4X 白田―油塘

白田邨最新一期重建項目, 將會清拆第9-11及13座, 受影響租戶會獲安排遷入第1-3座原址新樓宇.

樓宇高度曾受飛機航道帶來的限制已獲解除, 所以當整個白田邨重建完畢, 白田邨連同石硤尾邨的單位數量將會大幅增加, 除部份單位獲預留作原區安置, 來自不同地區的新租戶, 勢必帶動新的對外交通需求.

白田和石硤尾居民可以靠港鐵石硤尾站出入各區, 但其分別夾在兩個使用量高的車站――太子站和九龍塘站之間, 有時有登車困難情況, 再加上石硤尾站上蓋大坑西新邨亦醞釀重建, 新增人口會繼續加大石硤尾站使用量, 故建議增辦巴士路線往返九龍東.

白田 石硤尾 大坑東現有往返灣仔 中區 西區 油尖旺 紅磡 九龍城 美孚 深水埗 黃大仙 新蒲崗 牛頭角 安達臣 藍田 油塘 大圍 沙田 馬鞍山的全日巴士路線, 惜往返近年獲「起動」的九龍灣及觀塘則只有繁忙時段數班巴士服務, 走線迂迴效率低, 只淪為主線的輔助角色.

藉此契機建議開辦全日特快巴士路線, 深入人群密集的深水埗電腦 衣飾及各式器材集散地 九龍灣商貿區及德福廣場 觀塘商貿區及市中心, 另配合茶果嶺一帶發展, 途經茶果嶺村公營房屋項目和油塘灣大型住宅項目, 以連接白田邨新巴士總站和油塘大本型.


4X 白田―油塘

每天全日服務

班次: 每10-12分鐘(繁忙時間, 包括假日)/每15-20分鐘(非繁忙時間)

白田往油塘

服務時間: 05:50-23:50

途經街道: 白雲街 南昌街 *(元州街 欽州街) 長沙灣道 天橋 界限街 天橋 太子道東 觀塘道 偉業街 勵業街 觀塘道 隧道 觀塘道 鯉魚門道 偉發道 偉業街 茶果嶺道 高超道

停靠車站: 白田總站 白田邨第9座 白田邨澤田樓 黃棣珊紀念中學 石硤尾商場 *(福華街 北河街) 黃竹街 花墟公園 明愛太子宿舍 喇沙小學 九龍灣站 大業里 順業街 勵業街 創紀之城 觀塘市中心 容鳳書紀念中心 麗港公園 偉樂街 茶果嶺天后廟 基法小學(油塘) 油塘站 油塘總站

*平日星期一至六早上9:00前開出班次, 過石硤尾商場後直駛出長沙灣道.

全程收費 $7.5
九龍灣站往油塘 $5.8
觀塘市中心往油塘 $4.5

油塘往白田

服務時間: 06:30-24:30

途經街道: 高超道 迴旋處 高超道 茶果嶺道 鯉魚門道 觀塘道 隧道 觀塘道 勵業街 海濱道 順業街 偉業街 觀塘道 太子道東 天橋 太子道西 天橋 荔枝角道 界限街 海壇街 南昌街 白雲街

停靠車站: 油塘總站 嘉榮街 油塘站 榮山工業大廈 茶果嶺村 麗港中心 麗港城商場 成業街休憩花園 創紀之城 勵業街 觀塘海濱花園 德福大廈 聖德肋撒堂 拔萃男書院 楓樹街 醫局街 汝州街 福華街 窩仔街 白田邨瑞田樓 白田邨昌田樓 白田邨第9座 白田總站

全程收費 $7.5
醫局街往白田 $5.1


本線主要功能:

白田 石硤尾 九龍仔 特快> 九龍灣及觀塘商貿區上班

觀塘及九龍灣商貿區 特快> 愛海頌 深水埗 石硤尾 白田

深水埗 特快> 德福廣場 Megabox apm 凱滙

麗港城 直達> 大角咀北 深水埗 石硤尾 白田

茶果嶺 直達> 九龍仔 大角咀北 深水埗 石硤尾 白田

九龍灣商貿區 觀塘市中心 直達> 茶果嶺 油塘灣

深水埗南昌街 輔助> 2E往白田

假日10分鐘會唔會太密？開15/20好D

I20091157 發表於 2020-5-24 11:10
假日10分鐘會唔會太密？開15/20好D

假日繁時即係日間行街時間, 其實唔少屋邨出市中心路線班次都比平日同一時間開得密.

經大坑東應該順路過經深水埗？
九龍灣停偉業街比較尷尬，夾喺觀塘道同宏照道中間

toby_tl10 發表於 2020-5-24 15:47
經大坑東應該順路過經深水埗？
九龍灣停偉業街比較尷尬，夾喺觀塘道同宏照道中間 ...

大坑東道順路得嚟多燈, 盞盞都等得火起.

行深水埗唔算唔順路, 特別係我設定早繁直接轉出長沙灣道上天橋.

早繁後行深水埗就係令到條線有雙向客源, 如果單做白田 石硤尾 大坑東, 可以搭番流水線6D轉車, 但由白田新樓出深水埗市中心, 4X係恩物, 新巴只有學校路線702A, 唔會夠爭.

行大坑東對東九客嚟講冇用, 對深水埗居民亦都唔吸引.

九巴打造296C做觀深特快其實快唔起, 一條旺角道, 一條亞皆老街已經KO左, 荔盈街違泊問題造成班次不穩, 中途站冇穩定班次可言, 所以要整一條真正觀深特快.


牛頭角有6D, 先建議行偉業街, 食下區外行街客, 去megabox同德福都近, 觀塘道巴士站繁時人滿為患, 商貿區收工行得出去好可能搭左鐵, 行完街嘅近近地有個站, 上車之後好快到MOKO 南昌街.

站喺我作為觀塘居民多年, 行偉業街對觀塘居民出行的確冇觀塘道咁吸引, 就好似將架車推入牛頭角道一樣, 但如果偉業街後用特快路段去目的地, 類似89牛頭角道後快速入沙田, 喺未有88 88X做山上客之前, 89觀塘客佔比唔低, 本建議有麗港城 茶果嶺 油塘灣墊住, 行偉業街總好過行啟祥道 宏照道 常悅道塞到天昏地暗.

繁時以外, 行偉業街唔塞車, 東行用勵業街出番觀塘道, 有另一招牌特快線215X做辦, 東九客係知做緊乜, 況且行觀塘道只得牛下同定安街區, 區外客睇唔上眼, 牛下居民搭番6D, 定安街區由順業街落車行過去都好近.

最重要係, 我唔想開條新線對舊線6D有太大影響, 畢竟6D服務範圍以往有6B取消過, 難得靠40改快後做番好6D, 地鐵新綫對6D影響不大, 就應該避免開新線打6D(淘大 啓業都係6D重要客源).

6P雖然四不像, 但東京街-創紀之城客量好係事實, 所以應該要開觀深真特快, 令6P做唔大, 待蘇屋 青山道客量穩定落嚟, 之後還番適量車畀6D.

其實本建議亦係趁觀塘區變天, 將6E翻生變4X.

6E沒落於工業息微, 市區居住人口流動至新界的時代, 現在市區有新住宅地和重建項目, 九龍東獲得起動機會, 好應該光復6E並加強硬件, 切合現代需求.

荔枝角站有40做緊, 長沙灣站一帶係住宅區, 民生商店居多, 就好似牛下對區外客冇乜用一樣.

深水埗站一帶係香港地道步行街, 加上白田邨人口急增, 跟蘇屋邨一樣遠離港鐵站, 所以建議新線由白田開出經深水埗, 再經以前6E觀塘區走線, 到達即將開展的茶果嶺 油塘灣住宅區.

現時油塘<>長沙灣有214線，會唔會考慮先開辦D繁時特別線服務白田？

白田有 214 去東九龍，2D 落九龍城

呢條線既作用係咩？

ViviTse 發表於 2020-5-27 17:25
現時油塘長沙灣有214線，會唔會考慮先開辦D繁時特別線服務白田？

本建議重點不在油塘, 如油塘灣發展項目有巴士總站, 本線不會放在油塘總站.

天空之神 發表於 2020-5-27 18:48
白田有 214 去東九龍，2D 落九龍城

呢條線既作用係咩？

1#已有答案.

EX-TL 發表於 2020-5-24 18:21
大坑東道順路得嚟多燈, 盞盞都等得火起.

行深水埗唔算唔順路, 特別係我設定早繁直接轉出長沙灣道上天橋. ...

老實，你想做觀深既話，蘇屋會實際過白田，起碼等同做到大半條青山道，亦可以更完美取代到 6P 既地位，唔需要留低條線


既然你都走左入偉業街，唔爭在入埋宏照道，megabox 同鄰近堆商廈先係九龍灣客倉，停德福大廈唔湯唔水，相對唔近你想做既 megabox

又，走左入九龍灣，唔爭在行埋承啟道出，做埋啟麗晴朗，咁就真係有雙向客源喇；兜完入去但中間做半直通，深水步段唔近地鐵位置來往九龍灣同觀塘依然有一定吸引力

油塘反而我覺得無太大必要做，一來有 214 同地鐵，二來車程都太長；觀塘段有得揀既話，反而我想做協和街同翠屏，一來都算係觀塘巿中心延伸，但又唔係喺正地鐵站隔離，本身亦無西九線

至於 296C，的確做唔到真特快，但我認為蘇屋青山道同海皮可以各有各做，客源都唔同；當然，想改快 296C 都唔得，但要搵到車去拆兩條，東行亦唔會脫離到亞皆老街，但可以再飛多幾個站


畀返我早少少既建議參考，同樣係東行界限街飛橋、西行太子道西飛橋定線。今日睇返，其實執左條 202，再加 5D 6P 既車隊，都夠做