚一樣嘢先
我講咗咁耐242X回程行旺角走，唔跟280X行出海皮，就係因為出海皮段路冇客得嚟唔快得過入旺 ...

//而且242X只係單向北行所謂重疊，只係佐敦道至亞皆老街之間//


我一直知你講乜嘢，但係或者我唔提及呢個重疊先，討論埋242X 去程應該點行

//242X去程尖沙咀特快做埋西隧，向青衣西南居民提供往港島轉乘，據本板青衣板友需求巨大
因此青衣南開一條15-20分鐘一班242X唔會撐唔起//

基本上依家青衣都有948，邊個會特登坐242X 去轉車？只有非948服務時段先有用咋喎......我想講而家嘅242X嘅尖沙咀乘客維數都已經唔算多，你依家仲要特登淨做尖沙咀特快，客量係咪真係理想？

隔離41A非繁忙時間都係開20分鐘一班，尖沙咀嘅乘客都唔知有冇30%，一條242X 開20分鐘一班仲要淨做尖沙咀？如果做埋旺角，油麻地一帶係咪好過直插尖沙咀？

同埋你都冇俾到一個詳細嘅用車分佈，43C六部車全部攞晒去行242X，長茘深全日只係得返42A，但係42A冇加車，係咪真係行得通？

//算啦
夏蟲不可語冰呀嘛
唔想對牛彈琴
我都係收聲好啲//


如果你選擇用辱罵呢個最低俗嘅討論方式，隨便你

ATENU364TC196 發表於 2020-4-7 09:24
60X 起碼有個轉車站，63X 可以做到特快功能，所以60X 繼續做流水亦不無理由，仲有2、6嗰啲都可以做㗎
何 ...

一次過回晒，反正咁多篇回應都無太多新 points

63X 存在呢件事並無令到 60X 由美孚碌到佐敦變得更合理，相反 60X 北行係幾乎唔會有兩蚊以外乘客美孚或之前就落車

但 42A 情況好唔同

你問我，我係好同意應該要盡可能將堆做緊旺角以南既新西線提速掟上公路架，但係咪流水一條不留呢？

如果你問我，我既願景入面，長遠應該淨係留呢五條：32 42A 69X 234X 238X，但 234X 縮到佐敦

238X 唔使講，中港碼頭唯一流水，海濱亦唔夠客拆全日；
234X 本身出旺角都唔慢，不過其中一個值得諗既重組方向，係佐敦為界拆線，尖咀特快線佐敦油麻地後就上公路，再延長去深井，但要拉埋 234A/B 先有得重組；
69X 本身天水圍唔夠客。我無研究過 69X/265B，如果有方法重組到條 269X 出來既話，我都無任歡迎；

32 係要配合上葵同梨木樹重組，反正去大角咀同去佐敦時間唔差得太多，留一條疏車既平價流水線，代埋 36B 落佐敦；36B 收檔變 36X，同 35X 重組上葵段服務範圍

剩返 42A，係咁多條線入面唯一稱得上班次頻密的，而且係唯一一條 $6.8 兼行晒長沙灣道既（32 食 36B，入元州街係唔應該，但點都走唔甩一段荔枝角道同汝州街）。原本 N 咁多條線變成得返呢五條，仲要得 42A 係密車，食到既流水客量自然會增加，重要性亦得以上升

你話用 2 6 做流水，一來兩條都唔係行長沙灣道，二來更重要係唔入佐敦道同西九龍站，呢個功能得 42A 做到。除非倒走晒班客，否則巿區流水線行既街道係重要既

根本 42A 就有少少似 1A 5C，靠班次頻密生存。1A 一樣唔係快架，但班次夠密，依然阻唔到條線密食當三番，亦係中、下秀往來旺角既主流選擇。既然行之有效，就無謂搞佢，點拆特快都無理由搞到 42A

43C 非繁行車時間大約45分鐘，假設出九龍上午12分部，下午15分部，返青衣上午15分部，下午12分部，咪啱啱好9部車囉

42A 青衣段行車時間大約10分鐘，青桃樓至旺角大約10-13分鐘，旺角至西九參考268X大約15-17分鐘，非繁最多40分鐘其實一定行完，5部車問題其實不大

最多242X 非繁唔好開，咪可以俾43C/42A非繁各加一部車

你呢D簡直係亂來，原來你計一轉派幾多部車係唔使計休息時間

42A 一單連休息畀緊 70-80 分，就算你改快後，樂觀少少一單連休都要畀 60 分，5 部車只能做 24 分一班，除非你要司機同部車返到站頭都無得休息

43C 又係，對比返里程短少少既 37，一單連休都要畀成粒鐘，除非你 12 分時段只係做少於個半鐘，否則無乜可能 9 部車夠跑

而青衣南本身無尖咀線，如果拆條快線都唔去尖咀既，不如唔好開

我相信青衣南都想要旺角特快線，但如果條件係往來深長荔減三分一到一半班次、去油麻地佐敦加兩蚊，我就唔信幾多人支持咁做；最後結果隨時係 42A 又留低，旺角又開多條特快，兩條線旺角到佐敦之間並存，想平想快都有得揀。你都識話咁做無效率，但呢個會係又想要旺角特快又想唔加價既唯一令居民接受方法。況且重疊得來，其實去佐敦同去大角咀時間唔差得幾多囉。淨係捉住好多人想要旺角特快，唔講下有幾多人同意你提出既代價去換，根本係以偏概全

我提出呢個方法得一條半線重疊，已經有分別


仲有，好多版友都講左，唔知你點計到 42A 行西廊快 18 分。隨手 YouTube 搵 42A 41A 無剪接行車片比較，青衣上橋到彌敦道荔枝角道口根本都係快 10 分多少少，最盡唔超過 15 分

其實好簡單，既然青衣南既居民接受42A平價又密車碌出去旺角，
咁咪又佢囉。

搞咩特快？

S3BL100 發表於 2020-4-7 23:20
一次過回晒，反正咁多篇回應都無太多新 points

63X 存在呢件事並無令到 60X 由美孚碌到佐敦變得更合理， ...

基本上你講既五條新界市區流水線……

32：就算同其他上葵西九線重組完，都只會行荔枝角道果邊，所以唔關長沙灣道事。
69X：或者咁講，當而家268X有40%係欖隧轉乘客既時候，開條269X做兩繁 + 夜晚單向去天水圍（當然唔會天瑞止步），係咪無得做？又唔係。只不過，非繁應該都係69X一線走天涯。
234X：根據234A同234B既行車時間，其實兩線唔差太遠。所以，整條深井、汀九、西約直出旺角去尖咀既線，唔係無得諗。至於234X應該點搞，方向應該都係同30X拆掂佢，所以應該無空間再做市區段流水。
238X：留低啦，海濱咁細講乜拆線？除非海濱自願放棄直出，逆走經荃灣西站先上公路，咁就可以諗下。不過俾我係海濱居民，咁點解唔留返條238X直出市區呢？

*********
所以，係我眼中，最後留返低做市區流水既，應該係238X。
另外，如果63X繼續停美孚，46都可以繼續做流水。
坦白講，SSP、長沙灣主要居住人口都唔係長沙灣道，而係青山元州、荔枝角道同埋深旺道海皮。
而長沙灣道去旺角、TST，坦白講，保鐵好過。
留返條238X同半條69X已經好夠。

因此，42A唔拆線，我覺得市區流水唔應該係絆腳石。
反而，青衣南居民自己想要平密車出旺角，先係主因。