AE線分工及定位

A線巴士班次疏落，而且經常甩班，導致趕飛機之旅客被逼乘搭E線。

親身經歷：我去伊斯坦布爾旅行，回程準備搭飛機，我住嗰間酒店行10分鐘左右就有豪華巴士路線直達機場（係真直達，幾乎完全唔兜路嗰種）。但係豪華巴士班次極度疏落，要半個鐘先有一班，點知去到巴士站，個ETA就話收車，成班車刪除咗。喺嗰個情況之下，如果等多半個鐘嘅話嘅結果必然係趕唔到飛機，結果「被逼」拖住行李逼一個站Metrobüs再轉乘普通常規路線（同樣都係行走高速公路嘅，不過用普通巴士行走，無行李存放設施嘅）。

我都有諗過機管局出資
(由離境稅抽取)用月結或
員工先去到嘅範圍設拍卡站
令員工可E線價搭A線,咁唔需要
攪攞喼附加費,不過即使早一兩年
落實,現旅客量暴跌變相要機管局倒貼。

E線GTC員工晒證先准上
始終唔好睇,亦唔見得巴士
公司唔收E嚟開A,更甚係E線
往機場方向時無法執行。

至於有人話A線疏
萬一收車焗搭E線問題
A線係開得太濫,有啲線
服務時段短過E線嘅定位
係咩?(機場頭班開0900甚至
更晏,E線嘅車/車長已減,夜更
機場放工要承擔,想搭A都唔得)

kitarolo 發表於 2020-5-12 17:50
我都有諗過機管局出資
(由離境稅抽取)用月結或
員工先去到嘅範圍設拍卡站

即係話A線應該集中淨係做人口密集嘅市中心而班次密，繁忙時間唔多過5分鐘一班，非繁忙時間唔多過15分鐘一班？

kitarolo 發表於 2020-5-12 15:56
故此，各A線理論上不應途經國泰城（及民航處總部）。就算途經，亦不應影響機場登車/下車之乘客，即北大嶼山 ...

巴士公司想收A線價,弊在等車兩次
點解一直祗有開E43呼聲,而無人話
想有E10/E12之類,就係因為E11本身唔算十分滿,但北區嗰種情況落元朗或
欖隧轉價錢已迫近A43兼E34B已多客,
用東鐵到大埔或沙田轉嘅亦應exclude.

若然E34B完全唔做機場旅客，只做機場員工及東涌，相信可以負荷到279X欖隧轉車嘅北區客。

我喺另帖發表過但被剷到暈
我建議係攞喼搭E線需收附加費
空勤員憑身穿制服豁免,GTC上車
容易實施,往機場可在落車時用流動
八達通/錢箱收取,此項收費不設長者
優惠。

收附加費的確問題多多，我話我只係攞住個喼，但我唔係搭飛機。咁樣已經冇佢扶。

講真E線行李架一滿而
唔准放走廊或輪椅位嘅
兼嚴厲執行0.1立方米守則
似係較平衡利益嘅做法。

所需人手太多，好難做到好似B1咁，元朗各站揾人截住「行李過多或過重/大」嘅乘客。行李架爆就A線都會發生。城記A線都成日爆廠，尤其係早機時段，行李架裝唔哂，連走廊位 輪椅位甚至頭軸到放滿行李。

例如GTC早上0600、0800亦有人放工,
唔計武肺以A37及A47X為例,由機場開出
嘅頭班車分別係0900、1005, E41早上入
大埔亦可收到40分鐘一班,咁建議E線撤出
GTC、迫攞喼客搭A線就明顯變得不合理。

或者中午前由北大嶼山往新界各區嘅E線照做喼客，始終嗰個時段東涌冇乜人上車，唔太驚E線會載唔哂。再唔係A線提早頭班車，但肯定會冇咩客搭，盞燒油。機場旅客好多嘅時段，例如早機時段，就強制全部搭A車。

S64系龍運獨營,S52更完全不到GTC,根本
係應該龍城聯營S54並設A線轉乘,A線咁收費,
講遠少少轉S1/R8亦應免費,點拆帳佢哋自己諗。

機場島內嘅交通又係另一個頭痛問題。開得太多線，又係麻煩，遲早好似機場啱啱開咗無耐就執咗一大堆線咁。其實S64只係東涌去機場客運大樓先兜，後勤區去客運大樓已經算係直接。至於S1，東涌去客運大樓係好快，但回程就慢，要去埋博覽館 東岸路。S56就疏。R8就唔喺到講

長遠我有另一建議就係往後
祗批E線加價而A線凍結收費,
直到E線達同區收費嘅80%為止,
先再可以劃一百分比調整

8成高得濟，始終機場線係應該收貴啲嘅。7成好啲。同埋機場員工可以畀A線價。我有個idea，就係利用旅客收費嚟補貼員工收費，類似東鐵綫羅湖/落馬洲價補貼上水以南嘅價。屯元天A線減咁多，應該只係賣大包，同埋車程介乎25至30公里，A線只可以收15蚊，但E線就可以收12蚊。同埋城記係貴過龍運多多聲，以40公里計，龍運只收$18.9，城記收$30。所以城記專二發過豬頭嘅最主要原因係貴，唔係客多。

miklcct 發表於 2020-5-12 17:38
A線巴士班次疏落，而且經常甩班，導致趕飛機之旅客被逼乘搭E線。

親身經歷：我去伊斯坦布爾旅行，回程準備 ...

放心啦，旅客強制搭A線，就連A47X A29P都可以開到20分一班

kitarolo 發表於 2020-5-12 17:50
我都有諗過機管局出資
(由離境稅抽取)用月結或
員工先去到嘅範圍設拍卡站

員工價嗰到，現有技術可唔可以唔駛哂證，直接拍八達通就可以收員工價，唔駛車長逐次撳掣？

AVBWU291 發表於 2020-5-12 18:23
放心啦，旅客強制搭A線，就連A47X A29P都可以開到20分一班

噉不如E線全面退出赤鱲角，去後勤區嘅請喺搭E線喺東涌，或者搭A線喺GTC轉機管局嘅免費接駁車。

吳宗錡 發表於 2020-5-12 18:43
噉不如E線全面退出赤鱲角，去後勤區嘅請喺搭E線喺東涌，或者搭A線喺GTC轉機管局嘅免費接駁車。 ...

你嘅建議，其實類似屯門各區整幾條M線出屯轉，然後乘客再喺屯轉搭幾他線出市區。咩59X 259D 960，全部唔入屯門，一律只到屯轉

本討論重點係將機場旅客同機場後勤區員工/東涌乘客分開

AVBWU291 發表於 2020-5-12 19:06
你嘅建議，其實類似屯門各區整幾條M線出屯轉，然後乘客再喺屯轉搭幾他線出市區。咩59X 259D 960，全部唔入 ...

噉如果E線淨係去到後勤區同埋東涌，完全唔入客運大樓，連暢達路都唔經嘅話又得唔得？

吳宗錡 發表於 2020-5-12 20:07
噉如果E線淨係去到後勤區同埋東涌，完全唔入客運大樓，連暢達路都唔經嘅話又得唔得？ ...

舊帖重溫

似乎機管局都有意精簡E線喺機場島
上嘅行走(無提是否維持GTC做總站)