大家覺唔覺得現家巴士啲班次疏左好多

少了一批通學的乘客, 不僅班次變得疏落, 派車都改用單層客車來行走。

以前揸巴士相當惡做，人工低過而家好多，無冷氣又得半個鐘食飯
而且九十年代經濟依然強盛，人口無而家咁多，所以好多線開線基本盤就有12分鐘一班，好客少少就有得加班拆新線
而家無呢支歌仔唱了，唔係長期開30分鐘一班已經要還神

點解第一頁幾篇都係講而家，明明就唔係講緊而家疫情嘅時候

以前仲未做定點嘅時候，好多線都收咗車已經做唔到原本嗰個班次，又有好多線有位可以逼多啲人。仲有由低載直梯車變哂做高載車，結果咪搞到咁

我喺屯門長大，好記得以往58M有34部掛牌車非繁6-8，平日最疏9，假日最疏10，車海線唔使點等就有車，拖幾卡係等閒事，58X就17部掛牌車，開8-10最疏12，960就20部掛牌，10-12，但係而家條條線都減班，尤其係58M，出入市區除咗58X直達嘅地方之外就一定要靠58M去屯轉。

而家嘅58M越來越惡等，一至五繁忙時間更驚見12分鐘一班，之後都要10分鐘一班，喺轉車站等車返建生有排等。

58X亦都由以往嘅8-10閹到12，入夜後更加開15，等都廢時，見58M就轉車站見好過。

係得960無減過，非繁仍然開10-12。

最離譜嗰條叫51，以往平日係24-35，而家劃一60，閹成半班次，重要唔再喺錦上路站開，由屯門元朗出發要駁多程54／64K過去。以往錦上路站開嘅年代都重叫做有錦上路客直接搭佢出荃灣，而家直情趕班客64K轉西鐵算，好心唔想做就交牌啦！51係錦田出市區最直接嘅路線，好應該好似80年代咁做大佢先合理。
新界東亦都一樣，以往熱狗年代74A非繁20分鐘左右就一班車，繁忙時間靠中大直情可以坐得滿3+2座出市區。而家閹到條線用單層，一個鐘一班而且連觀塘都唔到。

至於市區線，我搭得最多嘅係904同905。以往904繁忙時間係8-12，非繁15-20，但而家只有上繁幾班15，下繁已經閹到18；905以往繁忙時間係車海，非繁忙時間8-12左右，而家繁忙時間車海依舊，但非繁越來越惡頂，有唔少時間已經去到同904一樣級數。喺石塘咀開住ETA睇904 905嘅班次有時都要等成十幾分鐘。
重有970同970X，以往非繁係各10分鐘一班，而家已經閹到各12。

除左疫症當前, 就係因為有ETA到站時間預報累事,
紅色巴士公司也在各個巴士站安裝屏幕, 來顯示路線仲有多少時間到達,
所以紅色公司覺得市民會看ETA來衝量自己等唔等, 搭唔搭,
減到74A班次你一樣要搭, 唔想搭就轉其他交通工具