路線2 5X 18 18P 18X 25 90B 720 722重組建議

Busmtr 發表於 2020-5-19 11:56
當我夾硬抽走佢哋鴨仔，長途客仲有咩選擇？
1. 電車
2. $6.8特快線720 722

可以話你聽，唔會去720，722囉。

根本最有問題係720同722而唔係2。
另，以新巴性格，肯定唔會直接倒車落720，722。

kay 發表於 2020-5-19 08:34
流水線問題係任何一個站都有人上落,要斬線係非常難

好似嘉亨灣到大坑呢段,81都補唔晒D位

流水線問題係任何一個站都有人上落，要斬線係非常難。


我認同，但係我唔係斬全條線，只係斬尾段。只要頭段中段所有位都有合理補償就可以。


嘉亨灣到大坑：大坑去上環有25，呢個正正係我拉25到港澳碼頭嘅原因。大坑依家多咗一條線，全日有3個選擇：2 5X 25。鴨仔去唔到嘅中上環，25全部補曬，站位、價錢都一樣，去銅鑼灣灣仔仲有多一個選擇，去堅尼地城亦都快咗，服務係有提升到。


,81都補唔晒D位
大坑到上環呢段,5X去唔到上環


中環碼頭至灣仔：建議中已經提及25有雙向分段收費，不過我承認要兜入德輔道中的確唔理想。話說我寫緊南區路線建議，寫到90B縮短到交易廣場，喺度諗可唔可以藉90B拉入中碼做埋呢班客？咁就唔使縮到中環。


至於15太多遊客，我就唔打算整雙向分段收費如果條線唔多人，其實論班次論定線，佢係最佳對象。


初步傾向25飛德輔道中，或者求其拉條南區線入中碼做(唔會加車)。可以係90 97或者90B。


中環碼頭至炮台山北角：拉咗18P落去，善用18P東行大量剩餘載客量。班客係會畀貴咗，但係佢哋都快咗，服務有提升到。


其實如果想18系併入2號，在所難免2號要提速。問題係2號性價比就會更加高，更加同720 722爭飯食，而720 722非繁都冇拆線改快空間... 即係全日唔可能2 720 722同時提速，維持一定時間優勢差距。


差距越細，特快線就越少客，越做越衰，對於坐開720 722嘅特快客其實唔公平...

Busmtr 發表於 2020-5-19 12:31
流水線問題係任何一個站都有人上落，要斬線係非常難。

其實斬頭尾段,有少少難聽過粗口

好似5B,斬頭尾段,一係斬大球場,一係斬堅尼地城
是但都一邊都會出事

2都係有呢D問題

25入返大坑,要睇炮台山/寶馬山面色
唔係話大坑想25入返去就得
而且入大坑又拉去港澳碼頭
行車里數長左
而25問題係行行下內告入返去電車路
東行過左交廣又入電車路
2直行去海富

18P停中環,西區會比?
18X停上環內街都比人插到飛起個陣
我唔認為西區會比

如果唔做瓜2,就要佢兜路行慢
但行大坑內告,東行行左一半電車路,真係都慢

反而720/722問題多多

720為左併埋720A,西行停金鐘,東行日頭金鐘站無720系

722為左做雙總站,吸內街客,結果東行離開交廣,要跟25入電車路
去到金星大廈先定轉出去,仲要塞灣仔北
2交廣後行大會堂,灣仔唔入灣仔北
客觀而言2比722更快,但只係因為722比新巴改慢,2先變得快左

改慢條特快線唔減價,都係一個手段掛?唔係下下快就得
722想站位就腳咪犧牲左特快
但東行依家整體都比以前多客左
以前非繁東行可以載空,依家幾十人都有

kay 發表於 2020-5-19 13:17
其實斬頭尾段,有少少難聽過粗口

好似5B,斬頭尾段,一係斬大球場,一係斬堅尼地城

25入返大坑，其實唔見得炮台山同寶馬山會有好大反對聲音。


先講炮台山，2號縮短、拉走咗25，但係同時我條18行清風街天橋不停站直達中環，去上環西營盤都快咗好多。比起2號係收貴咗，但係服務係有提升到... 回程有18 18P 做曬中上環，大家都有得快。


至於寶馬山，其實只係還原基本步，經大坑比起炮台山可能真係會慢少少，但係佢哋又可以一程過到上環，重組仍然有一定吸引力... 況且以25西行嘅成績，真係冇藉口唔畀條線改。客量真係太差，好多時落到炮台山，真係可以填5個人都冇...


至於重組後嘅25，灣仔返金鐘應該行入電車路，定係跟鴨仔直去海富，個人認為時間唔差得遠，行出面一樣可以塞到傻... 既然有2號行出面，唔見得25同樣有需要行埋出面，我盡量都唔想影響原本25班客。況且我拉走咗5X飛金鐘，晏頓街、太古廣場要25幫手補位...


關於西區對建議嘅取態，東行18P客量慘不忍睹大家都有眼睇。要講準則，咁嘅客量其實東行可以直接取消，西區返北炮直頭唔使補償，不過我已經好仁慈冇咁做，只係叫佢哋兜多幾分鐘...


我將18拉入西營盤，等18P快返幾分鐘出去，然後停埋碼頭。對於堅尼地城石塘咀，時間唔係差好遠，但係就可以幫18P攞個固定客源。


好明顯18P係棄西區取東區，但係我又換咗條更加有用嘅灣銅5X特快，性價比同有用程度都遠高於依家條18P，我又覺得未至於一面倒反對。


根本西區來往北炮就唔多人，仲要有條地鐵爭食。呢批客我覺得值得放棄，我又唔係焗曬佢哋坐10號，只係要兜多幾分鐘。18P兜碼頭嘅定線，相信仍然快過堅尼地城做總站嘅18。


720 722除咗你所講嘅問題，仲有一個大問題，就係根本冇咁多客畀你拆。


日間東行，720 722仲有唔少位，有空間可以食埋鴨仔堆長途流水客。但係冇咁多客，即係冇額外資源畀我哋拆線。將平嘅選擇減走，會有批客轉投貴線，又減到車，已經贏咗。


喺唔加車又要提速嘅情況下，無可避免有啲位要飛走。問題係比飛走嘅位，實會有人反對，所以其實好難做。


而我將頭尾段客集中落特快線，善用 剩餘載客能力，做大佢，繼而加班客量，高峰時間拆線，配合到主流乘客選擇，最符合大多數乘客利益，最能夠促進營運效率。


我都想改快722，但係唔拆線實有位補唔到；要補位即係要拆線，又冇咁多資源做同咁多客頂住...所以720 722除咗下繁，實在冇大改嘅空間。

brianso198 發表於 2020-5-19 12:06
可以話你聽，唔會去720，722囉。

根本最有問題係720同722而唔係2。

或者用另一個角度睇，720 722時間優勢係唔夠明顯。 問題係720 722 全日而言，已經冇再提速嘅空間。然而佢哋仍然有一定剩餘載客能力，絕對可以比鴨仔堆長途客推曬落去。班人係會俾貴咗，但係佢哋真係有快到，服務有提升。


調返轉，班人冇鴨仔坐，又唔要坐720 722，咁可以坐乜？ 坐得鴨仔時間已經唔係佢哋最大concern，而係price-sensitive嗰類... 所以班人坐地鐵其實講唔通，而電車對於大部分人嚟講，真係太耐...特快線可以話係平衡兩者之後，性價比最高嘅選擇。所以我唔明你話唔會揀720 722嘅理據係乜，而你都冇講過。


至於以新巴性格，肯定唔會直接倒車落720 722？


一嚟二月頭新巴曾經加過720班，二嚟新巴竟然肯行回頭路開番18半全日。我又覺得720 722加班已經唔係一件天馬行空嘅事。仲有兩線加班都係嚟自鴨仔資源，從平線抽車亦符合新巴嘅作風。

Busmtr 發表於 2020-5-19 16:20
25入返大坑，其實唔見得炮台山同寶馬山會有好大反對聲音。

2都減左車比18X,如果唔係720A得返早繁,其實多左車做特快

720/722平日非繁或者可以考慮二拆三
但問題係拆完3條都會疏車

甚或我認為唔應該非繁存在既18
呢幾部車撥比720/722拆可能仲好

但要特快既話,似乎都係現有基礎上開720X

但開720X,筲箕灣快過18X到中環,呢個應該過唔到新巴底線
但以720行法,除左飛金鐘,無咩空間再改

2/722沿途D騎呢位都好難搞,巴士公司可以唔改2/722,好過一次過改一大堆線

本來都傳話今年想CUT 5X,但5X CUT,25點都要入大坑,但應該計過區佬唔放
西區亦唔會比5X CUT,咪減到25分一班

kay 發表於 2020-5-19 16:48
2都減左車比18X

720/722平日非繁二拆三，我唔係冇諗過，問題係拆完3條都會疏車，加上東區人口分佈散，東南西北都有騎呢位要入。拆完之後，其實未必好吸引...


非繁根本冇咁多客拆，而且要做到完美補位直頭冇可能。所以我當初主張CUT 18X，一部分車可以過返落720 722，做個吸引啲嘅班次，尤其係722，班次都有啲趕客feel...


現實中嘅18，有價值嘅部分只係德輔道中返北炮，西行同18P overlap得太犀利，冇存在嘅必要。但係我嘅18已經食曬原本2號堆流水客，資源已經從2號 18P減車反映得出。由18系負擔2號一部分功能係有好處。


都係嗰句，18唔應該存在，18X一樣唔應該存在。18X最吸引嘅北角直達中環功能，其實18都做到；至於咩上環特快轉車，不如直接開條東區西隧線？所以喺我嘅建議入面，我唔見得18X全日有咩必保嘅地方。


一句講，18X CUT唔到，720 722唔使諗住全日拆線。 就算真係CUT得成，我都傾向做大班次好過。貿然拆線搞到三條都疏，咪更加惡等趕客，到時又製造咗另一條非繁嘅720A...


特快線要再拆得靚，暫時只有788有資格，都係西行全日入繞道，告士打道畀曬789。


而家720X客量都係麻麻嘅時候，其實我有啲擔心720X開全日，成績會好強差人意。

Busmtr 發表於 2020-5-19 01:59
我想知你條2P入堅拿道同天樂里有咩用意?冇啦啦得閒自創獨市位做乜野..仲要得3班

首先我原本個帖12點就已經開始打..你12半先話唔CUT 18X..我已經即時改番冇問18X既野..有D亂唔好意思

第一我見你冇CUT 18X我有改番係問你整個720系下繁資源邊度黎..唔再只係720X兩班
你又唔對稱班次私車更快..但你需要用多左資源(1-2車)落西行冇客既地方度
你確定用多1-2車比上環私金鐘好?另一種情況720西行本來就疏..有需要一定係720西行既車私落720A?

18X比例上北角係多客..只係條線客量低
非繁黎講20個客分分鐘有10個係北角上..佔整條線50%..咁已經叫客倉
你聲稱既"早繁後嘅客量話畀我哋聽，18X北角定價太高。"我就睇唔出..因為根本係成條霉但北角亦有捧場客
總體上客量低已經可以係CUT線既理由..我只係想講北角去中西區需求太低而唔係快唔吸引

你最後講既解決問題只係你假設
1同2都係你估2仔冇做中上環會流落去720/722..唔代表一定係
3就你冇改722我唔知你點加快
4就一定少左大坑流水而且5X冇線取代改唔改快都一樣咁搭
6就補番2仔個位咁都可以話客量提升
9我就睇唔出啦..2仔中上環行既位都唔會塞車點解縮金鐘就變左穩定呢
10就未見到但就見到3既成本增加
你唯一有做既就係5夾硬將灣北減班黎做左7同8呢兩個結果出黎
你所講既同樣資源我又好似睇唔到..頭先睇番你18同18P早繁好似比而家老新既密好多wo..車呢?

Busmtr 發表於 2020-5-19 16:20
25入返大坑，其實唔見得炮台山同寶馬山會有好大反對聲音。

SORRY AR
當年運吉行政指令隊冧條25C俾條特快你但收到阿媽唔認得咁貴
寶馬山已經係受害者你而家將條特快再改慢咁樣插多一刀法你又覺得俾唔俾呢

個問題係運吉玩串左個party..寶馬山如果蝕一分一毫你都唔駛旨意改到野
唔理條線有幾運凳

Busmtr 發表於 2020-5-19 16:41
或者用另一個角度睇，720 722時間優勢係唔夠明顯。 問題係720 722 全日而言，已經冇再提速嘅空間。然而佢 ...

電車同巴士最大分別係冷氣..其次係座位數量..呢兩個係除左價錢因素都會考慮既野
當你夾硬搶走人地條流水咁樣加人仇恨值
唔代表唔會退而求其次去左電車度專登唔搭你間公司既車

又或者你新加個BBI囉..去金鐘轉2仔

加多句..如果你個方法可行將獨市位全部擺番晒特快線落去補位
咁我諗港島唔需要任何流水線