171討論（個人經歷、宣傳、客量、定線、班次等）

全日171A+171P出九龍，吸引貪快嘅海怡丶鴨西居民
返南區照舊171便可

平田 發表於 2020-4-8 22:53
全日171A+171P出九龍，吸引貪快嘅海怡丶鴨西居民
返南區照舊171便可

難以想像非繁班次會係點。特別係東鐵過海後，其實171鴨脷洲已經好難以速度贏鐵，班次太差都唔會吸引。

JH_LE4612 發表於 2020-4-10 05:35
難以想像非繁班次會係點。特別係東鐵過海後，其實171鴨脷洲已經好難以速度贏鐵，班次太差都唔會吸引。 ...

如果兩線劃一非繁20,假日15?
171P加停業興街/銅鑼灣

bennyho1004 發表於 2020-4-10 12:03
如果兩線劃一非繁20,假日15?
171P加停業興街/銅鑼灣

先唔講客量係咪support到問題
為咗西邨非繁快一個字要全島疏一倍,好難過到
倒不如直接減少少班唔駛過區會,影響亦冇咁大

睇住171客量急跌（因為SIL）。想當年九城嘅171都係密密嚟，香隧間封（尤其Saturday下繁）寧願開兩三部171都唔開一部592。。。

有咗SIL後北行冇咗好多客（小弟係其中一人轉咗搭鐵），因為搭親北行都好大機會塞（就算唔塞都會慢過去油麻地打後嘅站）。南行客量跌得冇咁多，因為香隧南行極少塞，再加上南行不停銅鑼灣，所以都仲有唔少客。

正因為咁，唔塞嘅時段北行紅隧VS DGS打後嘅客係7:3甚至5:5，塞嘅時段就紅隧客為主。
而南行嘅紅隧就只係其中一個客倉（尤其夜晚8:30後至11可以MK坐滿然後去到紅隧頂閘）

近年搭多咗171(尤其而家寧願坐耐啲171都唔搭鐵)，有時真係好慢（北行SOH to MK 40-45 mins ，但有時又可以少過35 mins），南行就係未罷鐵時都會坐，因為南行會快啲（30-35 mins 點都會到[MK to SOH])

JH_LE4612 發表於 2020-4-10 05:35
難以想像非繁班次會係點。特別係東鐵過海後，其實171鴨脷洲已經好難以速度贏鐵，班次太差都唔會吸引。 ...

認同，雖然東邨口兩盞燈（SOH開）真係等超耐（時間長兼唔順燈），海怡人亦都唔鐘意嘥10 mins兜利東，但171P+171A全日真係唔夠客，25-30mins一班就真係搞唔掂

hoho900 發表於 2020-4-11 00:35
鐡路令海怡樓價大升
一係搬走一係買私家車岀入啦

條南港島線只係去到金鐘，咁都有得大升？搭南港島線主要係得去金鐘有優勢，其次中上環同過海，去銅鑼灣以東其實同廢鐵無乜分別，都係搭巴士出銅鑼灣有着數。更大獲嘅係，海怡嘅市中心喺邊？香港仔。條鐵掂都掂唔到。

我真係唔明點解當時起南港島線唔係優先起落香港仔，而係起去啲住宅區。市中心先係全日客位，外區人唔會無端端走入鴨脷洲。

re 樓主:
我識兩個住赤柱嘅frds喺九龍走一定係搭171去香隧落車行去新圍轉車（尤其以前未有SIL），佢地話咁係最快，相反方向就唔知，冇問，佢地非巴迷

呢條線我日搭夜搭，以171A 黎講，基本朝早8 點後都唔會無位坐，8 點29 同 8點40 兩班車分分鐘係小巴客量落橋，就算我搭開都贊成呢個時間班次可以執執佢，而8 點40 171A 尾車走後，第一架上利東既171 時間係超飄忽，一般係8點45 到利東，但有時係8點42 (即171A 尾車開左兩分鐘) 就到利東，而有時就8 點50 分先到，觀察下8 點50 分到利東既171 客量會好睇好多，亦解決左15分鐘內3班車後，就變到廿分一班既班次漏洞。但係未有SIL 前，171 超載既客量，係得罪左唔少鴨島人，近日武肺之下，城巴做10 至15 分班，九巴做20 至25 分鐘班，九巴幫手趕走左唔少171 客落地底，有日1342 送左171 車尾，下班九公司開1302, 我直落地底，當我個人已經去到TST 時， 時間先1302, 仲未計個ETA 準唔準時，咁既時間比較下，仲有幾多人會痴痴地等171