建議開辦 96P 黃石碼頭> 彩虹

LauCT 發表於 2020-4-14 22:23
旺角車收$18，94收$6.8，加埋成25蚊喎！仲未計船費。比人一個較便宜的方法直出市區返工。
...

比人一個較便宜的方法直出市區返工?
咪搬出去近返工的地方住囉


咁留戀塔門、高流灣咪假日先返去住下

我想講, 樓主你聲稱話你唔係學生, 已經出嚟社會做嘢
我諗你應該要知返得工, 係要諗你點可以準時晌法定時間前返到公司
又再知道自己住得山卡啦咁遠
咁就一定要取捨

一係唔好返, 咁鐘意塔門、高流灣
就留番晌塔門、高流灣或附近返工
一係就要同現實低頭, 搵一處容易坐到車返工的地方
一係快啲學識渣私家車渣電單車代步
而唔係晌度幻想巴士公司開條線俾你由塔門、高流灣去返工, 去玩, 定去 shopping

cky 發表於 2020-4-15 02:05
比人一個較便宜的方法直出市區返工?
咪搬出去近返工的地方住囉

其實我有諗過建議開辦96P（西貢版75P），去到西貢之後如92特快班次咁出九龍，只係停大站，方便居民快捷地到達鑽石山站轉乘其他巴士路線。

RG28482X 發表於 2020-4-15 00:49
事實係西貢假日需求遠大於平日, 呢個唔係你鐘唔鐘意嘅問題, 係需求嘅問題, 平日做好接駁最近嘅港鐵站或轉 ...

西貢公路日日塞車嘅問題就證明咗西貢嘅通勤需求好大。

LauCT 發表於 2020-4-15 12:15
西貢公路日日塞車嘅問題就證明咗西貢嘅通勤需求好大。

點解會塞車? 就係因為大家都揸車返工, 咁又有幾多人坐巴士?
通勤需求大並不等於巴士需求大
多人坐92或小巴並不等於嗰個都去緊同一個目的地, 啲客去到彩虹就打散哂
完

RG28482X 發表於 2020-4-15 13:19
點解會塞車? 就係因為大家都揸車返工, 咁又有幾多人坐巴士?
通勤需求大並不等於巴士需求大
多人坐92或小巴 ...

就係因為大家都揸車返工所以塞車，因此應該開多啲巴士路線鼓勵啲人唔揸車改坐巴士返工，咁先可以解決塞車問題

LauCT 發表於 2020-4-15 13:24
就係因為大家都揸車返工所以塞車，因此應該開多啲巴士路線鼓勵啲人唔揸車改坐巴士返工，咁先可以解決塞 ...

你以為開巴士線就可以鼓勵到啲人唔揸車? 會唔會天真咗啲
我有錢做咩要同你搭巴士

RG28482X 發表於 2020-4-15 13:28
你以為開巴士線就可以鼓勵到啲人唔揸車? 會唔會天真咗啲
我有錢做咩要同你搭巴士
...

開小巴線都得架，交通方便咗，揸車嘅誘因就少咗。

LauCT 發表於 2020-4-15 13:41
開小巴線都得架，交通方便咗，揸車嘅誘因就少咗。

交通方便並不會使人放棄揸車
因為點方便都唔會方便/快得過私家車

LauCT 發表於 2020-4-15 13:24
就係因為大家都揸車返工所以塞車，因此應該開多啲巴士路線鼓勵啲人唔揸車改坐巴士返工，咁先可以解決塞 ...

好多村路冇公交, 啲屋同有巴士 小巴嘅路要行幾分至十幾分鐘不等, 荒山野嶺, 夜晚冇街燈, 住得入去又需要日日出外返工嘅, 都會為自己諗定後路, 私家車多就係咁嚟.

其實政府都鼓勵佢哋揸車出彩虹泊低架車再轉公交, 所以就有港鐵泊車轉乘優惠, 同樣東西喺上水都有.

唔係話鼓勵人揸車而唔用公交, 確實係呢啲地方住嘅人唔揸車真係唔方便出入.

如果只係得呢啲必需揸車人士, 係唔會造成嚴重擠塞, 但你都知揸車嘅人無處不在, 包括住正喺西貢公路兩旁嘅人. 除非你話北潭路 大網仔路出西貢市中心朝朝大塞車啦, 否則你無需要建議由黃石碼頭開巴士出市區中心.