分享新巴故亂改道

由於配合 18/4 凌晨旺角道橫跨彌敦道行人天橋工程，所以途經彌敦道北行嘅路線都要改道。

話說今晚搭左幾轉N122，結果兩程新巴都係亂咁行。首先第一程往美孚方向，原本係咁改：駛至彌敦道後，改經亞皆老街，右轉塘尾道，右轉太子道西，右轉荔枝角道，右轉上海街，左轉弼街後返回原線/////弼街站暫停使用/////臨時站：塘尾道近投注站

不過新巴車長實際係: 去到上海街錯過左轉入弼街路口，結果沿上海街返番去亞皆老街，再左轉亞皆老街，兜咗個圈再行多次，明明前面有架九巴N171轉左入弼街，新巴車長就懶醒唔跟住行。
但係之後去到塘尾道本身應該係右轉太子道西，但係唔知點解今次又冇轉，然後直接行荔枝角道右轉黃竹街，再返回原線。全車就一齊兜圈兜多咗20分鐘，仲要由北河街行返去太子。


之後往港島方向，本身係駛至長沙灣道後，改為左轉界限街，右轉勵德街，右轉太子道西，左轉洗衣街，右轉亞皆老街後返回原線 //////太子站、水渠道站暫停使用///// 臨時站：洗衣街伊利沙伯中學 或 亞皆老街旺角站

但係架新巴實際係去到界限街，右轉窩打老道，直去公主道，直飛紅隧........結果旺角打後彌敦道巴士站嘅人上唔到車，而車上嘅人又要喺紅隧搭返回頭車返旺角....

反而九巴就真係跟足通告咁行，冇出現好似新巴咁嘅情況，其實一般非突發性嘅改路，巴士公司係咪做得唔夠俾車長知道條路係點行？定係根本係出咗通告但係又冇人睇冇人跟呢？

車長識行咩路未行番自己行過的路！始終特發改道都無操過線

如果你識行，點解唔幫個車長呢？

noname617 發表於 2020-4-18 03:43
車長識行咩路未行番自己行過的路！始終特發改道都無操過線

一早plan曬仲叫突發？

dennis28a 發表於 2020-4-18 03:43
如果你識行，點解唔幫個車長呢？

首先，唔係個個都聽人教嘅

第二，上述兩程車，第一程車個車長一路揸一路爆粗，鬧小巴佬阻住條路啦，又鬧成日都要改路阻住哂，勁燥底，恕我就唔夠膽教佢點行喇，況且佢都miss左個路口，我都唔識點教番佢行番啱。第二程呢，車長揸得勁快，佢呢頭話唔停旺角，轉頭已到轉左上窩打老道去埋公主道，我點同佢講？而且佢語氣係勁肯定

其實點解唔諗條好D 既路或者派人幫手指路？其實太子道西直去，係返運動場道出返去太子咪算

幫幫手入張Form, TCU 見啦

一向改道都好亂 尤其是成日覺得通告係巴士迷睇得深入過司機  所以難惟城新有路線改動時 要在路口／即將改道前的一個巴士站貼指示

Billy~~ 發表於 2020-4-18 04:40
一早plan曬仲叫突發？

司機睇完通告點改道又點﹐你可確保司機去到相關位置時﹐真係記得官方路線點行法?

又唔係日日都要改路﹐有幾多司機真係用心去記點改法。


一向實施時間短的改路﹐都係靠司機及乘客自己執生。
就算司機及乘客跟足指定路線去行﹐都可以有突發事令到臨時再改路。 * 不針對個別改路事件去講


當然﹐你唔滿意司機行錯路﹑唔依通告所講的改路方法行駛﹐歡迎你向巴士公司/政府相關部門投訴。