路線2 5X 18 18P 18X 25 90B 720 722重組建議

Busmtr 發表於 2020-5-24 02:00
鴨仔入得灣碼仲要u turn係一定唔開胃，所以都只係個初步idea...

Emm..鰂魚涌被搵笨得幾緊要
冇左722鰂魚涌人要搭你條18X
18X冇收平到又要兜多個北角
然後18X又冇快到..又要停上環又要停灣碼
仲要30分鐘班搵鬼等咩...

mingfai31 發表於 2020-5-24 21:06
Emm..鰂魚涌被搵笨得幾緊要
冇左722鰂魚涌人要搭你條18X
18X冇收平到又要兜多個北角

我70#都有講「18X維持四個字一班，定線一樣來回唔停北角、取道中環灣仔繞道，但係東行就要用灣仔北出口上一上水停埋灣仔碼頭補位」


即係東行：...→石塘咀→港澳碼頭→繞道→灣仔碼頭→鰂魚涌→...


首先18X本身灣仔有6.8分段收費，喺灣仔碼頭上一上水當然都會加返6.8相同分段。而且下個站已經喺鰂魚涌，同722速度一樣。班次雖然會疏咗少少到四個字，但係本身搭722班人就快咗，其實受益人數真係多咗，鰂魚涌贏多過輸... 唔好同依家條18X混淆咗...


最唔理想嘅地方係灣仔碼頭冇快車直去耀東。不過一嚟佢哋仍然有條2A，假假地有條直車，二嚟有720免費轉乘優惠上耀東，提速手尾相比起金星金鐘少好多... 中上環班722客返耀東都會快咗，都值得討論嘅...

Busmtr 發表於 2020-5-24 23:17
我70#都有講「18X維持四個字一班，定線一樣來回唔停北角、取道中環灣仔繞道，但係東行就要用灣仔北出口上 ...

我真係鬼記得你#70有講過改線..又唔寫係#1
你話唔知邊度有大字寫過我勉強記得你話30分鐘班18X
你#1又話18X落北角我咪咁講囉
而家呢度咁多東區帖你估我真係記得晒你講既野

我只能講下繁告打係好塞既..分分鐘入灣碼仲比較快
可能連下繁722僅有既客都俾你塞走埋
上繁就冇所謂..非繁冇客就求其
所以你話原本722客快左我覺得有保留

mingfai31 發表於 2020-5-25 11:39
我真係鬼記得你#70有講過改線..又唔寫係#1
你話唔知邊度有大字寫過我勉強記得你話30分鐘班18X
你#1又話18 ...

正如我之前都講，722東區段冇提速嘅空間，只有金鐘金星同灣仔碼頭有得飛，而飛灣仔碼頭所需要嘅手尾少好多。


搵18X過橋始終由西區上車嘅客源唔多，我當然要將中環金鐘灣仔嘅priority擺高啲。況且18X停港碼、灣碼比起呢家經龍和道停告士打道嗰兩個站 時間我又唔覺得差好遠。演藝學院本身都成日塞車，分分鐘可以打和甚至快過現時走線。


我自己都係東區人，始終覺得入境直上東區走廊會快過兜灣仔碼頭，尤其依家咁多工程，仲有一堆巴士要喺灣仔碼頭排隊等埋站，其實好唔開胃。


如果係去紅隧，兜灣仔碼頭真係有機快過直行告士打道；但係如果去東區走廊，直行告士打道喺幾乎任何時間下都會快過兜灣仔碼頭。真係塞嘅都可以兜灣仔碼頭條路(替代路線)，不過唔使排隊塞住入站咁解...停少個站就係停少個站，一定有快到。


點解又一堆客唔會死等722有2號照上，就係722要兜入灣仔碼頭但係鴨仔可以直行唔使入去。所以時間上其實相差無幾，鴨仔仲要平啲。咁樣改法，客觀上722喺任何情況下都會快過鴨仔， 因為建議入面已經冇722要額外兜嘅路段，而鴨仔係唔使兜。


我希望做到個效果，係拉闊返鴨仔同722之間嘅時間差距，令更多人願意死等722。喺鴨仔唔可能拖慢嘅情況下， 722提速係唯一選擇，而灣仔碼頭就係唯一可行飛走達到提速效果嘅位。

P.S. 我一陣寫返改動嘅地方畀大家睇～

Busmtr 發表於 2020-5-25 15:19
正如我之前都講，722東區段冇提速嘅空間，只有金鐘金星同灣仔碼頭有得飛，而飛灣仔碼頭所需要嘅手尾少好 ...

首先我係冇講你722飛邊個站唔岩..我係問你點處理下繁告打大塞車問題
722除左早繁之外下繁算係有半車客..咁塞車會唔會令到堆人覺得慢又流左落2/720
A12都係因為下繁行告打而令CAD客少好多
而替代路線呢家野..只係俾位鹹魚入
你入灣碼鹹魚就話你做咩兜路..你行告打就話你做咩走埋去塞

720/P我咩時間都試過搭..講真行入面又唔係話慢好多..有時順燈既話其實都係唔差幾多
至於而家反而比較少塞到演藝..但塞到入境都仲係經常有

而你最尾個段我就唔係好明..點解2仔唔可能拖慢
我個2仔帖好似已經沉左幾日冇人肯回我

mingfai31 發表於 2020-5-25 18:08
首先我係冇講你722飛邊個站唔岩..我係問你點處理下繁告打大塞車問題
722除左早繁之外下繁算係有半車客..咁 ...

下繁告打大塞車就一定避唔到，始終入境舊客好大，冇可能唔做...所以下繁已經拆咗720X。特快線頭尾段其實真係唔吸引，720X目的就係要令720 722呢類特快線嘅頭尾段客提速，專做中上環→筲箕灣耀東。


個人經驗((可能我唔好彩，好多時坐722都係衰在灣仔碼頭...


但係飛入境可能性極低嘅情況下，飛走灣仔碼頭呢個都會塞車嘅位，相信對現有722客都有一定吸引力，至少鴨仔客觀上一定會慢過722。


而且灣仔碼頭畀條吉車嘅18X幫手清客，好過有架上到差唔多客滿嘅722入去，上唔得幾多個，又係曬全車人時間...


喺我個版本而言，2號拖慢會令金鐘金星入境去告打維都會慢咗，而且我唔希望因為車程拖長而需要投放更多資源落去...


如果學你改法，中上環去維園-北角都會慢咗好多，唔好忘記你連18都CUT埋，有條相對快少少嘅2號都畀你改慢埋... 仲有鴨仔其中一個客倉告士打道維園，又係做唔到，有好多人都會坐鴨仔由碼頭、金鐘金星、入境去告打維。


感覺上你冇理過中上環去銅鑼灣東至北角嗰班客，殺咗18又改慢2號，唔通叫人坐10號？尤其班客都多嘅時候，一味叫人坐10號或者就咁用BBI其實唔合理，呢個位點都要有合理速度嘅直車...

經討論後決定作出下列改動，部分為新增建議：


● 路線2P取道內告士打道
● 撤回縮減路線18X服務建議，只精簡停站：雙向取道中環灣仔繞道，不停北角；東行經港澳碼頭及灣仔碼頭，不停告士打道各站
● 路線25雙向分段收費建議撤回

● 新增路線90B改道建議：北行加經中環碼頭

● 新增路線720P更改走線建議：常規班次回復循環運作，東行經港澳碼頭後取道中環灣仔繞道

● 新增路線722精簡停站建議：晚上八時前由中環碼頭開出常規班次不停灣仔碼頭

Busmtr 發表於 2020-5-25 18:47
經討論後決定作出下列改動，部分為新增建議：

● 路線2P取道內告士打道

90B經中碼不太可行，會造成與7、91等惡性競爭，直接啲講即係明搶

chunglau 發表於 2020-5-25 20:51
90B經中碼不太可行，會造成與7、91等惡性競爭，直接啲講即係明搶

即係左手交右手....


90B北行中環至金鐘段都經常空載，順便兜一兜中碼執番小小尾段流水客係善用資源，否則以咁嘅客量其實可以將90B縮短到交易廣場...

90B咁多人，仲叫咁嘅客量