路線重組如何處理紛爭

kay 發表於 2020-5-30 08:34
其實本人認為,多年來好多野都係無限LOOP
無人願意睇過去既人點做,去諗下其他方法

你所謂嘅金科玉律，
前設係巴士公司必須按照區議會嘅議決
(嗱，係必須按照，唔係諮詢，唔係參考下)，
去推展巴士路線嘅計劃。

而家睇落關連性不大。
又再用區議會嘅議決乜野人多蝦人少、夠惡就得去評論的話，
會淪於穿鑿附會囉。

s3n370 發表於 2020-5-30 10:48
你所謂嘅金科玉律，
前設係巴士公司必須按照區議會嘅議決
(嗱，係必須按照，唔係諮詢，唔係參考下)，

咁我唔覺得要咁狹義睇一件事總之巴士公司 運輸署 區議員提出既
都可以拎黎比較

好似城巴90拉去海怡
巴士公司運輸署傾向中立
按區會形勢照計贊成多過反對

但一個運輸署都怕左佢既林玉珍
唔支持就唔支持

呢幾年都有好多人搵佢傾有無得改90
就係想消除爭議後擺運輸署上枱
地區無爭議就同我推左佢
但一個人難搞就成件事難搞

反而區老立場統一
同運輸署fight野返黎,少好多障礙

kay 發表於 2020-5-30 11:33
咁我唔覺得要咁狹義睇一件事總之巴士公司 運輸署 區議員提出既
都可以拎黎比較

咁誠然立場一致，有利於向巴士公司爭取。
但資源有限，縱使巴士公司想做亦難面面俱圓。

要平衡，也可以係十樣野入面，
大多服從多數，留番少量顧全少數。

投票固然只有票數分高下，
但實行也要顧全少數，才能服眾。

現實上施行若忽略大多數，
點能夠唔爆大鑊丫？

kay 發表於 2020-5-30 08:34
其實本人認為,多年來好多野都係無限LOOP
無人願意睇過去既人點做,去諗下其他方法

想講多一個例子
當日23 23M 26M重組，都係親共派雙順符女士一個表示反對，但就拉大隊搵一大堆唔關事嘅人幫手投反對票，最終推翻並擱置重組

另外九巴9號延長路線事件亦是一個例子，兩個區議會之間有矛盾，結果觀塘不斷向黃大仙讓步才成事。

LN9267 發表於 2020-5-30 14:02
另外九巴9號延長路線事件亦是一個例子，兩個區議會之間有矛盾，結果觀塘不斷向黃大仙讓步才成事。 ...

所以就算馬鞍山獨立成一個區議會都未必解決到問題，一樣要同沙田夾。
站在馬鞍山居民角度，佢地就係覺得點解D巴士線下下都要經濱景第一城同大圍。
其實以濱景第一城個地理位置，其實又真係要靠馬鞍山D巴士線經過先搭到，所以其實我底線就係馬鞍山去西九同新西既巴士線頂盡只可以去到第一城就要上公路。
至於東九果堆，極限就係沙田醫院之後要上大隧。
馬鞍山班區議員想留條286M，其實我反而覺得cut左佢開返條由石門去觀塘既新線，換89c唔入濱景仲好！
過海線就比較難搞，都係等沙中線過海通埋睇下681可唔可以拉去烏溪沙去陰乾680，然後再分拆682仲好。
而係沙田居民角度，馬鞍山D線就係佢地一上車就上公路，例如第一城上87D、富豪上86c、大圍上81c、第一城上89c，所以點解佢地要死攬住堆線。
其實只要佢地搬入馬鞍山，再搭返呢堆線，又會唔會咁諗？

tszhinchan3 發表於 2020-5-30 15:47
站在馬鞍山居民角度，佢地就係覺得點解D巴士線下下都要經濱景第一城同大圍。

實際又係大窩西、白石角咁
所以北區要求74D北延到華明
而絕唔會同意277系、678加經
科學園,但攞到條0900南行頭班車
係唔係咁有用？白石角也有住宅入伙,
點解無資源試辦274全日或至少加班次?

其實以濱景第一城個地理位置，其實又真係要靠馬鞍山D巴士線經過先搭到，所以其實我底線就係馬鞍山去西九同新西既巴士線頂盡只可以去到第一城就要上公路。

濱景、第一城又唔係小眾到
無法獨立成線,由石門變起點
行晒六美顯田夠客又夠密,但就由
唔駛好耐上公路變成30分鐘後仲喺
沙田區之嘛……去到72咁一話分拆又
拗各自瓜分資源(正如當年70X取消換
978大埔亦唔滿意74X要抽車做74D咁樣)
馬鞍山唔再屬沙田區爭議祗會更加嚴重。

而係沙田居民角度，馬鞍山D線就係佢地一上車就上公路，例如第一城上87D、富豪上86c、大圍上81c、第一城上89c，所以點解佢地要死攬住堆線。
其實只要佢地搬入馬鞍山，再搭返呢堆線，又會唔會咁諗？

申請公屋無得太揀擇
租、買私樓或居屋等,除非
馬鞍山因巴士線太多中途站而比
沙田便宜一半(實際上無可能發生)

86C出九龍,馬鞍山上減至6蚊
而濱景到新田圍上收$8.9做抵償
咪問吓九汽制唔制囉,北行用八達通
回值制又話照顧唔到現金客㗎啦……

我仲有啲非交通範疇嘅方法,但講都無謂。

好似九龍城區議會阻撓 41 重組咪不合理囉，明明大把其他代替品，41 轉特快應可不用理會九龍城區

Anonymous 發表於 2020-5-29 12:32
962X/962B方案去到今日都應該慣曬，反正搭九巴轉車都唔算太方便(利申常客)。仲有962B都唔算慢得離譜，只係 ...

青山公路一帶仍然爭取962 1700-2000提供服務，一向不喜歡962B。

kitarolo 發表於 2020-5-30 16:36
實際又係大窩西、白石角咁
所以北區要求74D北延到華明
而絕唔會同意277系、678加經

明顯靠重執郊遊客既巴士線又係很難加強服務？