西貢區巴士路線工作小組二零二零年第一次會議議程

leo_ku 發表於 2020-4-14 10:22
無人轉移視線，相信坐得將軍澳線多的人，都知兩架或三架寶琳車先有一架康城車。

同埋係未有98/797之前， ...

咁所以上繁係康城站上唔到車，定係坑口站上唔到車？
如果講未有98/797嘅年代，咁不如講吓康城同坑口嘅人口比例？
如果講康城坐鐵嘅班次，咁不如睇吓2009年之前將軍澳綫北角至寶琳列車以前比依家密22.2%，係康城通車而大減過一次？

「102極密」？請問閣下嘅思想停留咗喺邊年？上世紀？
坑口站cover到將軍澳醫院？係嘅，都109M或者慢慢行過去姐，
按閣下嘅邏輯，康城站一樣cover到清半、寶琳站一樣cover到康翠啦？

仲有回埋你390，又點人計百分比？點解唔自己計？不過算，我計埋比你，509樓自己參考。
再回391樓，尚德原來日間唔搭得796P？你又知唔知98D寶坑客量嘅比率？了解過先講啦唔該！
再回埋你392樓，觀塘道轉去296A同98A直達尚德/康翠只加9亳子，轉102加幾錢？又上唔上到車？人龍有幾長？
796X比98D就更加係笑話，不過kc兄喺393樓已經覆咗你，咁我諗唔使我再講一次啦。

p.s. 不如下次上吓官網、wiki、或者親身去搭多幾次先上黎學人reply?

poondriver 發表於 2020-4-14 10:13
咁又要loop返去之前個問題 既然差唔多咁點解要係康城慢而坑口唔慢得?

另外其實康城新樓唔係特別平 普通大 ...

都係果句，如果又係用非黑即白嘅「二分法」，咁閣下眼中嘅N293同98C係咪一樣？
康城兜坑口半圈 VS 坑口兜寶林仲要到埋山腳 嘅分別何在？我唔打多次啦，煩請自行參閱509樓

樓價方面，我諗樓價平唔代表唔值得擁有公共交通，樓價貴亦唔代表應以私家車取代公共服務。
所以閣下係指樓價點同公共交通需求掛勾？

ViviTse 發表於 2020-4-15 18:03
都係果句，如果又係用非黑即白嘅「二分法」，咁閣下眼中嘅N293同98C係咪一樣？
康城兜坑口半圈 VS 坑口兜 ...

師兄講得啱，好多人思想好奇怪同單一化，覺得樓價平 = 公共交通差係預左

如果咁講法，豪宅應該樓下有十萬條線，公屋應該乜都無先係

另一個角度係，如果係咁咁九龍站等地方應該無巴士先係

RH7685 發表於 2020-4-15 16:08
你地話㗎嘛
入寶琳已經唔開胃
咁康城入坑口點解唔可以話唔開胃？

真係要叫你一聲大佬...坑口入寶林, 不論行車時間上好, 行車里數上好
都遠比康城入坑口半圈多/ 長

所以話康城入坑口半圈唔開胃嘅時候
坑口係咪更加唔開胃呢?

其實我真係唔明點解各位師兄會覺得98入坑口半圈會係一件對康城好嘅事, 你話康城班次密左, 但係密嗰5分鐘, 入一入坑口就冇。可以分流113, 出成

WongKinYat_WKY 發表於 2020-4-14 12:27
你哋坑口唔鍾意98D/C/A其實真係唔關其他區事，你哋坑口己經要乜有乜，出西九98c，尖咀98D，觀塘102/98A， ...

都係果句，立場係乜都唔緊要，但「只問立場不講是非」恕我唔能夠同意。
點樣要乜有乜？其實你係咪講緊你個康翠咋？
出西九98C全日直出，出觀塘98A全日直出、想兜吓風景仲有93A、95M揀，出荃葵290全日直出。

我唔知你拉埋將南落水做乜，但若果你又要拎佢同坑口比較，
將南出西九有更平更快嘅296C及796C，出觀塘有更平更快嘅296A，出尖咀有更平更快嘅296D及796P，
出紅磡土瓜灣尖東就有更平更快更密嘅796X，出荃葵更有3條全日線+1條繁時線可以選擇，
更有閣下非常吹捧嘅將軍澳綫、將南(調景嶺)更有觀塘綫直出，上黎吹水都唔該做足功課呀？

咩叫「有小巴唔夠」？小巴停轉乘站？小巴有觀塘道轉乘？小巴喺觀塘道要等幾多班先上到？你不如落去搭吓先講？
咩叫「嫌三嫌四」？無人奢求過要好似尚德/康翠咁$0.9/1.9直達觀塘道轉乘巴士線，
就算比起尚德，比多3倍、4倍、5倍、6倍價錢去維持速度都無所謂，但事實得唔得？
就算比夠10倍價錢，$0.9 x 10 = $9.0 始終都係完全唔能夠維持速度去做轉乘啊！
「有鐵就嫌迫」？上繁坑口站唔通零留後？班次唔通無削過？
尚德有天橋都行10分鐘，咁坑口北/富寧/厚德/田下灣果d經行人隧道、
過幾條馬路、10分鐘都未必到、甚至要轉乘109M，唔通果d唔係人？
咁閣下個邏輯，你個康翠都一樣有寶琳站啊？咪又係步行或者坐小巴姐？

咩叫「尚德巴士班次得296A/290係真係有心做」？796C、796P、796X、290X等等唔係巴士？
如果呢d叫hea做，咁你試吓叫佢地唔好搭/停辦呢條線睇吓點？

坑口叫做有「頻密巴士及地鐵」，真係做足功課先上黎吹水啦唔該......
你自己計吓將軍澳站比坑口/寶琳站多幾多%班次先啦，調景嶺仲要係觀塘綫直出，頻密？搞gag咩
至於康城疏d以現時人口並非唔合理，你自己計吓康城區嘅人口都知，同坑寶差幾遠啦？
仲未計坑口會有康翠98A轉乘客、298E將工轉乘客、11/11M/91M科大轉乘客、101西貢轉乘客等等，
而使用量高咁多，都喺2009年每小時22班車割到得返18班車出黎，就係為咗方便康城入伙。所以閣下係咪依然覺得好密？

但係唔好去打人哋將南98嘅主意，因為98啲資源係比康城/將南

回埋你413樓，原來上黎B2板建議吓一個更善用巴士資源嘅方案都叫「打人哋主意」，
咁不如你去問吓某區議員，當初拉98A特(aka 98B)、98D特、98S、290要開分支290X、796X、
A29P特、N796特、康城站通車令寶琳班次大減等等又何嘗唔係打主意？

覺得98C/A唔好，但一樣有坑口人塔，試問聲你哋坑口D巴士唔靠寶琳點夠客？

98AC兜路兜到咁，都仲有唔少坑口捧場客，加上坑口站經常唔少人流，豈不是證明直出客量會更高？
如果「試問聲你哋 XX D XX 唔靠 XX 點夠 XX？」呢個句式咁好用，咁我又學吓你先：
》試問聲你哋康翠D 98C唔靠寶琳坑口點會開得咁密？
》試問聲你哋康翠 D 798A唔靠寶琳點夠客？
》試問聲你哋康翠D 690唔靠寶琳點夠客？仲要全日喎
唔係想「膠」化個討論，但唔該拎事實出黎講，而唔係拎呢d萬能句式出黎。